Pinulongang Bisaya (Everything about Bisaya Language, Ludabi, ug uban pa)

[akoyako]

Bay Forester,
Imo ba ning sinulat ang bahin ni Leon Kilat?

Akoy[br]Posted on: March 08, 2008, 10:32:15 PM_________________________________________________N indot. Karon pa ko kadungog ani nga kasaysayan.
[br]Posted on: March 08, 2008, 10:33:14 PM_________________________________________________

@brownprose
Nakahinumdum ko ni kanhi gobernador Lito Osmeña nga kusganon nga nibarog nga ang Bisaya or Cebuano mao'y
pinakafeasible daw nga dialect sa pangatarungan nga kini mao'y widely spoken ug widely understood nga dialect sa nasud. Naa bay mga statistika nga nagpamatood niini? Ug kon wala, angayan ba nga ipatuman ang maong sugyot?

Ang mosunod nga mga kasayoran sa pag-ihap sa katawhan sa National Statistics
Office (NSO) sukad sa 1948 hangtod sa 2000 nagpakita nga sa pag-agi sa mga
tuig hinay-hinay og pagkamatay ang atong mga sinultian. Tan-awon nato:

1948 1960 1975 1990 1995

Tagalog--------19% 21% 23% 28% 29.29%

Cebuano ------25% 24% 24% 24% 21.17%

Ilocano ---------12% 11% 11% 09% 09.31%

Ilonggo ---------12% 10% 09% 09% 09.11%

Bicol -----------08% 07% 06% 05% 05.69%

Waray ----------06% 05% 04% 04% 03.81%

Pampangan --03% 03% 03% 03% 02.90%

Pangasinan --03% 02% 02% 01% 01.01%
(Pangtala ni Edwin Camaya sa Defenders of the Indigenous Languages of
the Archipelago-DILA)[br]Posted on: March 08, 2008, 11:53:55 PM_________________________________________________a ng statistics kinutlo to gikan sa pamulong
ni Atty. Faelnar Ludabi National Convention adtong
Enero. 19, 2008 sa Casino Espanol, Dakbayan sa Sugbo.

masubay niining kutay:
http://forum.ludabi.org/index.php?topic=9.0

Akoy
2008.3.8

[a-fil-am]

hello sir forester. last week we're debating if the forester here was you, your trademark and mode. now we found that its you. -students mo po kami sir in grad.school literary criticism. again, were learning together at istoryanet.

[forester]

Bay Forester,
Imo ba ning sinulat ang bahin ni Leon Kilat?

Akoy
Posted on: March 08, 2008, 10:32:15 PM
--------------------------------------------------------------------------------
Nindot. Karon pa ko kadungog ani nga kasaysayan.

Posted on: March 08, 2008, 10:33:14 PM


__________________________________________________ ____________________________________

Bay Akoy, ako kining kaugalingo'ng paghulagway sa kasaysayan kalabot ni Leonkilat [personal historical appreciation]. Gumikan kini kay may managlahi nga mga asoy nga wala managkatakdo kabahin ni Leonkilat. Sa akong bahin, ang akong pagtuon niini naglangkub sa mosunod:
1. 6 ka mga "referencia" ang akong gigamit alang sa pagsabut sa pinaka-duol nga kahimtang niadtong panahona
a.) 2 ka kinatsila nga basahon: usa gikan sa magtatala, usa gikan sa usa ka "report" sa Provincia nga atua karon sa UST. Gihubad ko kini sa atong binisaya nga mao kanang mabasa karon
b.) 1 ka Ininglis nga basahon sa atong kasaysayang lokal
c.) 2 ka binisaya nga basahon: usa ka pamantalaan niadtong sayong bahin sa 19-siglo nga ana-a karon sa USC, usa ka basahon sa kasaysayan nga nasulat niadtong 1920
d.) 1 ka "diario" nga gitipigan karon sa USC nga kopya sa na-asoy sa usa ka lumulopyo'ng Aleman.
That literary piece is purely written by your humble friend. My gratitude on your appreciation.
2. Akong gibasa usab ang "investigacion" sa mga "guardia civiles" human niadtong madugo-ong hitabo, ang kopya niini atua sa "archive" sa Santo Tomas. Mga "panuki-duki" [interrogation] kini sa mga saksi ug mga nadakpang sakop sa KKK nga may kalabutan sa mipalyar nga rebelyon.

