Brodkaster gibatikos sa netizens

[Eddie.Garcia]

---

Grabi aning uban taga media abusar naman ni...

USA ka iladong broadcaster sa dakbayan sa Digos ang gibatikos sa mga netizens human gi-post sa ilang Facebook account ang video sa ilang panaglalis sa opisyal sa City Health Office niadtong miaging adlaw.

Ang video dunay caption nga: "Bastos nga empleyada sa City Health Office, kung kamo ang pasultion tama ba ni iyang gibuhat?"
Ang video molungtad sa pito ka minuto ug 24 segundos nga gi-post sa K37digos sa ilang Facebook page nga nagdetalye sa lalis nila Jun Blanco, anchor sa programang "Isumbong Mo Kang Jun Blanco" sa Muews Radio Digos, nga makita sab sa cable TV.


Sa maong video, makita si Blanco nga misud sa City Health Office sa Digos diin girumbo niya ang usa ka empleyada nga naglingkod sa iyang lamesa.
Dihang nakasulod na, si Blanco wa naglangan iya dayon gikompronta ang babayeng opisyal nga wa nagpaila sa iyang pangalan mao nga nasuko ang
mga netizens.
Mga netizens nakasaway sa gihimo ni Blanco tungod kay, alang nila, di professional ang gihimo sa magsisibya, kinsa nakalapas sa tawhanong katungod.
Bisan mga iladong opisyales sa gobyerno, nakasaway sab sa gihimo ni Blanco, kinsa chief executive officer sa Sagay Broadcasting Corporation.
Si Blanco, sa pakighinabi kaniya sa Sun.Star Davao SuperBalita, nagbutyag nga nahitabo kadto tungod kay gipangkasab-an ang iyang mga reporters nga dunay gi-follow up sa maong buhatan.
Usa sa ilang gituki mao ang suliran sa kabaho sa kanal nga gireklamo kanila sa mga opisyales sa Department of Environment and Natural Resources sa Digos City.
"Several complaints na ang among nadawat sa ilang ginahimo pagpangasaba sa mga tawo nga mangayo og tabang sa City Health Office," sulti ni Blanco.
Giingon ni Blanco nga ang gihimo sa opisyal nga mangasaba sa mga tawo, nahinahitabo sab sa iyang mga reporters.
"Katulo miadto ang akong mga reporters, nanawag sa ako kay gikasab-an sila, mao to nga ako na ang miadto," pangatarungan ni Blanco.
Sa maong higayon, nahitabo ang pakiglalis ni Blanco ngadto sa babaye.
Alas 4:00 kagahapon sa hapon, Biyernes, ang video dunay 144,100 views, 1,527 likes, ug 2,991 shares sa Facebook.
Dihang gipangutana kung unsa ang iyang masulti sa mga nagbatikos niya, siya miingon: "I might not agree of what you said, but I will fight to death for your right to say it."
Samtang gisuwat kining balita, wa pa makuha ang pahayag sa babaye nga nalambigit sa video, wa pa sab makuha ang pahayag sa mga opisyales sa Kapisanan ng mga Broadcaster ng Pilipinas-Davao. (Alger P. Dura)


Brodkaster gibatikos sa netizens | Sun.Star

[kevitzrey]

kita kos video ani. murag ang broadkaster ang hilas og arrogante ani. ky gisulong jd niya ang city health.

[FAQ]

I don't know what to say kay wala man juy full details sa video. Pero hilas man pud na kanang maka trabaho nas city hall, dugay dugayon dayon ka. Sayon2x-non ka na mura raba diin gikan ilang mga sweldo. Kini si Blanco pud, murag init nag ulo daan sa wa pa ming sulong sa city health, aw, wa juy direction ning iyang coverage. Siya na hinoon nahimong bati.

[Dorothea]

bastos nga broadcaster! kaning mga taga media kay feeling, abusado

[jntio]

kun nabuhat niya to para ka solbaran problema sa ka daghanan... pays ra! kinsa paman lain mo laban

[Zeratul_]

abi guro nyag broadcaster na sya gahi na siya.. haha