Balak ko, Padayonon Mo

[brilumz]

@peacetalk yaw kabalaka kay di naka sya tinud-on
Kahibaw pud musabot ang akong pusong mamon
Ingon baya sila the more you hate the more you kuhit
Basin kini si @iloveyouvirus dunay gusto pero nagpahard to get

Kasexy jud ani ni inday @Wynna
Magheart2 akong mata kung mututok ko sa iyang ava
Mura ko ug mangurog nya ma mental block
Mahutdan nuon ug letra ang akong mga balak

[xetorkaiba]

@peacetalk sayop kana imong nabalitaan
wala jud mi nag balik sa akong uyab nga uwagan
maypag manginabuhi nalang ko og maayo
kay puhon mo abot ra gyud na wa ta kahibalo

@brilumz grabe ka mga ngilngig sa imong mga balak
daw sama sa humba nga nag mantika ang kada paak
kung balak ang istoryaaan ikaw lang jud ang gahi
murag bato nga gagmay sa daplin nagpahipi

[brilumz]

Dugay rako na kahibaw ana @xetorkaiba
Pero akong lolo maoy pinakaimba
Sayunan ka nga kab-uton ang bituon ug buwan
Kay himuon nga suga sa nagkangitngit nga dughan

Ang mga lunsay daw nga mga balud sa kadagatan
Maghapuhap sa mga lumot nigdagsa sa lapyahan
Inubanan pa sa mga huni sa langgam nga siloy
Nga nagpamati ug nagpabugnaw sa yanong hinuyuhoy

[peacetalk]

@Wynna sige dili ko ma balaka
Mag lukdo man siguro kag lantaka
Aron naa kay pangdepensa
O basin naa kay tacer gun sa imong bulsa

@brilumz karon pa ko nga ikaw diay pusong mamon
Nagtuo kog cinnamon nga naay sagol buwad nga bodboron
Hinaut unta magkadayon na mong duha
Walay siguro dungan mo ni @femchien, dual wedding ang resulta

Sakto ka nga sexy dyud si Inday Wynna
Aduna na ba kaha syay bana?
Kung dili mo magkadayon ni @iloveyouvirus nga imong gipantasya
Ma rekomenda nako sya

@xetorkaiba sayop diay akong natan.awan sa balitang bisdak
Naa man daw nakakita ninyong duha nga nag sabak.sabak
Maka.ila siguro nimo sa imong gitrabahoan ang para dyud nimo
Paabota lang kay gahapon pa siguro nangaply sa Mynimo

[Wynna]

murag maglisod kog tubay niining pangutanaha
kay di nako ikalimod nga aduna na koy hinigugma
og bisan pa tingalig ako ray nag inusara
ang akong kasingkasing di nako ikabahin sa di nako kapareha

angay ra ta mabalaka kung wa na nagkadimao ang atong porma
lisod na kung sa pananaw sa uban, mura na tag balyena
pero di man sad sa ingon, nga ako nang gipangandak
mas maayo nalang na kaysa masungugan pa ta sa mga tibaghak

Og aduna koy namatikdan sa inyohang mga balak
murag hinay hinay naman mo diri nga nagka divelopay
gi unsa na ninyo kay ako pud tawon mu suway
kay intawon gi hagit nako diri sa usa ka panuway

[luff101]

Unsa may nahitabo ninyo aning mga taknaa?
Aduna pud akoy namatikdan ning inyohang mga balak
Murag hinay-hinay naman mo pangita ug mga asawa..
Nagpadaun pa d i mo aning bisyoha?

Ayaw kamo pagdali amigo kung @peacetalk, @brilumz, @xetorkaiba kay basin kamo magmahay
Ayaw ninyo hilabti intawn si Inday @Wynna kay siya mao akong Asawa

[Wynna]

aguuuy, hinoon libre man sad ang pagpangandoy
di lang ta magpalabi sa atong gibati
aron dili kinagrabehan ang atong ma sinati

og @luff101 ,kanusa uroy ta nagpakasal?
na wala pa man gani ta nagkaistorya o nagkita sa personal
pero cge nalang atoang pagbigyan
ang pagpangambisyon di man sad hinoon na binuhatang daotan

[luff101]

o idol @Wynna dili kani pangandoy kung dili usa ka binuang lang
Ayaw kabalaka kung dili ko nimo makit-an kay sa Istorya ra ko nimo makaplagan.

Salamat intawn kay imo kung gipagbigyan pero mag unsa naman lang tawn ang uban?
@peacetalk, @brilumz, @xetorkaiba kung mahimo imo pud ni silang pangitaan ug pares.
Bisan kini sila mga kiatan pero sa chix kini sila buotan.
Mag unsa na lng tawn ni ilang dughan kung way pag gamitan..

[Wynna]

akoy nakasabot sa imong gusto ipaibot
og mas murespeto pa kog kiatan kaysa patago diay tong gibigaan
ubay ubay sad ko diri nga mga nailhan
samtang aduna juy apan nga nagtoo silang di mailhan

kung pares ray gipangita, muabot ra na og di na sila angay magpangita
pero mao lage kay ang mga tarong kay panagsa lisod pangitaon
di lang gud ta magdali kay magdugo kung atong pugson
mao nay gitawag nga " gugmang gi-atay, wa nay lami kung nabakantehan kag dugay
pero unsa ta man, kung ang gugmang gi - atay, nagpahabiling gihapong patay!

[joop]

Niining tredo ako sa kadugay daw nabag uhan
Mga Inday misalmot nagkadaghan
Sa kalipay ko, naglantaw niining katahum mo Inday
Hinungdan gibati ko ug kakuyaw daw dili makalahutay
Pero kining lungag dili ko gyud talikdan

Sa kahapunon gibati ko kainiton
Nga unta ang adlaw mitalikod ky mo puli na kagabhion
Ug unya kining dughan manginahanglan mga bukton
Arun kapahulayan samtang kalangitan pagasug-an bitoon
O, Inday asa ka naman ky kining lawak andamon