Ang Last Trip Sa 502... A Love Story

[YJOB]

"Iya kining gihagkan sa aping, dayon sa ngabil ug gigakos paghugot. Nilugnot ang mga kaunoran ni Gilbert, murag manok nga gustong moeskapo sa tangkal. Gihinayhinay niya ug palu-ag ang bakos sa karsones ni Aileen..."

---

Episode I

Nisawop na ang adlaw sa diha'ng naabot si Gilbert sa North Bus Terminal.
Nianang sayo sa buntag nagtext si Aileen kaniya nga magpasugat sa terminal
kay musakay siya sa last trip sa 502 inig ka alas tres sa hapon.
Ang bus nga may numero 502 mao ra ang bugtong nga bus nga moagi sa ilang dapit
kay tungod lagi dili man maagi-an sa "mainline" nga rota ang ilang barrio.
Ang mainline nga rota moliko sa Curva, lahos sa Bagay, agi sa menteryo sa Calape
ug dayong lapos sa Libertad padung na sa lungsod sa Daan Bantayan.

Managsilingan sila si Gilbert ug Aileen sa Sitio Culo. Wala'y moagi nga dagko'ng bus
sa ilang lugar kay di man mapuno padung sa syudad sa Sugbo. Kung adto moagi
sa main line mas daghan ang tawo nga mosakay. Kung tuyoon nila nga makasakay sa mas
komportable nga biyahe nga dunay aircon, magsakay pa ug tricycle padung sa eskina
Libertad o kung dili gani molahos sa siyudad sa Bogo diin dunay terminal nga hununganan
sa tanan nga biyahe. Gihikap ni Gilbert ang bulsa sa iyang karsones, arang arang kay diha pa iyang pitaka.
Taud-taod na siya sa syudad sukad nadawat pagka engineer sa usa ka kumpaniya sa Mepza tulo na ka tuig ang niagi.
Nasayod siya nga di na angay kumpyansaan ang panahon karon, daghan na'ng tulisan ug mga snatcher
mao gani nga iya gyud nga sugaton si Aileen sa terminal matag duaw niini kaduha sa usa ka bulan.

Episode II

Spoiler! 

Daan na nga mahinhin si Aileen sukad pa sa gagmay pa sila ni Gilbert. Siya ang molaban niini
kung sungogon sa mga kauban nila sa Grade Three kay kuno gisi-on ug panty. Pulos manananggot
ang ilang mga ginikanan, kinugos sa bunyag si Aileen sa papa ni Gilbert mao nga sukad
mga bata pa sila suod ang ilang mga ginikanan. Matag hapon gikan magdaro ang papa ni Gilbert
iya gyud nga hapiton si Aileen nga magdula sa ilang tugkaran para paamenon sa iyang kamot.
Usahay madugay siya ug pauli maabtan ug alas sais kay mag-istoryahanay pa man sila ni Delfin ang papa ni Aileen.

May mga higayon kaniadto nga mokuyog si Gilbert sa pagdaro sa bukid, mag-angkas siya sa kabaw.
Samtang nagdaro iyang papa, si Gilbert usab nagkagis sa mga dahon sa lubi naghimo ug mga toothpick
para itumod sa iyang mama kada Dominggo sa merkado kauban ang tam-is nga tuba sa iyang papa.
Inig hapit nila sa balay ni Aileen duna silay panahon sa pagduladula samtang nag-istorya ang ilang papa.
Nagkasuod silang duha hangtod nga nieskwela ug Grade One kuyogan gyud ni Gilbert si Aileen maglakaw
pauli sa ilang payag. Panahon sa ting uwan, taga tuhod ang tubig sa sapa nga ilang labangon
ug kusog ang agos sa tubig, agakon siya ni Gilbert tabok sa pikas daplin. Usahay sa mga adlaw'ng
Sabado kung mahuman na ug lawog sa mga Manok si Aileen inig agi nila ni Gilbert sa buntag padulong sa uma,
mokuyog siya para silang duha ang magkagis ug dahon sa lubi gam-on nga toothpick.

Episode III

Spoiler! 

Pipila ka tuig ang milabay, nagtungha na sa high school silang duha. Kauban gihapon sila ug pauli apan dili
na maglakaw kay ang eskwelahan sa lungsod walo ka kilometro man ang gilay-on gikan sa ilang sitio.
Dungan sila ug paniudto, huwaton pud siya ni Gilbert inig ka buntag padung sa eskwelahan.
Di momenos kaduha matag semana moadto si Gilbert sa ilang Aileen para tabangan ug himo sa assignment
kay mas hanas man si Gilbert sa mathematics samtang si Aileen maoy nag-una sa ilang klase sa subject nga English.

