Balak ko, Padayonon Mo

[bluelhady]

---

Mga pagmahay nga hinungdan sa atong kasubo
Nga kung imong dibdibon ikaw gayud magbakho
Busa ayaw padala kay tingalig ikaw molayat
o di ba kaha moadto ka sa bungtod ug sa taas nga kahoy mokatkat

Hapit na baya ang pasko mas maayong magsadya na lang kita
Kalimti ninyo ang mga kagul anan mga higala
Isalikway ang mga kayugot ug pagdumot nga gitigom
Ug banlasa ang mga lumot sa kagahapon nga wa nay bili karon

[keen]

naahat ug present si @peacetalk diri
gikan ni siya ug sangka tingali
salamat sa paggahin ug oras diri brader
pareha mo eksperto sa pulongay ni @bluelhady akong sister


hapit na ra ba ang pasko
manaygon na sad ang mga palahi nga tawo
naay uban manganta tag-usa o duha ka linya
nya sa way ulaw-ulaw mangayo dayon ug kwarta

[bluelhady]

mas maayo siguro sis @keen ug maghimo kitag grupo
grupo sa mga di mabangbang nga mga musikero
togtogon ta ang mga sonata sa pasko
libre lang ug malingaw jud sila sigurado

anong say mo?? heheheheh

[peacetalk]

@keen bisag panagsa na lang ko present
Ayaw intawn kalimti imong ihatag kanako nga Christmas present
Modawat ra ko bisag unsa basta dili lang bomba
Ayaw lang sad mananap susama sa black mamba

Nindot sad ang gisugyot ni @bluelhady
Magtukod tag banda pero dili lang para sa Christmas Holiday
Unsa kahay maayo nga i.pangalan sa atong band?
Parokya ni @xetorkaiba o the @brilumz Band?

[keen]

@bluelhady nindot nang huna-hunaa
dayon magsabot ta asa ta manganta
inig human atong i-donate atong naipon
para ihatag sa mga tawong nagmasulob-on
kana ug kamo makauyon

@peacetalk, mas nindot kuno ang mohatag kaysa hatagan
magpaabot ra pud ko kung mapiskan
ayaw lang pud ng paboto ang mamisik
delikado na sa atong kutis nga pareha sa insik
pero sa motoo lang kay kanang bahin sa kutis atik

[peacetalk]

@keen tinuod nga ikaw kutis insik
Pution ka ug walay batik.batik
Imong panit pagkahamis
Tigkaon siguro kag kamatis

Mailhan pud nga ikaw sigeg paugnat sa kusog
Dili nako maingon nga ikaw perme busog
Sakto.sakto ra imong timbang sa imong height
Dili ka tambok ug dili sad daot kaayo nga murag mapalid pareha sa kite

[keen]

hahaha wala ako masayod @peacetalk
kung ngano ikaw anang mga butanga nakalitok
pero pasagdahan ko lang ikaw sa imong gibati
maayo na lang, morag ko ug artista sa akong pamati

tinuod imo giingon nga mahilig ko magpasingot
mahilig ko maglihok-lihok labi na kung akong ilong ping-ot
puwede ra pud ka moingon nga ako perme busog
pero ako ra na isingot para sa lawas ang kolesterol di magtipun-og

[slabs4]

Ako nahasubo nga namalandong niining tungura

Mga balak nga gipaagi nalang sa hamabaw nga litra

Unsay nahitabo sa mga kanhi pulong nila lolo ug lola

Daw gitabunan na sa bag-ong mga ideya

Pasundayag kaniadto daw nagdan-ag ug kahayag sa gugma

Mga halawn nga pulong kinutlo tumong ug alang lamang sa gugma

Kadako sa kausaban ning tungora

Daw gibiyaan na ang kina-adman panahon ni ni ibara

[peacetalk]

@keen nahisubo sa atong gipanggama si @slabs4
Nagtuo siguro siya nga mura na natog gihimo ni nga seksyon sa humor
Suwayan natog ungkat ang mga pulong sa atong lola ug lolo
Paningkamutan nato, bisan sa maka.usa lang, ka duha o katulo

Naghisgot si slabs4 ni Ibarra nga nagpahimangno kanako ni Rizal
Mga sulat sa nilabay na nga panahon sugdan nakog kalkal
Maglisod gayud ako sa pagmugna ug kinaraan
Mao na siguro kini akong balak nga kinalasan

[keen]

@peacetalk sa dinha wala na ko mahimo
dili ko pareha sa uban mga maynglaki maghimo
ug mga pulong nga laglum kay dinhi ra ko taman
ug wala kana natudlo sa akong gieskuwelahan

dili na angay ikasubo kung nagkalingaw ta dinhi
kini ako-a pagsuway-suway ra kini
ug dili nako malikayan nga sa balakay magkiningkoy
kay ako dili gusto ug mga makapaminghoy

kung mao na man lang gani nga naay magsubo
aw dili na lang ko mag-apil-apil diri para way magbakho
na hala kamo na lang dinhi kay morag wa ako'y matampo
nga mga pulong nga kawtonon ug mga wala sa among baryo