__________________________________________________ _______________________________________

Sakto si Clarkh, murag mingaw na kining dapita. Dia koy daghang mga inukadyang nga pangalan diri Clarkh, ilang mga Sotto, Joaquin Junquera, Dionisio Jakosalem, Fructouso Ramos, etc.... Hubaron ko pa kini kay manifesto kini sa mga katsila nga dia sa atong mga kamot.

__________________________________________________ _______________________________________

@Afil-am
I wish all of you will also express something in this "technological world" such that we could also learn from your learnings.

[akoyako]

Salamat Bay Forester,
maayo pagkasulat.
Akoy
2008.3.10

[brownprose]

wow...absent lang ko'g kadiyot, nindot na kaayo ang mga kalamboan. maayo tingali nga moabsent ko no?

@forester

ang imong saysay ni Leon Kilat kay mabulokon gyud og wa nako damha ang tinood nga detalye sa kasaysayan likod aning kinabuhi ug mga panghitabo nga nagalirong ni Pantaleon Villegas. Kutob ra gyud intawn sa dalan Leon Kilat akong kasinitian aning Leon Kilat kay halos wa gyud kitay makawkaw nga mga referencia sa atong mga textbook sa History kong maghisgut na kini og mga bayani nga gikan sa Sugbo. Subo kaayo palandumon nga mismo si Lapulapu wala man gani hatagi og igong pakisusi kong unsa gyud ang iyang pagkatao og hinungdan sa iyang pag-alsa sa mga katsila. Igo nalang gyud ta sa pagtando nga si Lapulapu maoy unang bayani sa Pilipinas pero ang mga kasayoran niini kay daw sama sa balas sa baybayon sa Mactan nga di gyud nato matuki kon ngano mas puti ang iyang klase sa balas nga ang sikbit nga mga dakbayan o lungsod niini kay lagum o itom man unta. Basin ba'g mga creationists scientist naay explaination niini bwahahahahaha....

@akoyako

Daghang salamat sa mga kasayoran...nagpamatood lang gyud ni sa akong ginaingon sa unahan, nga buot ikulit sa taga "Imperial Manila" ang pagsalikway sa Bisaya aron matunhay ang pagpapas niini diha sa Filipino language pinaagi sa "evolution by Natural Selection." Apan nasayod ko o dako akong kompyansa nga dili gyud motugot ang mga bisaya nga mapapas lang ta sa way hinungdan. Og sama kanimo og kaninyo, apil mi sa inyong kausa sa pagpadayon nga pagpakuyanap sa pinulunganag bisaya.

@ a-fil-am

gi abi abi ko kamo sa atong kapilya...og walay pagduda, daghan gyud mog madawdaw nga mga kasayoran dinhi mintras buhi pa ang atong magtudtudlo nga si forester (komedya ra to forester ha) hehehehe...alang sa inyong kasayoran, si forester atong santos patron dinhing atong gamayng kapilya -- og sa akong pagboot-boot nga mahimong Santo Papa dinhi, gideklara na nako ang iyang pagkasantos nga dili na moagi og pagkabeato hahahaha....levity, aside...I hope you will find your stay here a learning experience.

[josephdc]

anyone going to the "kinaiyang sugbuanon" this saturday?

[brownprose]

anyone going to the "kinaiyang sugbuanon" this saturday?

bro, any details?

[josephdc]

Kinaiyang Sugbuanon - Balak-Harana, Pamalaye, Kasal ug Kulasisi sa Hari
WHEN: March 15, 2008, Saturday @ 7PM
WHERE: Cebu International Convention Center (CICC)
TICKET: (P50.00 and P100.00; available in The Freeman, UV Alumni Center, Globe - SM, Ayala and E-Mall Business Centers)

Gikan sa column ni Leo Lastimosa sa "The Freeman" (Feb. 1, 200:

KINAIYANG SUGBUANON

Kahibawo ka ba unsay Kulilising Hari? Kahibawo ka ba unsay binayloay sa dagkong mga tawo atol sa pagpamaye sa lalaki sa iyang pangasaw-unon? Kadungog ka na tingali sa harana. Apan kahibawo ka ba unsaon ni paghimo? Unsaon pagpadayon sa babaye kon ganahan siya sa haranista? O unsaon niya pagbalibad?

