Half Rice Ordinance sa Cebu Approved na!

[graphicare]

---

CEBU, Philippines – Giaprubahan na sa Cebu City Council ang Rice Conservation Ordinance nga nagmando sa tanang kan-anan sa siyudad nga iapil sa ilang menu ang half-rice o tunga lang nga kan-on.
Ang pagpasar sa ordinansa natunong usab sa National Rice Awareness Month karong bulan sa Nobiyembre subay sa Proclamation No. 524.

Ang ordinansa nga gisuwat nila ni Councilors Mary Ann delos Santos ug Nendell Hanz Abella magsilot niadtong mga kan-anan pinaagi sa pagpamulta o ba kaha pagkanselar sa ilang business permits. Sa unang kalapasan dunay multa nga P1,500, sa ikaduha P3,000, sa ikatulo P4,000, ikaupat P5,000 ug sa ikalimang kalapasan suspension sa business permit hangtud nga di sila musanong sa ordinansa.

Ang tanang kan-anan gihatagan og tulo ka buwan aron mosunod sa maong ordinansa. Ang mga kan-anan naglakip sa kantina sa mga kompanya, restaurants, eskuylahan, hospitals, cafeteria, catering operations, fast-food chains ug uban pang matang sa negosyo nga naglambigit og pagkaon gawas lamang sa mga “eat all you can” nga mga kan-anan.

Kinahanglang nakabutang g’yud sa menu nga dunay half-rice ug pahibaw-on g’yud kanunay sa service crew, waiter, waitress o kahera ang kustomer sa dili pa sila mo-order, kini kabahin gihapon sa kampanya nga dili mag-usik-usik og bugas.
Sumala pa sa Food and Nutrition Research Institutes, ang duha ka kutsarang kan-on kada pangaon ang usikan sa matag Filipino. Niadtong 2010, 13 porsiyento sa total rice imports nianang tuiga nga mikabat og P6.2 bilyones ang nausik o napunta sa lamawan.
Kini mahimo pa untang makaon sa 2.6 milyones ka Filipino nga gipanggutom nianang tuiga.


(Edwin Ian Melecio gikan sa The Freeman) (BANAT NEWS)

Maayo ni da, makaorder nakog half rice sa Jollibee or KFC ani? hehehe kay daghan ra nako if 2 ka rice akoa orderon.

[Graffitivoir]

Nindot unta kung ang presyo pa unta ni.
Bugas half price.
I do not know if that 2.6M nga gi-mention makapalit ba kaha intawon.

[louie007]

Maayo ni da, makaorder nakog half rice sa Jollibee or KFC ani? hehehe kay daghan ra nako if 2 ka rice akoa orderon.

I hope Jollibee implements this ASAP kay mahal kaayo sila extra rice.. PhP 25.00. Pero ang kuyaw is if ilang half rice is priced at PhP20.00.

[7DMM]

Maka order ahat ug 20 ka half rice tungod sa kagutom.himo-on pa gyud sabaw ang gravy

[itik]

yehhey! half-rice nalang akong orderon permi upat kabuok...

[lstorya]

Useless! What is the point if ordering half rice would cost 20 while a whole one cost 25, thats juz taking into consideration if ang Jabi mag implement ani, pero mao ni ginabuhat sa mga karenderya karon. Ang 1 rice kay tag 10 or 8 daun ang half kay 8 or 6 respectively. So unsa may gamit ana? Mapugos lang gihapon og palit sa whole kay dili ma alkanse, mas labaw na inuon nga kalas. They shouldve done something like regulating the cost or making it balanced.

[salbahis]

Maka order ahat ug 20 ka half rice tungod sa kagutom.himo-on pa gyud sabaw ang gravy

[Ghadz]

maayo pud unta half price pud ato mabayran,kasagaran raba kung P10.00 ang price, ang half price P7.00.

[necrotic freak]

Half pRice (ma-is) jud kasagaran sa karenderya akong kananan sauna pa.

[crossramz]

implemented naman ni siya sa fast foods diri sa butuan. Idk if sa cebu ma implement na, kay diri wala may city ordinance ang mga stalls raman nag implement ug ilaha.