Proseso ug legal documents para sa gamay nga negosyo

[doraemon101]

---

basa-basa lng sa ko hah.. tanx sa mga ni-inputs

[mikyAt]

informative ni nga thread to those newbies nga plano mg.negosyo..ako pud,soon!!

[juankomiks]

Hi All,

Update lang tamo sa mga panghitabo sa among gamay nga negosyo ug sa among experiences ug challenges nga among na-encounter.

I created this thread late January, and around March - nakasugod na mi sa food stall.
Kumpleto jud siya ug legal requirements: (1) DTI, (2) Barangay Permit, (3) Mayor's Permit, (4) BIR.
And 1, 2, ug 3 - dali ra man siya for as long as kumpleto ka ug documents ug naa lang jud kay time sa pag-adto-ngari pagprocess.
Mejo kuti lang jud ang (4) BIR.
You will go through a seminar, scheduled, then after imo makumpleto - tagaan dayon ka sa certificate ug katong sticker.
(Sorry dili kaayo detalyado kay dili man ako personally ang nag-asikaso. Ako mang igsuon nga akong gipamanage.)
Pero nakumpleto namo ang requirement, then pwede na ka makapahimo ug resibo.
Among resibo nagaso 1000 pcs for P1500. Naa ra daghan sa BIR office ang mag-atang nga manghimuay ug resibo.

Mejo kuti lang jud ang BIR kay every month, every 21st pinakadugay mubayad ka ug tax.
Naa kay form fill-upan 2551M, i-input nimo ang total revenues, and kompyutin niya ang imong tax nga imong bayran sa Chinabank.
Na-palpak pa jud mi kay wala mi kabayad quarterly niadtong August 15 man diay ang deadline.
Among plano, amo na lang tong kalimtan, basta make sure lang sunod nga quarterly, amo jud mabayran.
Mayta untang dili magkaproblem sa umaabot. I hope not - nga kagamay ra sa among negosyo, initan pa jud. Hehe.

3 months sa among first stall, naa mi natimingan nga commercial space rental.
5K/month ra pero gamay ra nga pwesto. I repeat - kaning negosyo namo, gamay ra ni nga food stall, carenderia level ra ni pero amo lang jud gipaagi sa sakto nga process para practice sa umaabot.

then on July, naka-open na mi sa bag-ong pwesto.
ang requirements, wala na mi nibali sa DTI. so ang among gi-process mao na lang ni para sa branch: (1) Barangay Permit, (2) Mayor's Permit, (3) BIR.
Mayor's Permit - tagaan ka ug bag-ong plaka.
sa BIR, imo ra i-apply nga branch then ang Business TIN nimo - mu-increment ra. Ang ending sa TIN among unang food stall kay "000", ang TIN sa branch kay "001" na.
Magpahimo na pud ka sa bag-ong resibo.

Then since 2 na man ka businesses, 2 na sad ka tax imong bayran kada bulan. Ug sa quarterly.

It was really a fun and exciting experience nga magsulay-sulay ug negosyo.
At least na-agian namo ang tanang process.
Among negosyo - dili man jud siya big time, maka-ganansiya gamay, nakahatag ug panginabuhian sa akong mga igsoon, nakabayad sa rental, sa tax, sa utilities.

SALAMAT sa mga nag-inputs sa pagsugod pa lang nako ug negosyo. Dako kaayo ug tabang tong mga inputs.

If naa moy mga pangutana labi na katong mga plano magsugod negosyo, feel free to ask.
I am not an expert but naa man koy gamay experience. Ug akong pwede ra sad ma-share, based ra sad sa akong na-agian.
Don't worry, naa man sad daghan diri sa Istorya nga willing mu-share sa ilang nahibaloan.
Kita-kita lang bisaya ang magtinabangay.

Thanks again!

[darrbaudit01]

Boss if need ka ug help sa imong transaction and other bookeping and accounting service, u can message in my private message on my facebook account anytime. "jh_papellero30@yahoo.com".