Cebu local news (daily update)

[marqi_20]

Gas station robbery usa patay

ORMOC CITY ,Philippines – Patay ang usa ka gasoline pumpboy samtang napusilan usab ang kahera atol sa pagpanulis sa usa ka gasolinahan sa barangay Cogon sa maong dakbayan kagahapon sa udto.

Giila sa mga awtoridad ang nakalas mao ang usa ka “Junjun” Maloloy-on, kinsa namatay diha-diha samtang naangol ang kaherang si Julie Pepito.

Napakyas hinuon ang mga tulisan nga makadala og kwarta gikan sa cashier’s booth human usa sa mga kahera nga si Alberto Barquera misukol ug midagan dala ang sudlanan sa kwarta hinungdan nga miikyas ang mga tulisan.

Sumala pa sa report nga dihang misulod sa cashier’s booth ang usa sa mga tulisan ug napusilan niini si Pepito sa tangkugo ug miungot ang bala sa ulo niini diha na makig-ilog sa armas si Barquera sa tulisan hangtud nga nabuhian kini sa naulahi ug nakahigayon si Barquera pagdagan dala ang bulsitang gisudlan sa halin.

Ang tulisan misuway og pusil kang Barquera apan nakadagan ug nakatago na kini hinungdan nga naratol ang tulisan ug midagan nga gisundan dayon ni Maloloy-on kinsa napusilan ug napatay sa backup. Usa ka babaye ang giilogan og motorsiklo sa mga tulisan nga maoy ilang gisakyan pag-ikyas.

Tulo ka mga lalaki ang nadakpan diha sa barangay Benolho, Albuera, Leyte nga utlanan sa maong siyudad ug Albuera atol sa hot pursuit operations nga gipangulohan ni city police director Nilo Donayre. - (BANAT NEWS)

[marqi_20]

Kawani sa M Lhuillier gitulis

CEBU, Philippines - Milampos ang upat ka tawong nagpailang sakop sa PDEA sa pagtulis sa duha ka kawani sa M Lhuillier sa dalan ML Quezon Highway corner Airport Road sa Barangay Pusok dakbayan sa Lapulapu kagahapon sa buntag.

Ang mga biktima mao sila si Roberto Achurra, 42, minyo, nga taga Climaco St., dakbayan sa Toledo, usa ka Regional Manager sa M Lhuillier branch sa Davao City, John Arnel Desierto, 46, minyo, nga taga barangay Sta. Lucia, lungsod sa Asturias, ug maoy Area Manager sa M Lhuillier sa Davao.

Matud pa ni Lapulapu City Police Office Director P/SSupt. Anthony Obenza nga kadudahan ang mga panghitabo nga naglimin sa maong hitabo.

Base sa imbestigasyon sa Theft and Robbery Section (TRS) sa kapolisan sa Lapulapu sa Mactan Cebu International Airport (MCIA) sila si Achurra ug Desierto gikan sa Davao mga alas 10:45 kagahapon sa buntag ug sa pagluwan niini sa usa ka yellow taxi nga gimaneho ni Eduardso Bacalso Pabonita, hingkod nga taga sitio Carajay, barangay Gun-ob dakbayan sa Lapulapu may kargamento kining duha ka bag nga puno sa mga alahas nga gibutang sa baggage compartment sa maong taxi.

Unya pag-abot nila sa may traffic light sa ML Quezon highway ug Airport road duol sa Marina Mall, gipara sila og upat ka tawo nga nagbonet ug nagpaila nga mga sakop sa PDEA. Mideklarar kining ang tuyo nila mao si Pabonita sa pasangil nga nagdala kini og illegal drugas dayon gikuha niini ang duha ka bag nga kargamento sa duha ka pasahero dayong sirit pahilayo ug gibiyaan ang mga biktima sulod sa taxi.

Apan si SSupt. Obenza nagduda nganong halos magkadungan ang biktima ug ang duha niini ka abogado sa pag-abot sa ilang buhatan human sa maong tulis.

