2 ka kampana gikawat

[Motownkid]

---

Kampana nauli tungod sa SuperB

TUNGOD sa pagka-banner sa Sun.Star Superbalita mahitungod sa pagkahanaw sa duha ka mga kampana didto sa lungsod sa Dumanjug nga gikawat, nakit-an kini ug nakuha nag balik sa kapulisan.

Ang kampana gibaligya sa usa ka junk shop sa siyudad sa Talisay sa tulo ka wa mailhing MGA tawo.

Nabalita ning mantalaan kagahapon nga ang duha ka mga kampana sa kapilya sa barangay Pawa gikawat sa wa mailhing mga tawo.

Ang kampana giingong kabilin pa sa katiguwangan ug nahimo niadto pang 18th century ug ginama sa mga alahas ug karaan kuwarta nga gitampo-tampo sa mga tawo kaniadto.

Gani gihangyo na kining paliton og usa ka magpapatigayon og P4 milyunes pesos.

Ang kampana gipagawas sa mga opisyal sa kapilya tungod kay nag-angat naman ang ilang pista karong tapos buwan ubos sa patron ni Senior San Jose.

Kagahapon ang hepe sa Dumanjug Police Station nga si Senior Insp. Ricardo Nayne nipahibawo nga ang maong kampana nabalik na sa barangay Pawa.

Ila kining nakuha og balik gikan sa Pajardo’s junk shop sa sityo Hollowblock, barangay Lagtang, siyudad sa Talisay.

Matod pa, sa caretaker sa junk shop nga si Michael Abendan nga gibaligya ang maong kampana niadto pang Biyernes sa tulo ka wa mailhing tawo, apan wa pa nila mabayri tungod kay wa pa silay kuwarta.

Hinuon wa ibutyag sa junk shop kon pilay ilang palit sa duha ka karaang kampana.

Niadtong Lunes wa pa mobalik ang tulo ka mga tawo hangtod nga nigawas ang report sa Sun.Star Superbalita ug nabasahan sa tag-iya sa junk shop.

Ila kining gi-report ngadto sa kapulisan sa Talisay tungod kay dako ang ilang pagduda nga ang kampana mao ang gikawat didto sa Dumanjug.

Kagahapon si Nayne daling niadto sa Talisay Police Station ug nasuta nga ang maong kampana mao gyud ang nakawat didto sa ilang dapit.

Si Nayne niingon nga base sa ilang imbestigasyon aduna na silay gidudahan nga nihimo sa kremin human nga ang usa sa nibaligya natukma sa paghulagway sa tag-iya sa junk shop sa ila usab nga gidudahan nga taga didto ra usab sa ilang dapit.


source

-------------------------------------------

ka-bogits pod ato nila oi.. sa antique collector pa lang to nila gibaligya..hehe

[Aquatic_Girl]

tag-an pa ko diri sa lagtang gibaligya ang maong kampana!!! "tsismosa lang jud ko"hahahahha

[Siobhan]

paeta ultimo kampana....

[W.Axl Rose]

luoy ang junkshop nakapalit sa kampana ty ang ilang kwarta ,sa balaud pwede ra ba ni bawion kay kinawat gud ni

[uzumaki]

mahal to kay maorag bog at man hehe

[aylen]

Sunod ana kawaton ang mga nilabhan sa sulod sa kumbento. Hala! Naunsa naman intawon ta ani! Wa na gyuy lain?