Opra Ambush

[Motownkid]

---

usoha sa ambush karong semanaha sa mga crime suspects sa Cebu oi, homan sa Minglanilla, karon sa Opra na pod..




Gipamatay may hulga sa text


UPAT ka mga anggulo ang gisusi karon sa kapulisan sa dakbayan sa Sugbo sa pagpamanhig sa usa ka van nga gikamatay sa tulo ka mga tawo ug pagkaangol sa usa.

Usa sa mga giya sa kapulisan sa ambush niadtong Lunes sa hapon sa Brgy. Kalunasan mao ang tulo ka text messages nga gikan sa tulo ka nagkalainlaing mga numero.

Mga text message sa pagpanghulga naukayan sa kapulisan diha sa simpack nga gipanag-iya ni Jose Mecias Magno.

Samtang, ang ikatulo nga biktima si Evelyn Magno nasikop na diay kaniadto sa kasong estafa sa lalawigan sa Negros Oriental apan nagdala sa laing ngalan.

Si Cebu City Police Office (CCPO) director Patrocinio Comendador nagkanayon nga ang upat ka mga anggulo naglakip sa panagbangi tali sa mga miyembro sa maong sindikato, way maayong pagbinahinay sa ilang kinitaan, pagpanimawos sa ilang mga biktima ug binuhatan kini sa mga vigilante.

Apan, ang gihatagag mas dakong gibug-aton sa kapulisan mao ang panagbangi tali sa mga sakop sa budol-budol gang base sa mga text message diha sa simpack ni Jose Mecias.

Ang katapusang text message nga nadawat niadtong Mayo 1 sa alas 8:22 sa buntag gikan sa cell number 614___ nagtala nga “Patoloy nyo lahat gawain nyo kontak ko na ang mga tauhan ng uncle ko c Duterte, magtago na kayo dahil and dame na ninyong neloko kahit mga pulis pa ang kap.”

Laing mensahe niadtong Abril 30 sa alas 8:55 sa buntag gika na sa cell number 0929____ nagkanayon “Hi, kumusta hurot na ang inyong kita? Grabeha gyud ninyo nakailad karma ra ang inyo naghulat c satanas mga demonyo mong dagko may adlaw ra mo tanan mahurot mo kamatay wa matulog ang ginuo I hope mahitabo sa inyong mga anak inyo gibuhat, paghapihapi mo hapit na inyo oras, padung namo menteryo tanan andam nlang mo daan.”

Ang ikatulo nga mensahe nga nadawat human sa duha ka oras gikan sa cell number +8869___ nga nagkanayon “Ang galing nyo talagang manloko, lintik lang ang walang ganti maubos rin kayo lahat magtago kayo kahit saan.”

Samtang ang Crime Against Property Desk kanhi Theft and Robbery Section (TRS) sa CCPO nakakuha og hulagway niadtong Evelyn Magno sa dihang nadakpan sa Bais City, Negros Oriental niadtong 2005.

Hulagway sa usa ka Ann Espada, 36, taga-dalan P. del Rosario st., nga nakuha gikan sa rouges gallery sa TRS natukma sa hulagway ni Evelyn.

Ang hepe sa Homicide section Mario Monilar nagkanayon nga hangtod karon wa pa nila ma-establisar ang relasyon sa drayber sa van nga si retired M/Sgt. Henry Comandao sa Philippine Air Force ngadto sa mga biktima sa pagpang-ambush.

Pulong pa ni Monilar nga ang mga kabanay ni Comandao nga niduaw sa tambalanan ingon sa busy kaayo sa pag-atiman sa ilang pasyente nga anaa pa sa critical nga kondisyon.

Apan, si Chito Comandao, nagpailang anak ni retired Sgt. Henry Comandao, niiingon nga ang iyang amahan ug mga biktima wa gyuy relasyon.

Matod niya nga wa gyud siya makaila sa mao nga mga tawo dihang siya gipatan-aw sa kapulisan sa lawas ni Medasi Castro.

Iyang giangkon nga dunay mga tawo nga niadto sa ilang balay kay moabang sa ilang Hyundai van (plate number GPZ 457) kay dunay kuhaong mga piniriso nga dunay mga kasong estafa.

Gawas niini, wa na siyay nahibaw-an pa.

Siya niingon nga sukad niretiro ang ilang amahan, nagkalingaw na kinig drive sa ilang van kon dunay mopakyaw.

Nasayran sa kapulisan nga unang gipusil sa mga killer mao si Comandao aron mohunong ang van.

Dihang nihunong na ang van, gibirahan gilayon ang iyang tulo ka mga pasahero.

Si Comandao dunay duha ka mga samad sa ulo ug naa pa sa kritikal nga kondisyon sud sa tambalanan.

source

[BloomerBeak]

grabe woi. base sa first message, murag makapangutana bah: is this a work of DDS? pero dili ko magjump into a conclusion kay akong nahibaw-an, ang ginatira sa DDS kay mga drug-pusher. Isa pa, sa Cebu man ni, so basin dili jud DDS.

[neox30]

paita oi