Ang mga Balak ug Awit sa Pakigbisog

[dramaturgo]

---

Luyo sa Matahom nga Pahiyom
Ni adbent

Pagkaanindot sud-ongon
Panagway mo nga mapahiyumon
Mga mata nga daw sidlak sama sa bituon
Kanimo dunay buot nga moangkon!

Apa luyo sa imong pagpakaaron-ingnon
Nahisama ka sa bisyo og nagumon
Sa pagsukarap maglisod na og bangon
Mahimo pa ba kining bakwion?

Buot mo man nga hitalikdan
Og sa hangtod kini hikalimtan
Apan kini magpabilin sa handumanan
Aduna nay luna sa imong kahiladman!

Kini ang dakong bugno sa imong kinabuhi
Bisan pa man nga ikaw niini magdumili
Itisok pagbalik ang nag-inusarang binhi
Alimaha pag-usab, matuod nga kalipay ang bugti!

[aya_diwata]

Luyo sa Matahom nga Pahiyom
Ni adbent

Pagkaanindot sud-ongon
Panagway mo nga mapahiyumon
Mga mata nga daw sidlak sama sa bituon
Kanimo dunay buot nga moangkon!

Apa luyo sa imong pagpakaaron-ingnon
Nahisama ka sa bisyo og nagumon
Sa pagsukarap maglisod na og bangon
Mahimo pa ba kining bakwion?

Buot mo man nga hitalikdan
Og sa hangtod kini hikalimtan
Apan kini magpabilin sa handumanan
Aduna nay luna sa imong kahiladman!

Kini ang dakong bugno sa imong kinabuhi
Bisan pa man nga ikaw niini magdumili
Itisok pagbalik ang nag-inusarang binhi
Alimaha pag-usab, matuod nga kalipay ang bugti!

asa dapit diri ang bahin sa pakigbisog?

ah kato, kakita ko wee

[gerard]

nindota gud ani mga balak...
maka hilak mansad ta ug bagul....

[dramaturgo]

just a question, abi nakong balak ug awit as pakibisog ni nga thread. nganong naay nasagol nga poems na lahi ang themes?

asa dapit diri ang bahin sa pakigbisog?

ah kato, kakita ko wee

hehehe..,maam aya_diwata..ask lang ko,unsay sabot nimo sa pulong nga pakigbisog?or dapat ba gyod nga naay word nga pakigbisog ang maong balak o awit nga gipaambit dinhi?

hinuon, maybe u cant relate to the author kon unsay gibati niya sa maong obra nga iyang namugna...

sa balak nga akong gi-post nga nag-ulohan og "Luyo sa Matahum nga Pahiyom" do you think nga nasaag lang kini?

dili ba diay nga sabotable naman na kaayo ang mga pulong nga akong gigamit?

pagpaambit lang gamay sa unod sa maong balak:

buot niini tul-iron ang mga nahitabo sa iyang kinabuhi..
nanglimbasog siya nga mabuntog niya ang iyang kahuyang..
naningoha siya nga mahiuli ang matuod niyang pagkatawo..

sobra pa man guro ni sa pakigbisog ang iyang gihimo .. kay ang pinakalisod nga kontra sa atong kinabuhi mao ang atong kaugalingon mismo...

apan ako nagatoo nga ang matag-usa kanato adunay nagkalain-laing pagtan-aw og pagsabot..^^


maayong gabidlaw kanimo higala!

[dramaturgo]

Duga sa paningkamot
ni:dramaturgo


Antoson ko ang kamingaw
Sa akong paglangyaw
Bawnon ko ang mga pangandoy
Sa mapula nga yuta dinhi ko itaroy!

Langoyon ko ang lawod sa akong mga luha
Aron maangkon ko ang akong gitinguha
Og sa katapusang lugas sa akong singot
Humot sa kadaugan akong masimhot
Pug-on ko sa napudpod ko nang mga kamot
Aron maani ang duga sa akong paningkamot!

[dcshoeboy]

Sapa Ni Carol
By Pompeo


Miinit ang akong kalawasan
migimok ang kaunuran
ang ulo ko nangyango-yango
gusto nga musalom kay maligo
apan lubog pa ang sapa
ug kusog pa kaayo ang baha.

