Ang mga Balak ug Awit sa Pakigbisog

[Tattva]

---

biiba nako niining akoyako, hehehehe.

i make one later. huna huna sa ko.

[balut_man]

Balut_man
kinsay naggaray ani. kinsay tigsulat?
kanus-a nasulat?

Akoy
2008.3.16

si allen ginsberg agawon...ako lang gisipra ug gihubad.

[balut_man]

kay ang Nostalgia
irong nag-uwag, kambras
sa panumduman.

ug kagahapon
suka sa samad, kagis
sa may tutunlan.

[akoyako]

Pamalandong

Sa dugay na nga pagpuyo niining kalibotan
Wa ko pa gayod Ikaw hingpit nga hisabti

Apan dunay pipila ka pamalandong
mga kamatuoran nga akong natataw,
nahibaw-an, nabati niining dughan

Diha sa Imong pagkahagba, ako mibarog
sa Imong tumang kauhaw, ako natagbaw
Tungod sa Imong kamatayon, ako nahatagag kinabuhi
sa Imong pagkabanhaw, ako dunay paglaom

Salamat Kanimo, sa Imong Gugma'g kaayo.

Yani

[balut_man]

Pamalandong

Sa dugay na nga pagpuyo niining kalibotan
Wa ko pa gayod Ikaw hingpit nga hisabti

Apan dunay pipila ka pamalandong
mga kamatuoran nga akong natataw,
nahibaw-an, nabati niining dughan

Diha sa Imong pagkahagba, ako mibarog
sa Imong tumang kauhaw, ako natagbaw
Tungod sa Imong kamatayon, ako nahatagag kinabuhi
sa Imong pagkabanhaw, ako dunay paglaom

Salamat Kanimo, sa Imong Gugma'g kaayo.

Yani

ganahan ko ani kay dili lisud basahon apan lalom ug dulot.

sa sinugdang stansa atong makita nga ang ispikir sa balak nagpaubos sa iyang kaugalingon paagi sa pag-ako sa iyang pagkahoyang apan medyo nisimang sa iyang posisyon sa unang linya. sa ikaduhang stansa, nisugod nag pangompisal; buena mano sa umaabot nga stansa. ang panapos nipadangat sa tukmang resolusyon.

[akoyako]

Damgo

Gidamgo ko ikaw
naglili sa rehas nga pultahan
naglantaw, naghuwat nga padayunon

Sa dihang ako milingi
wa mo tingali damha
natinuod imong pagduda
ako gyod diay ang imong nakita

Mikaratil kag dagan
palayo kanako
misutoy kog gukod kanimo
nagsangpit sa imong ngalan

Wa ko gyod ikaw maapsi
nihunong na lang kog dagan
gipasagdan ka nga nagkalayo'

Higala, nahadlok ka ba kanako
sa ato unta nga panagbalik tagbo?
O nahadlok ka sa imong kaugalingon
nga makigharong kanako?

Yani[br]Posted on: March 27, 2008, 12:32:49 AM_________________________________________________

[akoyako]

Imadyina

Imadyina
ang dagat way bisag usa ka tulo sa tubig
ang kawanangan way bisag usa ka bituon
ang disyerto way bisag usa ka balas
ang kalasangan way bisag usa ka kahoy

imadyina
mga mata nga nahubsan sa luha
dughan nga gitaliwan sa pagbati
tawo nga nawad'an sa paglaom

imadyina
duna ka pa bay makita?

Yani

[Tattva]

Babaye sa Dalan

Babaye sa dalan
kalisod nimo sabton
kung tagdon ka, moyam-id ka sa hilom
kung pasagdan ka, kilay nimo mosaka dayun


babaye sa dalan
Unsa kaha'y angay buhaton
kay naglibog na kninig batan-on
ayaw paabot nga ikaw barangun


babaye sa dalan
hinaot ko nga ikaw ma angkon
apan ako madudahon
kay ako dili nmo paga'tagdon


bow,hehehe

[Tevye]

nice Tattva

[modelator]

maanindot ang inyong nahuna-hunaan nga kapulongan.
unsa na ang kalumbuan niini kay interesado pud ko.