Cebu local news (daily update)

[marqi_20]

Albularyo natripan gidunggab

CEBU, Philippines - Nabulit sa mga samad dinunggaban ang lawas sa usa ka albularyo nga gidunggab sa giingong adik-adik sa dalan F. Ralota sa barangay Poblacion, dakbayan sa Danao, sa miaging kaadlawon.

Ang biktima mao si Celestino Mondero, 70, lumad nga taga lungsod sa Borbon ug nag-estambay sa maong dapit sa dakbayan sa Danao dihang na-tripingan sa usa ka Darrel Barbero, taga dalan Juan Luna sa barangay Poblacion sa nahisgotang dakbayan.

Si SPO2 Ildefonzo Prosia sa kapolisan sa maong dakbayan nga nahinabi sa Banat News miingon nga naglingkod ang biktima sa maong dapit dihang walay igong hinungdan giduol kini sa suspek ug gidunggab makadaghang higayon.

Ang biktima nga naigo sa dughan, tiyan, buko-buko, bukton ug uban pang bahin sa kalawasan dali nga gidala sa Danao District Hospital.

Ang suspetsado nadakpan sa follow-up operation ug kasamtangan karong gibalhog sa sulod sa ilang bilanggoan. Sumala pa nga ilado nang tiggamitan og ilegal nga drugas ang suspek ug makadaghan na nila kining nadakpan kaniadto. (EIM) (BANATNEWS)

[marqi_20]

Children's Center tukoron sa Mandaue

CEBU, Philippines - Giplano karon sa kagamhanan sa dakbayan sa Mandaue ang pagpatukod sa Children’s Center nga maoy mahimong kapuy-an sa mga street children sa dakbayan sa umaabot nga mga adlaw.

Si Violita Cabada nga maoy City Social Welfare and Services (CSWS) officer sa maong dakbayan mipadayag nga kabahin kini sa programa alang sa kabataan sa dakbayan.

Niadtong miaging adlaw gipasidunggan sa dakbayan ang 20 ka mga “Outstanding Children” isip pag-ila sa ilang maayong academic performance ug ingon man usab sa ilang pagserbisyo sa komunidad.

Si Mrs. Sarah Cortes nga maoy chairperson sa Mandaue City Council for the Protection of Children maoy nangulo paghatag og pasidungog nga gitambongan usab ni Bise Mayor Glenn Bercede, Maricel Yu nga maoy focal person sa kagamhanan. Naglakip sa kabataan nga gipasidunggan niadtong miaging adlaw mao sila si John Keith S. Mazo, 16 anyos nga tinun-an sa fourth year sa St. Louis College-Cebu.

Kinsa gawas nga maayo ang iyang gipakitang performance sa academic, aktibo usab kini sa mga kalihokan sa komunidad isip presidente sa school’s supreme student government, presidente sa Rotary Club, CAT battalion commander, orator ug debator.

Aktibo usab kini sa relihiyosong kalihokan sa simbahan isip lector sa panahon sa misa ug ingon man sa musika pinaagi sa pagpatogtog sa piano, violin ug uban pa.

Dugang nga mga gipasidunggan mao sila si Sheila Mahusay sa Mandaue City Comprehensive National High School, Angelica Conde sa Labogon National High School, Danie Mae Ybañez sa Mandaue City Science High School, Ma. Liza Zarate sa Mandaue City Comprehensive National High School ug uban pa. (BANATNEWS)

[marqi_20]

Mogula matag Martes ug Biyernes

CEBU, Philippines - Una sa tanan, giingon nga: “Old age is not a time of decrepitude but of enrichment.” Decrepitude, adjective sa noun nga decrepit, nagkahulogan, suma sa Modern American Dictionary: weakened by old age; feeble. Sa ato pa, ang old age, o ang pagka-senior citizen dili panahon sa pagkaluya ug pagkahuyang, kundili, literally, panahon sa pagdugang sa pagka-bahandianon. Bahandi sa kaalam, kalagsik sa salabutan ug panglawas, katarong ug kaligdong, pagkamatinud-anon ug bahandi sa pagpakabana sa uban. Dugang pa, giingon nga: “Old age is the age of authentic maturity.”

Sa World Assembly on Aging , ang delegasyon sa Holy See, misugyot ning mosunod nga mga concerns alang sa World Plan of Action for the Aging:

1.The significant contribution of the Holy See to the World Plan of Action would be to focus attention and interest on the riches of the aging, and on their active and responsible participation in all aspects of life as full members of the community, particularly in the area of ethics, education, and family life.

