Asa naman tong MRO? Perti ng dghana aning hitabo a gyud.

[burn777]

---

Asa naman tong saba kaau kay giligsan kuno ilang katungod? Ghuna huna ras ilang katungod bahala ng uban.

NAANGOL ang usa ka tinun-an kay nadasmagan sa usa ka motorsiklo nga mi-counter flow kun misulod sa lane nga alang sa kasugat nga mga sakyanan.
Ang tinun-an nilabang sa pedestrian lane sa General Maxilom avenue mga alas 8 kagahapon sa buntag aron motungha sa St. Theresa’s College dihang nadasmagan sa motorsiklo nga mi-counter flow.
Ang gibuhat sa driver usa ka kalapasan sa balaud sa trapiko nga nagtangag og P500 nga multa.
Ang mao nga kalapasan sa trapiko maoy naghatag usab og labad sa ulo sa Cebu City Traffic Office (CCTO) tungod sa kadaghan sa mga malapason ug nag-una sa gidaghanon sa ilang nadakpan.
Ang estudyante nga milabang sa pedestrian lane, human kini ma**dasmagi sa motorsiklo nga mi-counter flow.
Ang biktima nga nadala sa tambalanan giilang mao si Cyrus Ann Napoles, 18, samtang ang nakadasmag mao si Marvin Kho, nagmaneho sa motorsiklong dunay plate number nga GA 14267, taga Brgy. Guadalupe, dakbayan sa Sugbo.
Sa pasiuna nga imbestigasyon, milabang sa pedestrian lane ang biktima dihang nagdulong si Kho nga kusog nga nipadagan sa iyang motorsiklo gikan sa Fuente Osmeña.
Kay daghan ang mga sak*yanan niadtong higayona paingon sa Gorordo, kalit lang nigawas sa iyang lane si Kho ug mitabok sa pikas lane sugat sa mga sakyanan.
Naatol nga milabang si Napoles sa dalan ug naigo sa motorsiklo ni Kho. Ang duha nangalamba sa karsada hinungdan sa ilang pagkaangol. Dali silang gidala sa tambalanan.
Si Citom executive director man*lalaban Rey Gealon niingon nga labad sa ilang ulo ang mga motorsiklo nga nag-counter flow.
Iyang gitumbok nga kasagaran sa ilang nadakpan ning mao nga kalapasan sa City Ordinance 801 mao ang mga habalhabal driver.
Ang labing daghan niini sa may Banilad-Talamban road.
“Kana gyung may atubangan sa Aboitiz, gibutangan na gyud na namo diha og railings unya ang line ana duha ka unbroken, mang-u-turn gihapon,” nagkanayon si Gealon.
Tungod niini, subli niyang giduso ang pagbutang og motorcycle lane sa kadalanan sa siyudad pinaagi sa usa ka ordinansa.
Usa ka resulusyon ang gipalabang sa CCTO board sa miaging semana alang niini.
“Mas safe ni kay ang lane para ra gyud nila (nagmotorsiklo). Bahala na sila mag-unhanay sa lane. Kini rang paagiha nga wa nay mo counter flow,” pasabot ni Gealon sa Sun.Star Superbalita.
Alang niya, maayong himuong pilot area ang South Road Properties.
Siya nipahimangno nga kinsa kadtong di makamulta sa kalapasan sud sa usa ka semana sukad nadakpan ang driver, makiha kini nila.
Inay P500 ra ang multa, mahimo na kining P2,000 ug hayan mabilanggo pa.
Tinun-an nadasmagan sa motor nga mi-counter flow | Sun.Star

[Devian]

mora ka agi ko ani nga incident.

diha pa ang biktima gitabangan ug gi payongan. naka ingon ko nga, ataya gyud drivera, naa pa gyud sa pedestrian lane naka bangga. di baya na makita ang motabok labi na naghunong mga sakyanan. mo kalit ra na ug guho sa pikas lane ang motabok.

sus, ako ra ba di ra ba ko molikay ug naay mo counter flow kay basin ako nuon mabangga sa kilid inig likay nako.