A list of changes, improvements on infra/basic services you want in Mandaue

[omad]

---

naa naman jud tay mga kahigalaang dumadapig sa mayor nga nakigdiskusyon diri parte sa umaabot nga eleksyon sa Mandaue, mas maayo siguro ato silang tagaan sa atong mga yango-ngo sa atong isig ka barangay. kaysa magsige tag lalis, ma maayo siguro ato silang tagaan ug lista sa mga basic services ba ron nga atong gikinahanglan, mga kausaban sa pagpadagan sa siyudad, mga butang nga makapalambo sa Mandaue as a whole.
__________________________________________________ __________________________________________

1. pangitaan unta nila ug paagi unsa-on pag sulbad sa baha diha sa Subangdako dapit sa La Tondena kanang moulan kay dili lang taga Mandaue ang maapektohan ana kung dili hasta ang ubang mogamit ana nga dalan.

2. pangitaan unta nila ug paagi ang sapa sa luyo sa CICC. anha man gud agi tanang tubig gikan sa Tipolo, Guizo ug Mantuyong. sulosyon unta to nga permanente (maghimo ba ron ug sewer o open canal gikan sa Tipolo o Guizo deritso sa dagat unya dili na moagi sa Mantuyong o Centro - Mandaue Sports Complex). dili magsilbe / mas dako ug gasto kung ipa dredge nila every six months or once a year, kapoy ning solusyon nga mura ra bitawg gi band eran.

3. pangitaan unta nila solusyon ang lubak-lubak nga kalye labi na sa may Subangdako didto sa may Dewfoam. (e apil ang inyong barangay diri ug asa dapita)
a. lubak - lubak nga dalan gikan sa Paknaan padung sa Labogon (magbaha sad pirmi).

4. pangitaan unta nila ug solusyon ang Butuanon River unya kana untang dili lang magsige ug "pose" para sa media, naa jud unta toy konkretong action, e-maintain jud unta, dili kay ibutang sa kalimot.

5. pangitaan unta nila ug paagi nga molapad lapad ang dalan atubangan sa simbahan (St. Joseph) para hamugaway ang pag agi nato didto.

6. tiwason na unta nila ang paghimo sa merkado para malimpyo na ang kadalanan gikan sa Mantuyong padung sa Centro.

7. pag gamit balik sa traffic lights sa Hi-way Seno.

8. pangitaan unta nila ug paagi / solusyon sa traffic tungod sa may Metro Mandaue. palapdan ba gamay ang bridge.

__________________________________________________ __________________________________________


kung naa moy madugang ani nga lista, palihug lang ug apil sa inyong mga yango-ngo unya apili sad ug solosyon. dili lang kaayo ni nato baboyon nga thread kay para man ni sa kaayohan natong tanan dili lang sa mga Mandauehanon.

[clapton]

kanang park2x kunohay na atubangan sa simbahan sa st joseph sa centro, unta e balik nalang na ug himu ud dan. nag trapik2x lang na unya mahal pa kuno na kaau....

[alz]

Automated traffic lights for now specially sa major intersections, kay kung wala na traffic enforcer, isig paugatay na ang mga sakyanan

Descent public market sad diay

Aw, road improvement sa barangay and drainage, cge lang baha diri sa as fortuna during heavy rain, traffic!!!!!!!

[raddiboy]

ang dalan sa cabancalan og AS fortuna..butangi na og separator oy kay daghang nadisgrasya..unya higway na pero daghang libaong...

[raddiboy]

and mas nindot man siguro og dili na lang niya pamutangan og picture niya kada Government establishment, di man na iyang kwarta ang gipahimo, iyaha man nang trabaho...

[Kwakie]

Pa menosan ang presyo sa District hospital. Ngano ila presyo parehas man ug terciary nga wala man kaha ni sila maka 100 beds.

[Godfather]

Gusto ko himoan ug dako nga park diha sa reclamation. Kanang medyo parehas sa Luneta ba. Unya tanuman ug daghna nga kahoy ug butangan ug picnic sheds ug duwa-anan para sa mga bata. Siyempre kinhangan sad ug mga suga para dili himoon ug tanbayanan sa mga kawatan. Seguro ipa-ibot ni Teddy ang mga mahalon kaayo niyang lamp post unya ibalhin sa park.

[iqzhiro]

just the Roads gyud akoa

[MADAGASCAR]

No. 1. Change the Mayor.

[Earl_Gorordo]

More pictures of Teddy Ouano