2.Every programme which truly wishes to serve the well-being of aging persons should above all recognize that old age represents the ultimate and most advance phase of development of human experience in the universe.

3.Gerontological efforts and research are geared towards the desirable goal of reducing the physiological decline associated with biological aging. Thus they aim at improving the quality of life.

4.Education is a life-long process and should be an important aspect of aging. Aging persons themselves have a responsibility to continue to learn; they are called to use their free time in an advantageous way.

5.The richness of any human relationship lies in its duration and continuity in time. Under this aspect, the family constitutes the fundamental institution which permits stable and lasting interpersonal relationships and which therefore fulfills an essential roles in the psychic and effective equilibrium of the person.

6.The Church can contribute much to the establishing of positive guidelines for the aging by holding out to the elderly an abundance of hope over anxiety and motivation over resignation. A balanced approach should be adopted where all the aspects of aging … economic, social, cultural, psychological, moral and religious, are borne in mind. The aged are the ones who have endured. They are the ones who can discern true values in the present and realistic expectations for the future.

7.The Holy See believes that the World Assembly on Aging we have an opportunity to initiate a reinterpretation of this life process which could enable many people to eliminate from their lives the fear and anxieties of its inevitability, and to acquire a new state for life. (BANATNEWS)

[marqi_20]

Papel nga "Big Brother" awhag ni Palmones sa CVPPCO

CEBU, Philippines - Gihagit ni AGHAM Partylist Rep. Angelo Palmones ang mga sakop sa Central Visayas Pork Producers Cooperative sa pagbarog sa papel nga ‘big brother’ ngadto sa mas daghang gagmay’ng namuhi og baboy.

Si Palmones kinsa maoy pinasidunggang dinapit sa labing unang anibersaryo sa CVPPCO namulong nga aron molambo ang industriya sa pamuhi og baboy sa nasud kinahanglang dili biyaan sa mga naghugpong mga hog raisers ang mga backyard farmers kun kadtong namuhi lang og pipila lang ka baboy.

Sumala pa niya nga angayang tudloan sa mga sakop sa CVPPCO ang backyard farmers sa mga teknik alang sa abundang pagpamuhi og baboyan ug agnihon sila nga magpasakop sa ilang kahugpungan.

Sa pagkakaron, 35 porsiyento palang sa mga namuhi og baboy ang naghiusa ug naghugpong aron mapalambo ug maproteksyonan ang ilang industriya apan 65 porsiyento usab nagsuplay gihapon og baboy sa kamerkaduhan ang nagagikan sa backyard farming.

Matud pang Palmones nga kung ang CVPPCO motabang sa mga gagmay’ng mag-uuma mapadaghan niini ang ilang mga miyembro ug sa maong paagi mas aduna na sila’y tingog unya ngadto sa gobiyerno kun aduna sila’y problema.

Gidugang ni Palmones nga wala na kinahanglana pang adunay mga balaudnon nga pandayon aron matabangan ang mga namuhi og baboy sanglit daghan nang mga balaod kabahin niini ug kinahanglan lang nga masubay ug matun-an.

“The challenge to you (CVPPCO) is to assume the role of ‘big brother’ to our backyard farmers,” matud pang Palmones. Sumala pa niya nga pinaagi sa eksperiyensya sa mga sakop sa CVPPCO matabangan nilang mahaw-as sa kalisod ang mga gagmay’ng mag-uuma ug dili na unya sila magsalig pa sa ‘pantawid program’ sa gobiyerno.

Si Roland Tambago ang presidente sa CVPPCO mibutyag sa mga tigbalita nga mao na karon ang ilang tumong aron mapalig-on ug mapalambo ang industriya sa pamuhi og baboy. (EIM) (BANATNEWS)

[marqi_20]

Malilong: Bright spot in poll cheating talk

IT'S sickening, watching election crooks parading in the Senate and beating their breasts in mock contrition. You think these people are overcome by a sense of guilt?

No, the reason they’re freely admitting their roles in the 2004 grand electoral robbery is because they know that they’re beyond prosecution. Blame Congress for writing a law that says election offenses prescribe after five years from the date of commission. If there is any bright spot to this otherwise dark tale of wholesale cheating, it is that none obviously happened in Cebu. If you will recall, immediately after that disputed election, the camp of the late Fernando Poe Jr. claimed that the Cebuanos cheated for Gloria Macapagal-Arroyo, resulting in her obtaining a one million margin over her opponent.

Poe’s supporters even went to the extent of parading in Manila hooded men who were supposedly eyewitnesses to the cheating. We, of course, knew better. There was no cheating. Arroyo won fair and square. Those men were liars which was why they had to mask their faces.

