LCC-Cebu and Beyond --- This is our stuff!!!!

[jim beam]

---

Kinabuhi sa IT


Ambot!!!
Wa na ko kasabot
Ang akong alimpatakan natulirok
Wa na sad gyud ko kasabot
Bisan sa dagan sa akong utok
Nagtuo kong akong kurso mao’y pinakanindot
Apan karon… ambot!
Ako man nuo’y naglisud

Pabuhaton ug program
Pero FRIENDSTER giatubang
‘nya kung ipa-run na ang program,
MY NETWORK PLACES dayun ang kadangpan
Wa man gani kaila ug comment sa program
Kay comment sa FRIENDSTER, mao ra ang nakamahu-an

Kung flowchart sad ang istoryahan,
Igo lang sad unya-unyaan
Kay YM pa man ang giatiman
Maong ang ka-CHAT, pwerting kadaghan

Kung panahon sad sa discussion,
Ang mga mata, naa ra gyud sa CELLPHONE
Mao nang panahon sa examination,
Mata na lang sad ang palihukon

Hay!!! Kapait ‘ning kinabuhi-a
Puro lang lingaw-lingaw ang akong gi-una
Mga ginikanan, tama’s ginhawa’g pangita’g kwarta
Para lang naa’y ibayad sa akong pag-iskwela

Ang akong kinabuhi, angay na gyud na usbon
Ug ang mga sayop, ako nang amguhon
Aron mga pangandoy, sayon ko nang maangkon
Ug para dili mausik ang akong panahon

Ang mga program, di ko na angay’ng kagul-an
Angay nuon na akong tun-an para akong masabtan
Ngano? Nakaya man gani sa uban!
Ako pa kaha, na pariho ra man mi ug gisagubang

Ang kalisud ug kasakit na akong gibati
Lamas lang sa kinabuhi para kini mulami
Busa dili ko angay mahayan ang kursong napili
Kay kinabuhi sa IT, kaming mga IT ra’y makasinati…

by:
Vincent Jim Beam S. Entanto

[annamarieparadero]

chaR kaau ka ug poem,beam woi!!

[jim beam]

Felengon

Hay! Kapait ning sikat ta
Ang mata sa tanan, naa ra gyud sa akoa
Tan-awon ko bisan asa ko murampa
Magubot ang lungsod kung ako muabot na

Usahay makaingon ko
Na maayo pa nga wa ko natawo
Gubot lamang ang naidalit ko
Kay giilugan man ang akong pagkagwapo
Apan sala ba diay na ing-ani kong gipakatawo?
Ako, nilalang lamang, ug pagbuot kini sa Ginoo

Hay! pastilan ‘ning maanyag kong kapalaran
Hasta bata ug tigulang, nahimong uwagan
Nakita nila, bisan mga mata ko pa lamang
Samut pa kaha kung ipakita ko ang tanan
Bisan ang yuta na akong natumban
Ila gihapong ilugan ug sa tanan, pagagubtan…

Kanus-a pa kaha kining tanan matinuod
Kay kini, usa lamang ka damgong dili ko gyud makab-ot
Usa lamang akong tawo nga uyamut
Usa ka FELENGON ug tinuod nga ma-ut…

By:
Vincent Jim Beam S. Entanto

[gero]

angayan kaayo ka ipuli ni teban vincent. undanon kau imo balak apan lalison pa kung ma usab ba kaha. good luck nlng!

[jim beam]

Chula

Usa ka pulong, sa dalunggan malaw-ay
Apan kun’ matilawan, lami man diay!
Usa ka pamaaging mga ngabil magsumpakiay
Usahay, pinasahay’g laway sa manag-inuyabay

Gipamung’s katiguwangang “buhat’s makasasala”
Apan sa mga batan-on, kini gibaliwala
Kay kun’ ikaw makasuway, di kalikayang magpangita
Sa butang, sa kadaghanang gitawag ug CHULA

Mga kababay’n-an, niburot ang tiyan
Sa panghitabo nga CHULA ang hinungdan
Pagpadayag sa gugma, kini ang sinugdanan
Hangtod naabot sa butang na di mo pa angay’ng sudlan

Busa kabatan-unan, dili angay patuyangan
Ang gibati ninyo diha sa inyong mga dughan
Basin dad-on mo niini sa butang na inyong kamahayan
Pagmahay na CHULA ra gayud ang hinungdan…




By:
Vincent Jim Beam S. Entanto

[jim beam]

Aryos sa Dunggan

Adik ang tan-aw’s kadaghanan
Kun’ lalaki adunay aryos sa dalunggan
Nagtuo sila’g pinasagdan lang kini sa ilang mga ginikanan
Bisan wala pa nasayod kung unsa ang tinugdan

Unsa ba gyud diay sayop,
Kun’ lalaki adunay tusok?
Dili kaha ang kadaghanan lang ang sayop,
Tungod kay hugaw kayo sila’g utok?