Susama sa nahitabo niadtong Abril ning tuiga, ang mga biktima wala gihapon mohatag sa tukmang kantidad sa mga alahas nga nadala sa mga tulisan.

Nasagmuyo usab si Obenza kay aduna silay kasabutan uban sa M Lhuillier management human tulisa ang mga kawani niini niadtong Abril nga kun aduna kini mga alahas nga dagko og kantidad nga dad-on nganhi sa Sugbo kinahanglang mopahibawo kini sa kapolisan aron kahatagan na sila og proteksyon gikan sa tugpahanan sa Mactan hangtod sa padulngan niini sa dakbayan sa Sugbo.

Gumikan niini mibahad si Obenza nga palawman pa nila ang ilang imbistigasyon ning maong kaso kay tulo na kahigayon nga ang M Lhuillier gitulis sa dakbayan sa Lapulapu nga susama ang patern niini diin ang tanang biktima gikan sa tugpahanan sa MCIA ug atangan kini sa ML Quezon highway ug sulod lang sa pipila ka segundo mahuman dayon ang tulis.

Susihon usab sa kapolisan kun dili ba matawag nga inside job ang maong hitabo.

Sa milabay’ng Abril 5 ning tuiga nasuta nga mga sakop sa Ozamis boys ang responsabli sa tulis nga nahitabo gihapon sa mga kawani sa maong prendahanan apan namingaw ang maong hitabo.

Samtang mitunga dayon kagahapon sa buhatan ni Obenza sila si PDEA 7 Intelligence Officer 3 Mark Maramba ug PDEA K9 Chief Carlito Ermac ug mipadayag nga ang unipormeng itom nga blazer nga gigamit sa mga suspetsadong nagpailang PDEA wala na nila kini gamita sa ilang operasyon karon kay aduna na sila’y bag-ong uniporme.

Gipadayag usab ni PO3 Maramba nga dili nila kinaiya ang pagronda sa usa ka drug suspect sa kadalanan ug sa ilang mga operasyon magsul-ob gayud sila og ID sa PDEA. (WC)(BANAT NEWS)

[marqi_20]

2 gipamusil patay sa pista sa Dumanjug

CEBU, Philippines - Duha ang patay usa niini negosyante sa pagpamusil didto sa barangay Poblacion sa lungsod sa Dumanjug kagahapon sa kaadlawon sa managlahing oras.

Ang mga biktima mao sila si Habagat Rosales, 26 anyos, ulitawo nga taga barangay Looc, Dumanjug ug Sandy Bandolon, hingkod, minyo, usa ka negosyante, nga taga barangay So-ong siyudad sa Lapulapu.

Si PO2 Belocura sa Dumanjug Police Station mibutyag sa Banat News nga si Rosales nagtan-aw og disco daplin sa karsada sa mga alas 12:00 pasado sa kagabhion.

Apan kalit lang kining gipusil sa tulo ka wala hiilhing mga batan-on kinsa misibat dayon human mahagba sa yuta ang biktima.

Bingkil sa diskohan ang gisubay nga motibo sa maong pagpamusil tungod kay gika-report nga aduna kini gikabingkil sa diskohan nianang sayo pang gabii.

Samtang pagka-alas 5:00 sa kabuntagon si Bandolon giingong gidul-itan kini og pusil sa wala hiihing kriminal sulod sa tolda sa mga baligya niining tsinelas sa daplin sa karsada.

Subay sa inisyal nga imbistigasyon ang biktima may gikalalis nga usa sa iyang mga kustomer nianang sayo pang gabii.

Padayong gisusi sa kapolisan ang maong mga hitabo ug gipangita pa karon ang mga kriminal. (BANAT NEWS)

[marqi_20]

Konsehal sa San Roque gipusil angol

CEBU, Philippines - Naluwas sa tino nga kamatayon ang usa ka konsehal sa barangay San Roque siyudad sa Sugbo human kini banhigi sa duha ka wala hiilhing lalaki nga nagsakay og motorsiklo didto sa New Imus Road corner P. del Rosario Extention sa barangay Lorega San Miguel sa miaging gabii.

