Kini ang akong suliran

[brackitz]

OT: Kahinumdom ko sauna, early 90's, grade school pako., basta maka dungog nako aning opening sound track sa suliran, maratol nako'g dinalidali kay ma late na man ko sa afternoon na klase.

[tatajhun]

Maayong gabii sa tanan natong magtatampo niining atong kutay Kini ang akong Suliran inubanan sa mga tanyag na magtatambag dinhi ug walay lain pa. Ipadangat kana aron mataga-an ug pagtagad ug alibyo. Samtang nagahulat kita sa atong mga magtatampo ato e on ang radyo pono ug kuha-on ang plaka sa sonatang nag-ulohan "Arinolang buslotan palihug saluda intawn"....enjoy!

[liza_ann_flordeliz]

kini ang akong suliran:

gusto ko magshopping pero wala koy pangshopping, gusto ko magjoyride pero wala kay car, gusto ko molawat sa building pero hadlok ko ug heights. unsa ako buhaton

[pruce]

kini ang akong suliran:

gusto ko magshopping pero wala koy pangshopping, gusto ko magjoyride pero wala kay car, gusto ko molawat sa building pero hadlok ko ug heights. unsa ako buhaton

adto lang sa akong shop kay free ra to didto. unya magjoyride man kaha ka, naa koy cariton didto modagan pa to. unya hadlokan man kaha ka ug heights ingna lang ko kung kanus-a ka molawat sa building kay kuyugan tika para duha na ta.

[blu bizcuitz]

kini ang akong suliran:

gusto ko magshopping pero wala koy pangshopping, gusto ko magjoyride pero wala kay car, gusto ko molawat sa building pero hadlok ko ug heights. unsa ako buhaton

mao nay giingon nga: pagpuyo

[behemothharr]

kini ang akong suliran:

gusto ko magshopping pero wala koy pangshopping, gusto ko magjoyride pero wala kay car, gusto ko molawat sa building pero hadlok ko ug heights. unsa ako buhaton

pagka daku sa imong suliran..si TTJ ray maka sulbad ana miga...usa ra ka problema nimo ang kaya nakong sulbaron, kana mao ang gusto ka mag joy ride...dili kana problema kay andam ako ug tagana nga imong sakyan bisag unsang orasa.sakay na!

[tatajhun]

Oi nanajud nagpadangat sa iyang mga suliran, Inday liza_flordeliz!

Inday sa akong pag timbang-timbang murag kuwang jud ug 1/4 hehe unsa man gayud na imong suliran nga bahin makalibog sa tanan...Kana kay gusto man nimo tanan adunay pamaagi susama sa imong giingon "gusto ka magshopping pero wala kay pangshopping, ang akong tubag mao kini paminaw:
Kana kay kinahanglan ug sapi mangita ka ug trabaho nga imong ikagasto sa pagshopping-shopping kung dili ikaw mamili ug trabaho pwede gayud tika matabangan ni-ana kay dako kini ang luna sa akong napuy-an taas-taas nagayud ang mga sagbot susama sa bergansosa, aniper ug dul-dol murag dako-dako na gayud ikaw mahimong trabaho dinhi e pm lang ko aron ikaw akong ma kukabildo ug atong pagasabutan....

Sunod nimong problema mao kini, Gusto nimong mag joyride apan wala ikaw nga sakyanan tubag paminaw:
Ana-a akoy mga kaila dinhi nga adunay maanindot nga sakyanan hilabi na gayud ang sakyanan upat ligid ni bohetmothrr itom ang color ni-ato ug sosyal gayud sa panan-aw sa uban ug panag-sa ra gayud nimo makita kini nga modelo nga daw taga dominggo ra gayud kini modagan apan kung taga adlaw imong gusto pwede ra nato ipamalihog ni titing bohetmothrr, nindot kini nga klasi sa sakyanan daw mura kag naa sa sala niini kung ikaw mosakay kay adunay kurtina sa iyang mga bintana, ug ang pinakanindot nga parti niini mao katong luyong bahin daw dako gayud ug espasyo aron ikaw or kamong duha mohigda niini ug dili ka magmahay sa pagka comportabli niini hilabi na ang tukar sa isteryo nga sipa gayud kaayo, pwede ra gayud ikaw mo request ug mga sentimental o mingaw kanta susama sa sonata nga gikanta ni Gary Valenciano "Hindi Kita Malilimutan" ug ikaw nakahinoktok ug nakadesisyon kontaka lang si titing bohetmotharr dinhi.