Kun’ babaye ang aryusan,
Wala ra gyud sa katawhan
Apan kun’ lalaki dunay aryos sa dunggan,
Buggoy ang tan-aw ug kahadlukan sa tanan

Pagkapait sa laking gustong naa’s uso
Kay tusok sa dunggan, para’s uban di mayo
Barumbado man ang tan-aw nila nimu
Bisan wala kay gibuhat na dili mayo

Hinaut ko lang na hunungan na ninyo
Sayop ninyong panlantaw ug di maayong pagtuo
Kay dili nato angay matahun ang atong isigkatawo
Ilabi na kung wa pa ta kahibaw sa tibuok niyang pagkatawo

Sigun sa akong gituohan,
Panagway, dili sukdanan’s kabuotan
Kay bisan ang Adan na adunay aryos sa dunggan,
Pwedeng mao’y pinakabalaan sa tibuok kalibutan
Kay ang Ginoo nga balaan na tu-a sa kahitas-an,
Nagtan-aw sa putli natong dughan ug maayong binuhatan
Ug dili sa mga kalalakin-an nga anaay aryos sa dunggan…



By:
Vincent Jim Beam S. Entanto

[jim beam]

LBM


Kalit lang nga nidaguok ang akong tiyan
Ug wa ko kasabot nganong ako gikulbaan
Taud-taud lang ug ako gipaningot na man
Apan namugnaw man ang akong kaunuran

Nihunong ug kitab-kitab kining baba kong tabian
Ug wa na ko nagluhag sa akong gilingkuran
Di na ko ganahan makig-istorya sa akong mga kauban
Tungod kay nasakit na ma’g maayo ang akong tiyan

Ug kalit lang na ako naka-utot na man
Ug samot na gyud nga ako gikulba-an
Pwerte kong ampo na unta wa nila nadunggan
Ug nabahu-an ang hangin na gikan sa akong tiyan

Ug usab, ako naka-utot
Ug pwerte kong pugong sa akong samput
Kay mura ma’g naa na’y mugawas sa akong lubot
Apan dili ko ganahan na kani mahisgut

Nagkaanam na nga di ako mahimutang
Tungod ning makalilisang kong kahimtang
Kapait ba ning akong gisagubang
Kay kun’ dili mapugngan basin ang tanan manglisang

Nisamot na gyud ang akong kaguol
Kay wala ma’y CR dinhi sa akong duol
Asa ko man ipahungaw kining tiyan kong gasuol
Kay basin kini mabuhagay sa akong purol

Dili ko na gyud kini mapugngan
Kay nituyok na man gyud ang akong tiyan
Kinahanglan na gyud na ako mudagan
Tungod kay ako, gi-LBM na man

Dako kong pasalamat nga kita na ko’g kapahungawan
Kay ang CR, naa na gyud sa akong atubangan
Apan kini, maurag wala ko na gikinahanglan
Awahi na man ang tanan
Kay ang akong tiyan, wa ko na gyud napugngan…


By:
Vincent Jim Beam S. Entanto

[tazpinky]

hi!!!

<a title="Click to customize this Kimi-Image with your own Messages and Photos on Imikimi.com!" href="http://imikimi.org/link/link_through...6?ismap="><img ismap border="0" src="http://images86.imikimi.com/image/im...pg"/><br><font size=1><b>imikimi</b> - Customize Your World</font></a>

[jim beam]

Pagkatuytuy

Usa kini ka butang
Na sa tanan angay’ng mahibaw-an
Ma babaye o malalaki man
Kay panahon sa atong kaminyu-an
Ato gyud nga gikinahanglan
Ug aron dili na magsalig pa sa atong mga ginikanan

Una, ang tumoy imong tila-an
Ug sa dila duwa-duwa-an
Aron sa lungag, sayon na lang nga mudagan
Tungod kay kini, basa-basa na man

Sunod nimong buhaton,
Ang tumoy hapo-hapun
Aron kini mubarog ug mulig-on
Ug sa lungag sayon rang pasudlon

Human nimu kini pasudla
Babaw-ubos kining palihuka
Balik-balika lang kining paagiha
Hangtod duha ka butang, magtakdo na

Pwede kining buhaton sa bisan unsang posisyon
Apan mas nindot gyud ang “SITTING POSITION”
Aron dili sad kaayo ta kapuyon
Bisa’g dugay pa mahuman kini nga buhaton

Tambag ko lang sa mga bag-o pa aning butanga,
Hinay-hinay lang aron dili kamo madisgrasya
Kay dili gyud kalikayan, labi na kung bag-o pa
Na masigpyat ug masamad ta
Na pwerte baya gyu’ng sakita

Karon, inyo nang nabati
Ang paagi sa pagpanahi
Sa mga bisti nga nangagisi
Nga unta magamit ninyo sa inyong tagsa-tagsa ka kinabuhi…




By:
Vincent Jim Beam S. Entanto

[nara]

be a part of the future global compititor!!! be a part of LCC!!!!!