Pipila lang ni sa mga pangutana nga tubagon di lang sa mga pung. Kon dili sa matahom nga pasundayag nga mopalili nato sa bulawanong yugto sa kagahapon sa mga Sugbuanon. Nga nameligrong hingpit nang makalimtan. Kon way magpakabana paglab-as, ug kon way magtagad pagpukaw nato, sa lunsay nga kinaiyang Sugbuanon.

Salamat ni Dr. Jose "Sir Dodong" Gullas.

-o0o-

Una kong nakasinati sa Kulilising Hari dihang nakapuyo ko sa Pasil kapid-an na ka katuigan ang nilabay. Nadapit ang akong pagtagad sa haya sa among silingan kay ang mga nanambong nagpasahay og puti nga panyo ug nagpulipuli paglitok og mga garay nga sangay. Salamat sa akong kasinatian sa "Kasayurang Kinuykoyan," mga komentaryong sangay-sangay sa DYLA, DYRF ug karon DYAB, nakalahutay ko dihang gipugos nila pagpaapil.

Kon ikay tugpahan sa panyo, angay kang mogaray. Nga kinahanglang mosumpay sa garay sa gigikanan sa panyo. Ang motipas, o masayop, o mokatawa sa sayop, silotan ka pinaagi sa pagpaluhod. O paglitok og pag-ampo. Wa ko kaseguro mao ba ni tukmang paagi.

Mangahas ko pagpasalig ninyo nga ang "Kulilisi" nga giandam ni Sir Dodong gipasikad og pagtuon ug mas matinud-anon.

-o0o-

Ang "Kinaiyang Sugbuanon" maoy ikaduhang hugna sa pagyukbo ni Sir Dodong sa adunahang kasaysayan sa Sugbo. Sama sa "Halad: Sugbuanong Kanta" sa niaging tuig, pasidunggan karong tuiga ang laing bantogang Sugbuanong mga kompositor ug mga mag-aawit. May talagsaong bonus: Ipasundayag ang hapit na makalimti natong harana, balak, pamaye ug kulilisi.

Nakahimong mas makahuloganon sa kalihokan ang pagsalmot sa mga tinun-an sa University of the Visayas (UV). Masaksihan ang mabulukong taytayan nga mosumpay sa kabilin sa atong katiguwangan ug sa kabataan nga gihikawan sa kahigayonan pagtagamtam sa katahom sa ilang kagahapon.

-o0o-

Ang "Kinaiyang Sugbuanon" masaksihan karong Marso 15, adlawng Sabado, sa Cebu International Convention Center (CICC). Mangu sa mga pasidunggan mao ang mga kaliwat sa duha ka higanteng Sugbuanon, silang Minggoy Lopez ug Maning Velez.

Matod ni Sir Dodong ang iyang panlimbasog pagpasidungog sa bantogang mga mag-aawit ug paglab-as sa nataligam-ang gawi sa mga Sugbuanon nanukad sa:


·Gugma nga gitisok sa iyang mga ginikanan paglingi ug pagpasalamat sa iyang gigikanan; ug

·Kabalaka nga kon mangiyugpos lang siya ug way himuon matabonan ang atong kasaysayan sa sibaw nga kiat sa kabag-ohan.

Kay kon magmalampuson ang makauuwawng maniobra sa mga Tagalog paglubong sa atong dila, mailo ang umaabot nga kaliwatan sa kasayuran sa adunahan natong kabilin.

[brownprose]

nindot ni joseph ... suwayan nakog lili salamat sa info.

[forester]

Napatik kini sa atong pamantalaang THE FREEMAN.
Only that "my mind is willing, the body is weak".
ALANG SA MAKATAMBONG, Suginli unya mi sa mga mabulokong hitabo mga abay...

Adto ka Bay Akoy?