Monday, June 10, 2013
USA ka drayber sa habalhabal ang namatay samtang nagtagay sa lawasnong kalipay sa iyang gika-relasyon nga biyuda niadtong Sabado sa gabii didto sa Sitio Langoyon, Barangay Mangga, lungsod sa Tuburan.
Si Allan (dili tinuod ngalan), 57, minyo, drayber sa habalhabal ug taga Barangay Cogon, lungsod sa Tuburan, nagnganga nga walay kinabuhi nga naglingkod nga nagsandig sa punoan sa lubi daplin sa baybayon sa nahisgutang lugar.
Si PO3 Yuri Coloñia, imbestigador sa Tuburan Police nga nahinabi sa Sun.Star Superbalita nagkanayon nga si Allan nagkuyog sa iyang uyab nga si Goria (ngan gipugngan), 49, biyuda ug nagpuyo sa nahisgutang barangay.
Ang kapitan sa Barangay Cogon nga si Josefina Cuesta maoy nipahibalo kanilang mga pulis bahin sa patay nga tawo sa ilang dapit.
Naabtan sa kapulisan nga naglingkod nga nagsandig sa punoan sa lubi nga nagnganga nga walay kinabuhi ang lalaki ug si Goria nagsigi’g hilak.
Matod ni PO3 Colonia, abli na ang short pants sa lalaki nga gihushos dihang ilang nakit-an ug dunay tambal sab nga sulod niini sa bulsa.
“Namatay gyud ni siya sa kamay seguro sa kahiman niini dihang nag-uban sa iyang uyab nga biyuda nga dugay naman daw ni sila sumala sa mga paryente,” dugang ni PO3 Colonia.
Si Goria nibutyag nga gitabang pa nila si Allan diin nanawag siya sa mga tagbalay nga duol didto gihaplasan pa pero wala matabang giatake patay dayon.
Gikatakdang ipa-autopsy ang namatay.
source:
Nakig-date sa kabit, giataki sa sakit, patay | Sun.Star
Originally Posted by zam_xy
Reply With Quote
Posting Permissions