Kahibalo ko naghinam-hinam na mo nga magkauyab silang duha, matud pa ninyo "Ah grabe naman sad sukad bata pa sila
magsige na ug kuyog syaro di magkauyab?" Pila may sugilanon nagkauyab gyud sila. Di pud nato maingon nga mga
ignorante sila parte ug robo robo, aw naa sad ginagmay depende kung wa'y tawo. Nakat-on sad sila'g hikap-hikap
ug sabud sabud ginagmay tungod sa mga salida sa TV ug sa sine. Unsaon man lagi nga may hitsura man sab kini si
Aileen, labi na gyud sukad namaestra na sa high school nga ilang gitunghaan sa una misamot kahamis ang kutis
ug misamot kaputi ang paa hayag kaayo kung magpakigol kinsa gud di maglaway ana? Pun-an pa sa hubag nga buot
molugnot sa iyang dughan aw makalingi gyud ka ug makatutok sa uban pang mga nihulma diha. Kining atong bida nga si
Gilbert di man sad ni magpaalkanse, kung manan-aw sila'g sine ni Aileen wa'y masabtan sa salida ambot ngano kaha
wa tingali maminaw.

Matag kinsenas sa bulan maghatod si Aileen ug kwarta sa iyang manghod nga si Rowena nga nagtungha sa kolehiyo. Nagpuyo kini ug
boarding house sa Urgello pero syempre mohapit gyud siya sa gipuy-an nga apartment ni Gilbert sa di pa moadto sa Urgello.
Laliman ba gud ka anang panagsa ra magkita, magsabong man gani ang manok nga tapad ug tangkal, kana pa kahang gihidlaw?
Pila na lang ka tuig ang ilang hulaton, inig tapos sa pagtungha sa manghod ni Aileen magminyo na silang duha, mao nga
tusik tusik lang sa ron, luoka lang na diha 'bert kung di mopatoo para mokalma ang agokoy.

Episode IV

Spoiler! 

Nagpadala ug message si Aileen nga naa na sila sa Bogo nianang pagka alas tres y medya. Makatulog man pirme si Aileen sa
biyahe busa wala na lang sad magtext text si Gilbert para di matugaw iyang pinalangga. Dunay naabot nga text gikan sa papa
ni Aileen nagtugon nga nakasakay na si Aileen sa bus moabot sa syudad pasado alas sais na kung dili traffic sa Mandaue.
Gikan nga nag-overtime si Gilbert sa duty sa miaging adlaw hago pa siya mao nga nakatagpilaw siya sa lingkuranan sa
terminal mao na lay iyang namat-an si Aileen nagpahiyom nga nipukaw niya. Nangutana si Gilbert asa nagparking ang 502 kay
naa man siya naglingkod sa atubangan sa pwesto niini sa terminal pero walay bus nga nagparking didto. Tubag ni Aileen na flat daw ang ligid
dapit sa Jagobiao mao nga mibalhin na lang ug jeep si Aileen padung sa terminal kay nasayod siya nga nagpaabot si Gilbert.
Gihangop ni Gilbert si Aileen ug dayong tindog para mag-atang ug taxi padung sa apartment ni Gilbert. Hayag gihapon kaayo
ang kutis ni Aileen bisan ug sawop na ang adlaw, ug ang iyang kahumot nakapukaw gyud sa hago nga lawas ni Gilbert.

Sa diha na sila sa taxi, mura'g di na makapugong si Gilbert sa iyang kamingaw kapaakon na siya sa ngabil ni Aileen, unsaon pud tong
driver sa taxi magsige man sad ug pasiplat sa samin lupig pa man ang sniper. Huot ang trapik sa may UC Mandaue padulong saka sa bridge.
Madugay dugay pa gyud ni una maabot sila sa apartment gipaningot na si Gilbert bisan pa ug aircon ang taxi. Wa na siya makapugong sa iyang
gibati mao nga sa walay pagduhaduha iyang giingnan ang driver nga pabalikon sa agi, dretso sa inila nga motel sa may reclamation area.
Nakurat si Aileen sa gisulti ni Gilbert iyang gikumot ang kamot niini agig pagpasabot nga di siya ganahan manulod sila sa motel.
Di man gud siya kauyon sa motel kay hadlok siya sa nikatag nga mga scandal video karon panahona simbako naay hidden camera didto.
Apan igo lang siya gitutukan ni Gilbert ug mipakapin ug pahiyom busa nisandig na lang si Aileen sa lingkuranan sa taxi ug niduko.

Episode V

Spoiler! 