For how couldn’t have Arroyo won convincingly? She had the support of the Osmeñas, the Duranos, the Gullases, the Martinezes and all the other Cebuano politicians of consequence. And who was left to man Poe’s campaign in Cebu? A friend, whose name I cannot even recall now.

And it wasn’t just the politicians who were overwhelmingly pro-Gloria. The ordinary Cebuanos were just as, perhaps even more, supportive of her.

Even history was on her side. When Erap Estrada ran in 1998, he fared badly in Cebu, in fact so badly that when two of his Cebuano leaders went to see him in San Juan immediately after the elections, he gave them the cold shoulder treatment. Like Erap, Poe was an actor.

But for some politicians, repeating a lie could be irresistible especially if it can land them in the front pages or in the early evening newscasts. Until recently, they were still frothing about Cebuanos cheating Poe out of the presidency. Poe, it turned out, was indeed robbed of victory but in Mindanao, not here.

A number of the scoundrels who knowingly and falsely accused us of being cheats are still in circulation. I wonder if they can summon enough decency to tell the Cebuanos they’re sorry for the slur.
***
Mayor Mike Rama resents his P11.8 billion proposed budget being called a joke. But his predecessor says it isn’t just any joke but a painful one for the city’s urban poor.

In a text message, Cebu south district Rep. Tommy Osmeña criticized Rama for setting aside P50 million to purchase a barge while allegedly ignoring the recommendation of Vice President Jejomar Binay for the city to appropriate a similar amount as goodwill deposit to assist the occupants of the province-owned Lot 93-1.

Osmeña said that not only did Rama block a proposed land swap with the province that would have allowed 5,000 families to own the lots that they have been occupying for about 50 years, he has turned a deaf ear to Binay, “who spent months negotiating and evaluating” the problem before recommending the P50 million goodwill deposit.

“Obviously, a barge and other priorities are more important to Rama” than the welfare of his poor constituents, Osmeña said. “His proposed budget is not a just a joke but a painful one to the urban poor of Cebu.”

Gipatik sa mantalaang SuperBalita Cebu Oktubre 21, 2011.

[marqi_20]

Anak sa mga Ponce nagtago og sundang

DUHA ka hait nga mga sundang ang nakuha sa kapulisan ilawom sa double deck sulod sa kwarto ni Heather Joy Ponce, 24, ikaduhang anak sa magtiayong Ponce ug usa sa tulo ka mga anak nga giapil pagmasaker sa ilang amahan nga si Emmanuel sud sa ilang panimalay sa Barangay Tabunok, dakbayan sa Talisay.

Kini dihang gilimpyuhan kagahapon sa buntag sa mga barangay tanod sa Tabunok ug kapulisan ang crime scene diin nahitabo ang masaker.Samtang ang tulo ka mga binuhing iro sa pamilyang Ponce maoy unang giduol ni Embrelaince, ang bugtong survivor sa masaker, sa iyang pag-abot sa ilang panimay kagahapon, upat ka adlaw human mahitabo ang krimen.

Puwerteng nakitoy-kitoy nila ni Brownie, Jamal ug Happy timaan sa ilang kalipay nga subling nakita si Ember nga daling mipakaon kanila og pan diin makita usab sa iyang panagway ang gibating kalipay ug kamingaw sa mga binuhing hayop.

Ang 13-anyos nga dalagita nga nagsul-ob og berde nga hoodie nga gitabon sa iyang ulo, wa na mosulod sa ilang balay ug didto lang nagpundo sud sa sakyanan sa Department of Social Welfare and Development sa wa pa molarga pipila ka minutos gikan sa ilang pag-abot.

Giubanan siya sa mga social worker sa DSWD-7 pagseguro nga dunay makatabang niini labi na sa iyang emosyon kon makakita sa mga butang nga makapahinumdum sa iyang pamilya.

Mialisbo ang kabaho gikan sa sulod sa balay sa mga Ponce, dihang naablihan na ang pultahan ug gisugdan na ang pagpanglimpiyo sa mga barangay tanod sa Tabunok.

Tag duha ka representante gikan sa habig ni Melinda ug Emmanuel ang gipasaksi sa kapulisan sa ilang gihimo nga inventory sa kabtangan sud sa balay.

Gawas sa mga sundang, nakuha usab sud sa kwarto ni Heather Joy atol sa pagpanglimpiyo, ang usa ka slug sa .45 pistol ug usa ka notebook ni Ember nga dunay suwat sa wa matapos nga lyrics sa The Prayer nga kanta nila ni Celine Dion ug Andrea Bocelli.