Si Emmanuel Bobby Morados, 63, nga taga San Roque igo lang naigo sa wala niyang bukton sa duha ka bala nga miigo sa bildo sa driver’s side sa gimaneho niyang Pajero.

Si Emma nga asawa ni Morados kinsa naglingkod tupad niya wala maigo sa bala.

Matud sa mga tanod nga gikan si Morados sa iyang tindahan sa dalan Logarta ug paingon nang mopauli sa barangay Lahug diin may balay usab kini didto.

Samtang nagsubay sila sa nahisgutang lugar kalit lang miabot ang duha ka lalaking nagsakay og motorsiklo kolor itom nga pulos nagsul-ob og sirado kaayong helmet ug ang angkas niini maoy mipusil makaduha ka higayon tumong sa driver’s side.

.Si Mayor Michael Rama nga gikan mitambong og kalihokan sa Cebu City Medical Center (CCMC) natayming nga nahiagi sa maong lugar ug nakahibawo sa maong hitabo busa dali kining mitawag og Mobile Patrol aron marespondihan ang maong hitabo.

Ang mga back-up sa mayor mao nay mihatud ni Morados ngadto sa pribadong tambalanan.

Si PO2 Cristobal Geronimo sa Homicide Section sa Cebu City Police Office (CCPO) nagkanayon nga tapsing lang ang igo ni Morados sa iyang bukton. (BANAT NEWS)

[marqi_20]

M Lhuillier gitulis na sab

DUHA na ka mga higayon nga gitulis ang M. Lhuillier pawnshop ning tuiga human sa laing hitabo kagahapon sa buntag diin giatangan sa armadong mga tawo sa Barangay Pusok, dakbayan sa Lapu-Lapu, ang taxi nga giluwanan sa duha ka mga manager nga nagdala sa mga alahas gikan sa Mindanao.

Ang mga tulisan nga armado og handgun ug tag-as nga kalibre sa armas gihulagway nga nagsul-ob og itom nga vest nga adunay marka nga Philippine Drug Enforcement Agency (PDEA).Samtang ang hepe sa Lapu-Lapu City Police Office (LLCPO) PSSupt. Anthony Obenza napungot sa management sa pawnshop kay wa motuman sa una nilang gikasabutan nga mopahibawo sa higayon nga adunay ibeyahe nga valuables sa tugpahanan sa Mactan.

Asoy sa drayber sa yellow taxi nga si Eduardo Pabonita nga way usa ka minuto malampusong nakuha sa lima ka armadong mga tulisan ang duha ka mga bag sa iyang duha ka mga pasahero.

Base sa nakuha nga impormasyon sa Crime Against Property Desk (CAPD) sa LLCPO PInsp. William Homoc nga sa alas 10:30 kahagapon sa buntag, tungod sa traffic light sa eskena Airport Road ug M.L. Quezon Avenue, Barangay Pusok, gituparan sa usa ka puti nga Mitsubishi Corolla ang airport taxi diin luwan ang duha ka mga personnel sa M. Lhuillier pawnshop, Davao City branch.

Ang mga biktima giila ni Obenza nga sila si Roberto Achurra, 42, lumad nga taga-dakbayan sa Toledo, Sugbo ug John Arnel Desierto Sr., 46, minyo, taga-Santa Lucia, lungsod sa Asturias, Sugbo, pulos kasamtangan nga nanimuyo sa Tigatto, Davao City.

Si Achurra nagsilbi nga regional manager samtang si Desierto maoy area manager sa M. Lhuillier Pawnshop and Jewelries, Davao City branch.

