Cebu local news (daily update)

[marqi_20]

Sakyanan sa abogado sa Lhuillier, gilungkab

GILUNGKAB ang sakyanan sa abogado sa M. Lhuillier samtang gi-park dili layo sa ilang balay sa dalan E. del Rosario, Barangay Tipolo, dakbayan sa Mandaue niadtong Sabado sa buntag.

Si Julius Ceasar Entise, usa sa mga abogado sa M. Lhuillier, nitaho sa kapulisan nga ang car stereo nawala na.Sa pasiunang imbestigasyon sa kapulisan nagbutyag nga pasado alas 9:00 sa buntag, ang Nissan Sentra adunay plate number PNP 470 gilungkab pinaagi sa pagbuak sa bintana.

Ang pioneer digital stereo nagkantidad og P6,700 uban sa usa ka unit sa amplifier ug ubang accessories.

Si Insp. Ramil Morpos, hepe sa Theft and Robbery Section (TRS) sa Mandaue City Police Office (MCPO) miingon nga ang gikatahapan ila nang nailhan base sa pamahayag sa mga naksaksi.

Matod ni Insp. Morpos ang gikatahapan naila nga si Jemar Porocay, 19, ulitawo kinsa nasikop lang usab dayon paglabay sa pipila ka oras human sa hitabo ug didto kini masikop sa ilang balay sa Basubas Compound, Tipolo.

Hinuon, ang gikatahapan niangkon sa krimen nga iyang nahimo samtang aduna kini laing ginganlan nga iyang kuyog gani nipasalig pa kini na moabag sa kapulisan apan paglabay sa pipila ka oras, nausab ang iyang hunahuna.

Ang kapulisan napakyas pagkuha balik sa butang nga nakawat ug gikatakda nga ilang pasakaan og kasong pagpangawat karon.

Gipatik sa mantalaang SuperBalita Cebu Oktubre 17, 2011.

[marqi_20]

Drayber sa taxi gipusil, patay

ni: Ma. Gelli L. Rojas PIT ABComm intern

PATAY ang usa ka drayber sa taxi nga si Aguinaldo Mangubat Corona, 37, taga Barangay Bacayan, siyudad sa Sugbo human gipusil kagahapon sa alas 4:30 sa kaadlawon.Usa ka wa mailhing mamumuno nga nag-backride sa usa ka motorsiklo ang niduol sa biktima sa eskina sa dalan Sanciangko ug Junquera, Barangay Kamagayan ning siyudad.

Gidali og dala sa Cebu City Medical Center (CCMC) ang biktima sa iyang amigo nga taxi driver nga si Nicanor Tañola Alquizar, 35, apan sa paglabay sa pipila ka oras nakabsan sa kinabuhi.

Si Mangubat nakaangkon og duha ka samad pinusilan sa kalibre .45 diha sa tuong bahin sa dughan ug laing usa sa tuong bahin sa iyang lawas.

Si Mangubat nagmaneho sa usa ka Toyota Vios nga dunay plaka nga ZMM 529 ninghunong sa nahitabong dapit aron pagpaabot sa usa ka babaye nga gi-nganlan og ‘Shennel’ nga dancer sa usa sa mga club sa dapit.

Kauban niya ang iyang mga amigo nga mga taxi driver nga naglingkod ug natulog sud sa maong taxi nga sila Harold Gilamon, Alex Lariosa ug si Estevenson Masang nga maoy nakasaksi sa panghitabo.

Si PO3 Wetzel Berry, usa sa mga imbestigador nga nahinabi sa Sun.Star Superbalita, niingon nga padayon pa ang ilang imbestigasyon atol sa pakighinabi ning mantalaan.

Gipatik sa mantalaang SuperBalita Cebu Oktubre 17, 2011.