Matod ni Supt. Eddie Ricamara, hepe sa kapulisan sa Talisay, nga posibleng gamiton isip self defense ang nakuha nga mga sundang gumikan sa nahitabo kaniadto diin si Melinda giingong nadapatan ni Emmanuel ug nilaban ang ilang mga anak sa ilang inahan.

Si SPO1 Mikie Espina, imbestigador sa Talisay police, nagkanayon nga i-turn over nila kang Ember ang tanang mga butang sud sa panimalay sa mga Ponce timailhan nga gitapos na nila ang ilang imbestigasyon.

Si Ricamara nibutyag nga matag karon ug unya, iyang ipa-roving ang iyang mga sakop sa maong lugar samtang moabag usab ang mga barangay tanod sa Tabunok.

Samtang karong alas 9 sa buntag, usa ka santos nga misa ang ipahigayon sa panimay sa mga Ponce dayon isunod ang pagbendisyon sud sa balay.

Si Melinda ingon man ang iyang tulo ka mga anak nga sila si Elaine Grace, 26, Heather Joy, 24, ug Emlin Bridge, 18, gipusil patay ni Emmanuel sud sa ilang panimay sa Palm View Village niadtong Dominggo sa buntag.

Si Ember lang ang bugtong naluwas sa masaker sanglit gipadagan siya sa ilang amahan kay gipatawag og pulis.

Gipatik sa mantalaang SuperBalita Cebu Oktubre 21, 2011.

[marqi_20]

Balay sa mga Ponce nagtingkagol bisan way tawo sa sulod

GITUOHAN nga mga kalag sa nangamatay sa masaker ang nagparamdam ug nagpakita sa silingan, mga barangay tanod ug pulis nga nagbantay sa panimay sa mga Ponce sa Palm View Village sa Barangay Tabunok, dakbayan sa Talisay sa miaging gabii.

Alas 7:45 sa miaging gabii, ang silingan ug nagpuyo tapad sa panimay sa mga Ponce nga si Baby Ouano dali nga misumbong sa mga tanod ug pulis nga diha sa gawas sa balay nagbantay human siya nakadungog nga dunay nanilhig ug nanghipos sa buak nga mga bildo sa jalousie sa luyo.Apan si Nelson Echavez, barangay tanod niasoy nga dihang gilipot na nila ang luyo sa balay, wa sila’y nakita bisan usa ka tawo.

Nahibulong lang sila kon nganong wa na didto sa luyo sa balay ang buak nga mga bildo nga diha pa unta niadtong Dominggo human nahitabo ang krimen.

Pagka alas 12:30 sa miaging tungang gabii, usa ka babaye nga nagsul-ob og puti nga beste nga taga abaga ang buhok ang nakit-an sa mga tanod ug pulis nga giingong kalit nga miagi sa ilang atubangan gikan sa kilid nga bahin sa panimay sa mga biktima ug milabang paingon sa tapad nga balay nga gisundan sa puti nga itoy nga nagkitoy-kitoy ang ikog.

Si Echavez niingon nga posibleng kalag kadto ni Melinda gumikan kay susama og pamarog niini ang maong babaye.

Samtang sa dayon na nga paggawas sa sakyanan sa Department of Social Welfare and Development nga gisakyan ni Embrelaince sa gate sa mga Ponce, maka-upat ka higayon kini napagngan og makina nga gituohan sa edaran nga mga silingan nga diha nanguryuso nga nitan-aw sa crime scene atol sa pagpanglimpiyo nga posibleng gipugngan ang dalagita sa mga kalag nga dili una palakwon.

Samtang nadesisyonan sa duha ka pamilya nga ang lawas lang ni Melinda ug ang tulo ka mga anak niini nga sila si Elaine Grace, 26, Heather Joy, 24 ug Emlin Bridge, 18 ang dad-on sa Sorsogon ugma samtang si Emmanuel ang ibilin dinhi sa Sugbo.

Gipatik sa mantalaang SuperBalita Cebu Oktubre 21, 2011.

[marqi_20]

P100 mil nga limos sa patay gikawat

NAGKAGULIYANG ang mga kabanay sa usa ka minatay nga gilubong human nahanaw ang P100,000 nga limos niadtong Miyerkules sa alas 9 sa buntag sa Barangay Poblacion, lungsod sa Argao.

Usa ka Lucela Montañez, 64, minyo, taga Barangay Lamamacan, nireklamo sa kapulisan labot sa pagkahanaw sa P100,000 nga limos nga gisulod sa envelope.Ang namatay giila nga Si Rogelio Veloso Sr., giingong dagkog ranggo sa usa ka kompaniya hinungdan nga gihatagag dakong limos.