Naghunong ang yellow taxi gumikan sa stop signal ug naatol usab ang kusog nga bunok sa uwan sa dihang upat ka mga armadong lalake ninggawas sa puti nga awto nga nagpaila nga mga sakop sa PDEA.

Matod pa ni Pabonita nga nagtion kanila ang mga nagpailang PDEA agents kay adunay shabu nga gidala sa duha ka mga pasahero nga mao pay pag-abot gikan sa Mactan-Cebu International Airport (MCIA) nga magpahatod unta sa main office sa M. Lhuillier sa North Reclamation Area sa Cebu City.

Atol niining pagsuwat wa pa matino ang kinatibuk-ang kantidad sa mga alahas nga nahagdaw sa mga tulisan nga gikatakda nga ipaubos sa regular nga imbentaryo sa ilang main office.

“Gipaablihan ang baggage compartment (taxi) ug gikuha dayon ang (duha) bag. Ila kong gipagawas unya gikuha ang ubang gamit nila (pasahero),” dason ni Pabonita sa dihang nahinabi sa mga tigbalita dungan sa pagpakita sa iyang nahumod nga karsones ug sapatos gumikan sa kusog nga uwan.

“Unsa ni? Unsa ni?,” mao ray nadunggan sa taxi drayber sa iyang mga pasahero nga gikuhaan na sa ilang personal belongings sa nagpa-ila nga narcotics personnel.

Nagkanayon si Obenza, base sa pangangkon nila ni Achurra ug Desierto, nga nadala sa mga tulisan ang duha ka mga backpack nga gisudlan sa mga alahas, duha ka mga Blackberry cellular phones nga giisyu sa M. Lhuillier ngadto sa duha ka managers, usa ka laptop ug Rado nga relo de pulso nga gipanag-iya ni Achurra ug laing personal nga butang ni Desierto.

Si Pabonita na maoy nakahukom nga molahos gilayon sa LCPO aron sa pagtaho sa ilang gidangatan ngadto sa kapulisan.

Apan gikahibulong ni Obenza sa dihang wa dangti og 10 ka minutos gikan sa pag-abot sa mga biktima, duha ka mga legal counsel sa M. Lhullier nitunga sa iyang buhatan.

“Gi-unsa man pag-contact dayon ngadto sa ilang abogado nga gidala man kaha ang ilang cellphone sa tulisan?,” pangutana sa opisyal.

Gikomprontase gilayon ni Obenza ang abogado nga naila lang nga si Atopan nga wa mopahibawo sa mga pulis nga adunay i-transport nga mga alahas base sa ila nang nasabutan human niadtong tulis sa Abril niining tuiga.

“Wa man sila (abogado) maningog,” sigun pa ni Obenza.

Gikahibulong usab niya nga nahibawo ang giingong tulisan nga diha sa baggage compartment sa taxi gibutang ang duha ka mga bag kay nimando gilayon sa taxi drayber nga ipaabli ang compartment.

Panghinaot ni Obenza nga mohatag sa inventory list ang M. Lhuillier aron magamit sa kapulisan sa pagpasaka sa maong kaso.

Niadtong miaging Abril way listahan sa nadala nga mga alahas ang giduso sa management ngadto sa iyang buhatan hinungdan nga wa mo-prosper ang kaso.

Si Mayor Paz Radaza nitambag niadtong kompaniya nga nagdala og dakong kantidad nga item nga mopatuman sa ilang kaugalingong security measure ug dili magsalig sa kapulisan.

Samtang si Cebu Provincial Police Office director Sr. Supt. Patrocinio Comendador namahayag nga kanunay hugot ang pagbantay nila sa mga financial institution ubos sa ilang jurisdiction.

Nagpadayon ang iyang pagpahinumdum sa iyang mga chief of police sa kalungsuran ug component cities nga di gyud mokumpiyansya ug mopalig-on sa iilang seguridad.

Gipatik sa mantalaang SuperBalita Cebu Oktubre 06, 2011.