Nag-anam na ni kalami atong storya, relax lang mo diha padung na ta short-time ani. Niliko ang taxi sa tuo, liko sa wala, dretso gamay, menor sa traffic light, abante sa go signal likay likay sa liba-ong hangtod naabot gyud sa gate. Gitugon ni Gilbert ang driver nga pasultian ang attendant anha sila sa VIP
para sigurado nga limpyo ang kwarto ug mas walay kuyaw sa mga hidden camera. Tuod man didto sila sa VIP. Excited na kaayo si Gilbert
iyang gidretso paggakos si Aileen paghuman ug sirado sa pultahan. "Kabugnaw ba nimo uy mura man ka'g ice? Nakuyawan ka? Wala lagi scandal diri", matod ni Gilbert.
Wala motingog si Aileen. Iya kining gihagkan sa aping, dayon sa ngabil ug gigakos paghugot. Nilugnot ang mga kaunoran ni Gilbert, murag
manok nga gustong moeskapo sa tangkal. Gihinayhinay niya ug palu-ag ang bakos sa karsones ni Aileen, gihubo ang blouse ug giitsa sa bangko.
Pastilan kahamis gyud sa dughan, suya lang mo kay wa mo kita, padayon lang basa diha. Gius-os niya ang karsones sa dalaga, gihubo sa usa ka tiil, sunod sa pikas tiil
ug giitsa sa bangko. Samot na gyud ni ron nagbukal na. Gikulbaan na atong mga audience. Gihapuhap ni Gilbert ang buko-buko ni Aileen kay nangita
siya sa lock sa bra.

Nitingog ang cellphone ni Gilbert. Time out sa ta kadali kay nitingog ang cellphone ni Gilbert mga migo, kung di ni nato atimanon magsige ni ug tingog.
"Dong, naa na si Aileen diha? Wa pa man siya magtext namo nga nagkita na mo, alas sais na raba pasado" matod pa sa text gikan sa papa ni Aileen.
Nigawas ang pagkamaldito ni Gilbert iyang gi-off iyang cellphone. "Kinsa to nagtext?", pangutana ni Aileen. "Unya na nako replyan, imong papa nangutana
kung naabot na ba kuno ka", tubag ni Gilbert. Ug tuod man nipadayon si Gilbert sa iyahang pay-per-click romansa. Hanas kaayo ni sa romansa atong bida
kay makalahutay ni ug trienta minutos nga pa-thrilling. Nilabay ang medya oras kalit nga gipalu-agan ni Aileen ang iyang hugot nga paggakos ni Gilbert.

Episode VI

Spoiler! 

"Taym sa 'bert, mag half bath sa ko kay gikan pa ko sa byahe", pulong ni Aileen.
"Ayaw na lang gud, unya na lang kaligo inig human", tubag ni Gilbert.
"Kadali ra lagi ko, reply lang una ni papa ingna nihapit ta sa SM", matod ni Aileen.
Nikalma ang mga unod ni Gilbert, "Okay replyan lang sa nako, pagdali ha?".

Nisulod si Aileen sa banyo, nagpaagas sa shower, ang pinisik sa tubig misamot sa ka-thrilling mura'g sound effect sa James Bond.
Gitugotan na lang ni Gilbert si Aileen, total kadali ra man sad nang half bath higda higda lang sa siya sa katre.
Tuod man, gibalik pag-turn on ni Gilbert ang cellphone para iyang replyan ang papa ni Aileen.

Walay usa ka minuto gikan sa pag on ni Gilbert sa cellphone ni-ring kini.
Incoming call gikan sa iyang papa. Unsa man kahay tuyo ni papa, hunahuna ni Gilbert.
"Hello, Pa? Nitawag man ka?", pulong ni Gilbert.
"Low batt ka? Ganina ra ko nagsige tawag nimo di man ka makontak?", tubag sa iyang amahan.

Final Episode

Spoiler! 

"Apasa sa Rolling Hills si Rowena ubani didto kay siya ra usa. Nadisgrasya ang 502 'bert nahulog sa pangpang ganina alas singko patay ang tanan pasahero.
Nagpadung na sila si Pare Delfin diha sa syudad tabangi sila ug pahiluna sa patay'ng lawas ni Aileen..."

Nanglimbawot ang balahibo ni Gilbert daw mikalit kahilom ang kwarto, napwong ug kalit ang kasikas sa pinisik sa shower.
Wala siya makalihok sa iyang nahimutangan, mura'g gilansang ang iyang mga tiil.

Ug unya nikalit pagkapalong ang mga suga, naputos siya sa kangitngit sa maong lawak.

.

[YJOB]

spoiler removed.

[elvinjoe]

ungo diay na si aileen. . hehe

[YJOB]

mao nay kuyaw bro, gipaningot si Gilbert kay nikalit kahilom ang banyo, napawong ang agas sa shower gikulbaan siya naglibog kung modagan ba siya or molili kung naa bay naligo.

[Talkative101]

moa d.ay namugnaw si aileen.. hahaha

[Dondon]

Xerex ni? Taasa pud oi nyahehehe.

[YJOB]

bunga na sa kalaay Don.
mao lagi taas taas jud kay naa may mokalit sulod idea sa akong ulo akong isumpay nitaas noon saon man naglami man gud sila he he.

[Ljane]

hehehe,kataw anan sad ni dah, naa mga pakapin, hehe

[bebutestillore]

la na lain istorya bro? thrilling na man ta 2, hasta ko lain na gibati, kakuyaw ana istoryaha oi... more pa bro b..

[YJOB]

maghunahuna sa ko lain storya, mogawas man gud atong pagkawriter kung ibasted ta