[marqi_20]

Security guard mipusil sa ‘kawatan’ sa pier 7 sa M’daue

USA ka security guard nakapusil gamit ang shotgun batok sa gituohang mga kawatan og puthaw sa iyang gibantayan sa pier-7 dakbayan sa Mandaue.

Ang insidente nahitabo sa pier 7, FF Cruz, Mandaue, alas 9:00 kagahapon sa buntag.Ang napusilan mao si Jovet Abejo, 19, ulitawo, ug taga Barangay Suba, dakbayan sa Sugbo.

Ang sikyu mao si Artemio Papa, sakop sa Fabulous Security Agency, ug nagbantay sa Roble Shipping Lines Inc.

Sigun sa report ang biktima kuyog sa iyang mga higala giingong nanguhag mga puthaw kon mga scrap iron, sa gibantayan sa guwardiya sa dihang gibadlong wala mopatuo hinungdan nga gipasalbahan sa makaduha ka higayon.

Apan wala gihapon sila mopatuo hinungdan nga gipusil sila nga niresulta sa pagkaigo ni Abejo sa kilid sa iyang lawas ug daling gidala sa Cebu City Medical Center (CCMC).

Si SPO1 Dinesio Dela Peña nga nahinabi sa Sun.Star Superbalita nibutyag nga base usab sa pamahayag sa mga kauban sa biktima nga wala mopasalba ang security guard hinuon nideritso kinig pusil ngadto kanila.

Ang guwardiya nibutyag nga makadaghan na silang higayon nga gikawatan gani nag-ilis-ilis nalang og guwardiya tungod kay kanunay’ng kawatan og puthaw.

Si Papa nidugang nga iya kining gibadlong apan wala mopatuo gani gihulga pa siyang balikon.

Ang sikyu nitahan sa kapulisan.

Gipatik sa mantalaang SuperBalita Cebu Oktubre 17, 2011.

[marqi_20]

Lalake gidunggab, patay

PATAY ang usa ka lalake human gidunggab sa iyang gika-inom sa sityo Gisi, Barangay Agus, dakbayan sa Lapu-Lapu kagahapon, pasado alas 12:00 sa udto.

Ang biktima mao si Teodoro Daño, 52, minyo ug molupyo sa dapit.Ang gikatahapan mao si Amores Hiyas, 38, silingan sa biktima.

Si PO2 Luisito Erni nagkanayon nga si Daño niadto sa balay sa gikatahapan aron mag-inom apan sa dihang nangahubog, naglalis ang duha ug niresulta sa pagdunggab.

Ang biktima samdan sa iyang dughan ug kilid sa lawas daling gidala sa Mactan Doctors Hospital, apan paglabay sa pipila ka minutos, namatay.

Dugang nasayran sa kapulisan nga ang igsuon ni Hiyas gidunggab usab sa biktima kaniadto ug posibling nahisgutan kini atol sa ilang inom.

Ang gikatahapan nitahan sa awtoridad.

Gipatik sa mantalaang SuperBalita Cebu Oktubre 17, 2011.

[miekuh]

basta demonyo na gani modala sa tao, pataka nalang jud buhaton. bisag unsa kapa ka prof.
Basta wala na pagsalig sa GINOO maguba jud ang pamilya

[Inting Butikol]

Ato na lang i-ampo ilang mga kalag.

[Prodinterios]

Ako tong classmate sa CDU ang gipusil na laki... Buotan jud toh siya og daghan kaayu siya barkada.. Pero dugay naman sad siya ga ingon ingon na boang iya papa

[p26]

kaluuy sa mga anak---siya nalang unta to nagpakamatay, nganu giapil pa jud ang pamilya. Mayta nag antos ning amew sa impiyerno!

[jumper_stage]

ipekto ni sa druga og walay ampo og pagsalig sa ginoo nganong ang tao makahimo og ingon ani

[takumi]

so sad...RIP to Melinda Ponce. Just saw her facebook today and found out some of her friends were my friends too. she's an ultra-marathoner diay...keep running in heaven maam