[marqi_20]

Opisyal nagdudang frat mi-ambush

NAGDUDA ang barangay konsehal sa San Roque nga may kalambigitan sa kasong pagpatay sa iyang anak ang pag-ambush kaniya niadtong Martes sa gabii.

Si San Roque, Cebu City barangay konsehal Bobby Morados nasamdan sa bukton sa pagpusil sa duha ka mga tawo nga nagmotorsiklo sa may dalan Imus, dakbayan sa Sugbo.Sakay si Morados sa iyang Pajero uban sa iyang asawa nga si Elma dihang gikalitan pagpusil sa duha ka mga tawo.

Ikaduha na kining pagsuway og patay kaniya.

Ang unang pag-ambush nahitabo niadtong Agusto ning tuiga, apan wa maigo ang konsehal dihang gipusil atubangan sa iyang tindahan.

Apan usa ka babaye nga nipalit sa iyang tindahan naigo ug naangol.

Si Morados nga nahinabi sa sibyaanang dyLA namahayag nga wa siyay laing nahuna-hunaan nga magtinguha sa pagpatay kaniya kon di kadtong nalambigit nga grupo sa pagpatay sa iyang anak nga si Laurance Morados niadtong 2007.

Iyang gitumbok ang fraternity sa nabilanggong si Aristotle Avis nga maoy nagtinguha sa pagpatay kaniya.

Matod ni PO2 Erwin Pequero sa Homicide Section nga nagdagan subay sa dalan Imus ang biktima sakay sa iyang Pajero uban sa iyang asawa nga si Elma.

Nagsunod kanila ang service vehicle sa Barangay San Roque sakay ang lima ka mga barangay tanod.

Apan samtang nagdagan, kalit lang nga nitupad sa kilid ni Morados ang motorsiklo, diin ang backrider mibunot og armas ug dayong pusil sa biktima makatulo ka higayon.

Gipatik sa mantalaang SuperBalita Cebu Oktubre 06, 2011.

[marqi_20]

Papa sa bata mihilak; Abecia kuyaw sa jail

NITULO ang mga luha ug nagbakho ang amahan sa 7-anyos nga batang lalake dihang nakahibawo siya nga gipatay ug gilubong sa live-in partner sa iyang kanhi kapuyo ang kinamanghuran niyang anak.

Samtang mga opisyal sa Mandaue City Jail naneguro nga di magkatipon sila si Manuel Punzalan, amahan ni Gabriel Morales, ug si Mario Abecia, sa bilanggoan.Si Punzalan nibutyag nga sakit alang kaniya ang nahitabo sa iyang kinamanghuran nga anak.

Ang mas sakit niini wa siyay nahimo pagpanalipod sa iyang anak tungod kay anaa man siya sud sa Mandaue City Jail.

Iyang gitug-an nga daan na siyang nipasidaan sa iyang asawa nga kon mangita mag laing lalake, siguruon nga kadtong mga lalake nga mopangga usab sa ilang mga anak aron di dagmalan ang tulo ka mga bata.

Gusto niya nga pabayron sa iyang krimen nga nahimo si Abecia nga miangkung maoy nipatay sa bata.

Matod sa amahan nga katapusang nakabisita kaniya ang iyang anak upat ka bulan na ang nilabay.

Suod niya ang bata tungod lagi maoy kinamanghuran.

Si Punzalan napriso sa miaging tuig tungod sa pagpayuhot og ginadiling drugas.

Nanawagan usab siya sa iyang mga kauban sa trabaho ug mga higala nga duawon siya ug tabangan sa iyang kaso aron iya nang maatiman ang iyang pamilya.

Samtang di syento porsiyento nga masiguro sa mga sakop sa Bureau of Jail Management and Penology (BJMP) sa Mandaue City ang kaluwasan ni Abecia sulod sa bilanggoan.