Ikatulong problema mao kini,gusto ko molayat sa building pero hadlok ko ug heights, tubag paminaw:
Kung gusto man gayud ikaw molayat ayaw ngadto sa building adto layat sa Mactan Bridge kay mosikat kapa hilabi na sa tv ug radyo daw ikaw mahimong artista sa usa ka semana, ug mahulog man gani ka dili gayud kaayo delikado inday kay tungod tubig ang imong tugpahan kaysa adto kas mga hitaas nga edipisyo daw imong nawng nga guapa kuyawan ako basin kana masinsiyo, ayaw kaayo pagka despirada Inday Flordeliz kay ana-a kami andam ug tagana para ikaw among lipayon pina-agi sa among mga kamot ug dila, tagaan sa dakong pagtagad dinhi ug wala nay lain pa...Hina-ot ikaw anaa sa maayong huna-huna matag karon ug unya makatilaw ka sa dakong grasya ug himaya aron kana mawala ang negatibong aspeto sa panghuna-huna..Inday dili nalang gayud nako tas-on kay ang akong baka ug kanding ako pang patuna-on.

Salamat sa pagpadangat,
TTJ

kini ang akong suliran:

gusto ko magshopping pero wala koy pangshopping, gusto ko magjoyride pero wala kay car, gusto ko molawat sa building pero hadlok ko ug heights. unsa ako buhaton

[yanong_banikanhon]

Sakto ang sugyot ni TTJ, inday liza. Kun wala kay kwarta nga pang-shopping, pangita og paagi nga maka-kwarta. Dunay daghang paagi nga maka-kwarta ka, kana kun dili ka pilian og trabaho. Ang mosunod pipila lamang sa mga trabaho nga pwede nimong sudlan:

• tiglampaso sa airport
  
• tigsalo' og durian
• tighuyop sa ligid sa payloader
• tig-tootbrush og buwaya
• tig-ibot sa balhibo sa ostrich
• tigpakatulog sa mga tarsier nga giinsomya
• tig-shine sa kuko sa elepante

ug daghan pang uban...Basta ang importante nga limpyo ang trabaho nga imong sudlan unya walay mga katungod nga imong nayatakan.

Unya kun makatigum na ka og salapi, pwede na kang mag-shopping. Daghan kaayong mga bargain sa Carbon. Barato na, quality pa. Aw, dili diay tanang barato de-kalidad. Sama adtong akong napalit nga flat iron nga kun isaksak, moapil og panginit ang hawiran. Or kadtong rice cooker nga kun lung-agan magpuot lang ang agi, unya ang linung-ag saktong gyung pagka-pagud. Ininit tubig na lang og asukal ang kulang, naa na kay native rice coffee.

Nahala, gudlak na lang, inday liza. Alang kanimo, akong ipatukar kining awit ni Hustiniano Bilbil nga nag-ulohan: 'Pitaka gikan sa samput nga way nahut, sa mangunguot makasaput.'

[liza_ann_flordeliz]

hehehe... nalingaw ko inyong mga tubag. salamat sa inyong mga sugyot!

[tatajhun]

Titing Yanong Salamat sa magkadaghan sa pag backup niining imong higala sa pagtambag sa atong mga kaigsoonan nangita ug alibyo sa ilang mga gipas-ang suliran...Ug sa katong ganahan motampo dinhi ayaw kamo pagduha-duha isugyot kana diri aron ato dayong matagad.