Pinulongang Bisaya (Everything about Bisaya Language, Ludabi, ug uban pa)

[brownprose]

Señor San Forester -- santos patron sa pinulungang bisaya diri sa Kapilya Istorya

[Galadriel]

@ forester, daghan kaayong salamat sa imong paghubad sa akong pangutana ug ako nakakita na sa kalinaw sa akong kalibog sa mga termino nga gigamit.

[akoyako]

Pahalipay sa LUDABI

nahimo na gyod ang balayan sa LUDABI
http://ludabi.org/

kapahulayan sa mga bisdak
batoganan sa mga bisaya nga gapanaw
payong kapasilongan sa galihok ug gapamalandong
alang sa pagpalambo sa pinulongan ug budayang Bisaya

Mabuhi ang LUDABI!
Mabuhi ang Bisaya!

Akoy
2008.02.16

[Velvett]

^congratulations to LUDABI. thanks, akoyaki.

[pinito]

maayo kini nga balita... unsaon man pagpasakop ug ang mga gikinahanglan niinng kapunongana?

[brownprose]

Unsay kala-inan sa "kina" ug "pinaka"?

Nakahinumdum ko sa una sa usa ka tigsibya (wala nako mahinumdum sa iyang panagalan) sa radyo nga dili daw angay gamiton ang prefix nga "pinaka" in normative cebuano grammar kay ang tinubdan niini kay gikan kini sa Tagalog. Sa laktod nga pagkasulti, mas angayan o mas tukma kung pananglit mo sulti ka og:

kinakusgan kay sa pinakakusgan (strongest)
kinatas-an kay sa pinakata-as (tallest)
kinabag-an kay sa pinakabaga (thickest)
kinauyokan kay sa pinakauyokan (deepest...not sure of this yet)

Akong itugyan sa atong magtutudlo og santos patron sa pinulungang bisaya dire sa Kapilya Istorya nga itago nato sa iyang username nga forester kong mao ba gyud ni ang ti-unay nga pamaagi sa pag gamit sa maong pulong.

Ikaduhang pangutana, kining kinupsan nga baboy ngano mang gitawag man pod ni ug kinapusan? Nagpasabot ba kini nga "Kinakupos" nga baboy? Piskot, gigutom na hinoon ko.

Og sa katapusan, angay ba ako'ng mo-ingon og kinaambongan sama pananglit: "Ang kinaambongan nga binuhat dinhi sa yuta mao kadtong tao nga motubag niining pangutana." ?

[Velvett]

^ sampit (sa) senyor --> pit senyor

kinupsan --> kinapusan


mao mao ra?

[akoyako]

Mga Abay,
Gapamagdoy ko ug karon ra pod nakaagi dinhi sa inyong kapilya-istorya.

Bahin sa Ludabi, kon sa ilang panan-aw batan-on mo nga hugpong, ako nang panan-aw nga mitakod sa ilang panan-aw. Sige, lang...batan-on ra gihapon ta bisang propesyonal, kay mao pay pagsugod natog higmata bahin sa kabililhon sa atong pinulongan. Kay kining Ludabi man god karaan na gyod ning tigom sa mga magsusulat og Binisaya.(Ug karon,
nagpanikad na! Nanginlabot na sa natad sa politika diha sa katilingban, mipasaka na og mga polisiya, mipasaka na pog sumbong sa mabugalbugalon nga nga tawong gapaluyo sa salidang 'Sakal,Sakali,Saklolo'.) Matod pa, angay na pod nilang, lab-ason, pasakyon sa dagan sa panahon, ang ilang vision kun misyon kun kailhanan. Kay kaniadto, ang 'dagang Bisaya' kun ang pagsulat og bisaya maoy gihatagan og gibug-aton kun importansiya.

Pabilin ta sa batan-onong kadasig! Nagpanikad na pod sa lab-as ug batan-ong kadasig ang Ludabi karon. Mikubit sa hagit sa panahon. Mitukod na sa balayan 'Ludabi.org'. Mitanyag na pod sa mga batan-on sa pag-apil. Apil na ta ani (sa edad man kun kadasig). Buhatonon na lang ninyo ang nila nga mohimog chapter ug moapil sa core group. Batan-on kun sagol, mahimong mag-paChapter gihapon sa Ludabi. Gani, si Jesse Barring, taga-Kalubihan (Ka-LUNSAYNG BINISAYA-han) gahandom pod nga mahimong Chapter sa Ludabi ang Lunsayng Binisaya nga hugpong.

Unsaon pag-apil, sutaon na lang ang detalye o didto ipangutana sa hingtungdan, dayon didto sa balayan http://ludabi.org
Panuktok didto, ila-ilahon pod nato sila. Nakaduaw na ko didto.

Lain pay ato, didto sa balayan sa DILFED, init ang lantugi(igo gyod makalitson sa kainit) bahin sa paghulam og mga langyaw nga pinulongan aron i-hulmag apil sa atong pinulongan. Naay nagdumili sa lunsayng binisaya. Apan sa akong tan-aw morag mahulog na man hinoon sa 'pure copying of English' ang iyang sugyot. ( Lubog pang lantugi bahin ani. Tingali (naanad pod kog likay sa 'seguro) makapatin-aw nila ang pamulong ni Forrester. Ihatod nako nila didto ang kutay sa inyong gitagik nga binayloay dinhi sa istorya.net(dili lang ang hilo, kay basi'g lainon nila'g sabot).