Giangkon ni Chief Insp. Jessie Calumpang, warden sa Mandaue City Jail, nga mamiligro gyud si Abecia kon mabalhin na sa ilang pasilidad ilabi na kay bata ang gipatay niini.

Hinuon daling giklaro sa opisyal nga aron malikayan nga magtagbo sila si Abecia ug Punzalan, ilang ibutang sa lain nga building ang suspek sanglit si Punzalan toa man gibutang sa annex building sa nahisgutang bilangguan.

Gipatik sa mantalaang SuperBalita Cebu Oktubre 06, 2011.

[marqi_20]

Upat napatay atol sa fiesta

UPAT ang patay -- duha nabiktima sa pagpmusil -- usa gidunggab, samtang lain ang nabiktima sa hit-and-run atol sa piyesta nga gipahigayon sa mi-aging gabii sa lungsud sa Dumanjug, Cebu.

Si Cristo Ornadañeza, hingkod ang panuigon taga Barangay Minolos, Barili gidungab-patay mga ala 6:15 sa kagabhion niadtong Martes sa kahulugan sa piyesta didto sa peryahan sa Barangay Poblacion.Si PO2 Rafael Baritua, desk officer sa Dumanjug Police, nga nahinabi sa Sun.Star Superbalita, nagkanayon nga nakainom ang biktima ug duna kini gikalalis dapit sa peryahan nga iyang gikasumbagay.

Matod pa nga ang wala mailhing suspetsado nga medyo gamay nga pagkatawo, nalupig kini ug sa wa damha kalit nga nibunot sa mahait nga hinagiban ug gidunggab ang biktima diha sa iyang dughan.

Gideklalar nga dead-on-arrival si Ornadañeza.

Pagka-alas 6:50 sa maong adlaw, usa ka Eleuterio Rojo, 63, minyo ug usa ka trisikad driver nga taga Li-ong, Dumanjog ang dead-on-arrival usab nga nahiabot sa tambalanan human kini nabiktima sa hit-and-run sa puti nga awto nga Sedan.

Giingon nga way plate number ang sakyanan nga nakaigo sa biktima samtang padulong na kini nga mopauli gikan namasahero sa pista.

Kagahapon usab sa alas 12:40 sa kadlawon, usa ka estambay ang gipusil-patay sa wala mailhing suspetsado gawas sa diskohan sa mao gihapon nga lungsod human kini makakitag away.

Si Baritua, miingon nga usa ka Habagat Rosales, 26, ulitawo taga Barangay Looc, Dumanjug, ang namatay diha-diha dayon human nakaangkon og samad pinusilan sa iyang walang ilok gikan sa bala sa kalibre .45.

Matod pa niini nga tungod kay naka-inom ang biktima uban sa iyang mga barkada dunay gikaaway didto sa sulod sa diskohan. Dihang nigawas kini mga 15-20 metros ang gilay-on atbang sa diskuhan kalit lang kini nga gipusil.

Upat ka mga kabhang sa bala sa kalibre .45 ang na-recover sa crime scene ug usa ka slug.

Pagka-alas 5:20 kagahapon sa kadlawon usa ka ambulant vendors nga natulog ang gipusil patay diha sa peryahan sa Barangay Poblacion sa maong lungsod.

Si Sandy Bandolon, minyo ug taga Soong dakbayan sa Lapu-Lapu samdan sa iyang ulo human gipusil sa wala mailhing suspetsado.

Si Sr. Supt. Patrocinio Comendador, direktor sa kapulisan sa lalawigan sa Sugbu, nagkanayon nga dunay mga security plan nga gipatuman ang mga chief of police nila sa probinsya.

Gawas niini duna silay gipangbutang nga mga sakop sa Regional Public Safety Battalion (RPSB)sa maong lugar ingon man sa ubang lugar sa probinsya nga mag-fiesta.

Apan tungod sa kadaghan sa tawo dili malikayan nga dunay krimen nga mahitabo, susama sa gihisgutan sa unahan.