Si PO2 Bernie Lao, desk officer sa Argao Police nga nahinabi sa Sun.Star Superbalita nagkanayon nga gireklamo ni Lucela, ang usa ka Romeo, taga Barangay Tulic sa maong lungsud.

Gipatik sa mantalaang SuperBalita Cebu Oktubre 21, 2011.

[marqi_20]

Nagplantsa namatay

INAHAN nga gikan nagligo sa iyang gamay nga anak namatay human nakuyertihan samtang nangplansa sa sinina sulod sa balay kagahapon sa alas 11 sa buntag sa Sitio Morta, Barangay Tisa, dakbayan sa Sugbo.

Si Rowena Duarte (dili ang maanyag nga runner), kapin sa 30 anyos, nilagom na nga napalgan sulod sa iyang balay human gikatahong na kuryentihan sa electric iron nga iyang gigamit bisan kon basa siya.Si Hilton Rafols, barangay tanod sa Tisa nga nahinabi sa Sun.Star Superbalita, nagkanayon nga ang biktima nagdali-dali sa pag-plansa sa sinena sa iyang anak gikan siyang nagligo.

Gipatik sa mantalaang SuperBalita Cebu Oktubre 21, 2011.

[marqi_20]

Misuway og hikog sa selda

AMAHAN nga gipa-priso sa iyang asawa ug anak human nanghulga nga iyang pamatyon sama sa hitabo sa Talisay niadtong Dominggo, nisuway paghikog sulod sa Consolacion Police Station pinaagi sa pagdunggab sa iyang kaugalingon.

Ang asawa naaghat sa pag-report human siya gipabuthan og armas ug gibaharan nga di na sila maabtan og ugma tungod kay hutdon sila sa pagpamatay.Gidala sa Vicente Sotto Memorial Medical Center (VSMMC) si Nic (di tinuod niyang ngan), 46, usa ka construction worker, tungod sa kasong pagpanghulga sa iyang pamilya.

Niadtong Martes sa hapon, ang iyang asawa niadto sa police station aron pag-reklamo sa iyang bana nga gihulga siyang patyon uban sa ilang mga anak.

Matod niya nga di na maagwanta sa asawa ang kanunay nga pagpanghasi kanila ug pagpanapat.

Apan niadtong adlawa gipabuthan gyod siya tumong sa iyang tiil gamit ang kalibre .45 dungan sa paghulga nga sila maoy isunod sa nahitabong masaker didto sa siyudad sa Talisay ug di na sila maabtan og ugma.

Hinungdan nga gidakop ug gipriso sa Consolacion Police Station kagahapon sa dihang ipasaka na unta ang kaso.

Ang asawa ug ang ilang 19 anyos nga anak niadto sa police station.

Sa dihang nagkaestorya sila, nangayo kinig pasaylo kanila.

Apan sa dihang nausa na ang ilang desisyon nga pasakaan gyod og kaso, nikuha kining kutsilyo dayog dunggab sa iyang kaugalingon tumong sa tuong dughan.

Ang kapulisan nga nakakita sa hitabo daling nikuha sa bana ug daling nidala kaniya sa tambalanan.

“Pagdunggab niya, siya ra pud ang niibot unya niingon dayon nga Dios ko,” asoy ni Senior Insp. Wilvert Parilla, hepe sa Consolacion police station nga nahinabi sa Sun.Star Superbalita.

Matod ni Parilla nga wa sila masayod kon asa makuha ni Suarez ang batangas knife tungod kay kagahapon ila kining gikapkapan sa tibuok lawas kon aduna bay hinagiban sa wa pa gibalhog sa prisohan.

Ang asawa niingon nga ang batangas knife gipanag-iya mismo ni Suarez ug giingong diha na kini kaniya sa dihang gisud siya sa prisohan pinaagi sa pagtago sa tiil.

Apan si Parilla di makatuo nga gidala na kini sa bana tungod kay nag-shorts ug nagtsinilas ra kini pagsulod sa prisohan ug di mahimong mataguan dapit sa bagtak.

Hinuon si Nic luwas na sa makuyaw nga kahimtang.

“Maorag wala may plano nga magpakamatay gyud kay tuohon ka unya ang imong giduggab diri sa tuo, dili man sa wala dapit sa kasing-kasing. Kadto iya hulga ra to,”dugang ni Parilla.

Nagtuo ang kapulisan sa Consolacion nga kadtong nibisita niini nianang gabii nga iyang higala posebling mao kini ang nitunol sa kutsilyo.

Gipatik sa mantalaang SuperBalita Cebu Oktubre 21, 2011.