Padayon lang ta'g labyoglabyog! Buhat lang sa unsay inyong masabotan tali sa Ludabi. Apil kon buot mo-apil. Duol lang nila kon kursonada. Katungod ug katungdanan nato ang pagtagad sa atong budaya ug pinulongan.
Daghang paagi niini, usa lang ang pag-apil sa Ludabi. Hinoon, labing nindot kon matapok sa Ludabi ang kusog ug kadasig sa tanang lumilihok sa pagtuboy sa atong pinulongan. Ug modugang sa kadasig sa kalihokan ang batan-ong kadasig, sama sa kadasig ni Forrester.

Nagdapit na pod sila nga mosalmot sa tigom-tigom(forum) didto sa ludabi.org
Adto lang. Dayon lang. Padayon.

Padayon na pod kos panaw, ibilin nako ninyo ni nga panawagan, dugang kalingawan sa mga Bisdak, kinsay nasayod unsay paingnan ani, sundon lang nato ang tingog sa atong kalag nga Bisaya:

Mga Abay,

unsa kaha kon tanan tanan Binisaya kun kabahin sa Bisaya
atong tabangan og hipos sa usa ka dapit, nga dali lang duawon, morag tabay ug ang tin-awng tubig niini mosalamin
sa atong Kalag nga Bisaya. Ug ang tubig makatagbaw ba gyod sa atong kauhaw labi na sa kahidlaw.
Sulayan kuno nato, tabangan nato ug himo ang gidamgo ni Bay Tomas.

Buhaton kuno nato dinhi, hiposon, ilingkit(link) ang tanang Binisaya ug kabahin sa Bisaya, agi niining Zoho wiki. Ambot lang unsay mahitabo ani.
Ang ato lang nga masulayan. Malingaw pod ta. Dali ra adtoon kun duawon kining zoho.com. Adto lang, buhata unsay mahunahunaan sa imong Bisaya nga Kalag.
Sige daw. Duawa . Gisang-at na didto ang sinulat ni Bay Tomas Sumakwel bahin sa mga angayng buhaton sa pagpaka Bisaya.

http://bisaya.wiki.zoho.com/Pagpaka-Bisaya.html

Akoy

[br]Posted on: February 23, 2008, 11:04:52 PM_________________________________________________M ga Abay,

didtos balayan sa Ludabi gahisgor ron kon unsaon pag-apil.

http://forum.ludabi.org/index.php?topic=6.0

Akoy[br]Posted on: February 23, 2008, 11:32:11 PM_________________________________________________g ahisgot diay. subaya lang ang kutay.

Sige,
Akoy

[forester]

@BROWN:
I'm reminded of the golden apple thrown by Eres [in Greek myth, the goddess of discord] to the banquet hall of Olympus during Thetis' wedding. Therein was inscribed "TO FAIREST OF THEM ALL", the same as that of your last statement. I would rather chose not to grab for it, it might cause another Trojan War. LOL.....

Sa atong grammatica, ang gitawag nga "degree of comparison" nga ana-a sa buko-buko sa gitawag og "superlative", ang pagtandi nabu-ak sa duha ka bahin. Kini mao ang:
1. Comparative Superlative - ejemplo niini mao ang pag-ingon nga "Si Velvett mao ang KINAguapahan" [Velvett is the most beautiful]
2. Absolute Superlative - ejemplo niini mao ang pag-ingon nga "Si Velvett mao ang PINAKAguapa" [Velvett is extremely beautiful]

Atong hawanan kining mosunod:
una - tinuod adunay daghan kaayong kapanagsama sa pulong diha sa Tagalog ug sa atong Bisaya. Kini usa ka "linguistic phenomenon". Ang kinatibuk-ang sinultihan [154 dialects in the Philippines] aduna gayuy kapanagsama ingon pananglit sa "ako, inahan[inay,ina,etc.], tao[tawo,ta-u,ta-o], etc." Gumikan kini kay walay "absolute domain" ang mga pulong, masabut nga mamahimong mapanag-iya sa tanan ang mga gitawag nga "common words" sama sa "pinaka".
ikaduha - ang pagka-tagalog sa usa ka pulong dili maoy basehanan aron dili mamahimong husto ang usa pulong, sa samang paagi nga gidawat usab sa mga tagalog ang ubang pulong bisaya diha sa ilang sinultihan nga karon ila nang napanag-iya gumikan sa katarungan nga walay 'absolute domain' ang pinulongan. Ang atong "kumusta" dili kini bisaya apan nahimo kining binisaya gumikan sa kagawi-an [usage].

Apas-sumpay:
Unsay kalahi-an sa Comparative Superlative ug sa Absolute Superlative. Ang Comparative Superlative adunay kapanig-ingnan [specimen of comparison] samtang ang Absolute Superlative mamahimong walay kapanig-ingnan gumikan kay kini usa man ka "declarative description or declarative adjective"

Brown, can you please change the title of this thread? I feel uncomfortable considering the following:
1. The real quest in this thread has been solved already
2. I feel I am participating a usurpation; Ludabi's existence is always the subject of the most handsome- Akoy's reminders

[Velvett]

mas ganahan ko sa Absolute Superlative!