Dili na ko makapaabot pa
sa pagtin-aw sa sapa
ug sa paglurang sa baha
sa tabay na lang ko ni Fe magtimba
aron mahuwasan ug mabugnawan
ang maiinit ug matikig kong kalawasan

Mitin-aw na usab ang tubig sa sapa
kalaming isalom ug ihumol
sa lawas kong migahi ug mikubol
ug unya gihuukas ko ang akong purol
ang tibuok kung lawas akong gihumol
sa lawom ug lumotong sapa ni Carol

mao ni ang isa sa pinakapayter na pulong ako nabasahan

[edoy]

by:edoy

krisis sa pinas wala juy pu-as pu-as
presyo sa panaliton permi lang jud gata-as
unsaon nalang pagbayad sa utang nga wala na impas
ang kwarta kong hiniposan hapit najud mahubas

kalooy sa uyamot permi gi tamas-tamas
buhis sa mga datu sa pobre ikaltas
ka-angayan raman unta ang among pangagpas
bisan sa hustisya nganung dili pa gihapon patas ?

pag-antos sa pinoy kanus-a pa kini mohunas ?
krisis sa kalibutan kanus-a pa tawn mohupas ?
luha sa walog gipoy-an, kanunay nag-agas
reyalidad na kini, dili na pwede moikyas

ilog sa gahom,politoko daghan ang nag-apas
pundo sa eleksyon pwede ra i-waldas-waldas
lansad,dagan,abante, ayaw pag-atras
sa pag-ilog sa pwesto may gahom kang motigbas!

hiwi nga liderato sa pwesto, hala layas !!!
paglambo sa nasod gadala kamo ug malas
daghang programang gisugdan apan wala matiwas
paghakot sa bahandi mao ray inyong tahas

paglansad pagbalik ayaw nalang pag-pangahas
batikos,pasangil ug saway sa nawng mo ihampas
sa pagsaka mo sa entablado nga hata-as
kami nangandoy nga unta ikaw madakin-as !!!

.
.
.
.
mao pa ni ako ma share...pero na post na ni sa laing thread ,pero dili fit didto...

[linogzkie]

(halad sa mga martyr nga nakigbisog alang sa katawhan)
ang balak nga inyong mabasa gikutlo gikan sa google...

NOTBUK
Ang akong notbuk, dakong kaban
Sa mga damgo ug gibati,
Nga nagsilbing hinagiban
Kontra sa kamingaw ug kakuli.

Sama og tolbaks nga dangpan
Kung utok ma-aberya
O armory nga gibutangan
Sa kasuko ug kahingawa.

Aparador diin gihipos
Kasakit ug kahiubos
O altar diin gibitay
Mga panahon sa kalipay.

Ani-a ang mga awit
Medley sa gugma ug pakigbisog.

Ani-a ang mga balak
Gipatik, kahadlok ug kaisog.

Ani-a akong kinabuhi
Sa linupigan gihalad
Bolpen nagtug-an, kasingkasing nagsaad.

( mao ni balak sa pakigbisog...
ug mga awit ang hisgotan aniay daghan,,,

anak ng bayan
brother warriors-kate wolf
oras na - coritha
address
tano
magsasaka ikaw ay bayani..
daghan pa kaayo ning nia sa akong mp4...

[Jerry Michael]

(halad sa mga martyr nga nakigbisog alang sa katawhan)
ang balak nga inyong mabasa gikutlo gikan sa google...

NOTBUK
Ang akong notbuk, dakong kaban
Sa mga damgo ug gibati,
Nga nagsilbing hinagiban
Kontra sa kamingaw ug kakuli.

Sama og tolbaks nga dangpan
Kung utok ma-aberya
O armory nga gibutangan
Sa kasuko ug kahingawa.

Aparador diin gihipos
Kasakit ug kahiubos
O altar diin gibitay
Mga panahon sa kalipay.

Ani-a ang mga awit
Medley sa gugma ug pakigbisog.

Ani-a ang mga balak
Gipatik, kahadlok ug kaisog.

Ani-a akong kinabuhi
Sa linupigan gihalad
Bolpen nagtug-an, kasingkasing nagsaad.

( mao ni balak sa pakigbisog...
ug mga awit ang hisgotan aniay daghan,,,

anak ng bayan
brother warriors-kate wolf
oras na - coritha
address
tano
magsasaka ikaw ay bayani..
daghan pa kaayo ning nia sa akong mp4...

Kung wa ko masayop...sinuwat ug gimugna ni ni Rachel "maemae" Palang. Gihalad ang kinabuhi sa pagsilbi sa katawhan.

[linogzkie]

Kung wa ko masayop...sinuwat ug gimugna ni ni Rachel "maemae" Palang. Gihalad ang kinabuhi sa pagsilbi sa katawhan.

sakto ka higala....napay usa ana katong capitol man siguro to nindot sad..