Gipatik sa mantalaang SuperBalita Cebu Oktubre 06, 2011.

[marqi_20]

Pulis nga nani-on ipa psycho test : hepe

IPAUBOS sa neuro-psychiatric evaluation si PO3 Romeo Bolaño, ang sakop sa Consolacion Police Station, kinsa nani-on og armas, nanghulga og official sa dihang nagmaoy kini sa niaging Sabado sa dakbayan sa Naga.

Kini maoy gipahibalo ni Sr. Supt. Patrocinio Comendador, director sa kapulisan sa lalawigan sa Sugbu, nunot sa iyang pag-rilibo kang Bolaño gikan sa nadestinohan niini sa Consolacion.Ibalhin si Bolaño sa headquarters sa Cebu Provincial Police Office (CCPO) ubos sa Provincial Public Safety Battalion Company.

Gipasabot niini nga iyang ipa-ubos si PO3 Bolaño sa neuro-psychiatric test aron masuta kon unsa gyuy problema niini sa iyang kaugalingon nga maoy nakaingon sa iyang pagkabadlungon.

Matod pa nga adunay behavioral problem ang maong pulis ug angayan lang tinuon kon physically o mentally fit pa ba siya pagka pulis.

Gibutyag ni Comendador nga usa sa mga basihan nga matangtang ang usa ka pulis sa serbisyo kon kini dili na physically and mentally fit.

Gawas sa kasong grave misconduct posibling dismissal of service sab ang atubangon isilot.

Nagpaabot siya sa imbestigasyon nga gihimo ni Supt. Henry Biñas, hepe sa Provincial Investigation and Detective Management Branch (PIDMB), alang na sa pagdusog rekomendasyon ngadto sa Police Regional Office (PRO-7) labot sa kasong atubangon niini.

Ilang gitinguha nga kon dili mahuman karong semanaha karong sunod semana makaduso na silag report sa PRO-7.

Human unya makapiyansa ang maong police ingon man maka-recover sa iyang mga injury nga naangkon sugdan gilayon nila ang neuro-psychiatric evaluation.

Ibutang sa kampo ang maong pulis sa ingon dali ra nilang ma-monitor ang mga lihok niini.

Kahinumduman nga niadtong Sabado, sa gabii gihulga ni Bolaño, si Chief Insp. Timmar Alam, ang hepe sa Naga Police, ingon man giti-onan pa gyud og armas lakip ang mga sakop niini.

Gipatik sa mantalaang SuperBalita Cebu Oktubre 06, 2011.

[marqi_20]

---------------------------------------------------OCTOBER 07,2011-----------------------------------

City may still use Inayawan Landfill

CEBU, Philippines - The total closure of the Inayawan Landfill might have to be set aside for now after the Cebu City government realized it is not yet ready to lose a dumpsite.

City officials admit they cannot proceed to dump the city’s garbage in a private landfill in Consolacion because of problems that need to be ironed out.

Mayor Michael Rama, however, assured that the city will still comply with Republic Act 9003 or the Solid Waste Management Law.

Since the delay cannot be avoided, Rama said the environment department should be more considerate in compelling them to close the landfill.

Councilor Nida Cabrera, chairman of the council committee on environment, said the Consolacion landfill is not ready to accommodate tons of garbage and the number of trucks going there to dump.

Cabrera said even inside the landfill premises, the roads are steep and soft which make it hard for city’s trucks to pass.

There’s also the problem on lighting and wideness along the road from Barangay Pit-os, Cebu City to the landfill site in Barangay Pulog in Consolacion.

Cabrera said the city government is also not ready to dump garbage in Consolacion because there are not enough trucks that can survive the tough roads going to area.

“Sa landfill area, steep ra kaayo ang dalan, unya ang yuta humok ra kaayo, naa’y tendency nga malubong atong mga trucks. Daghan pa kaayo ta’g i-consider, apil ang pagkondis-yon sa atong mga sakyanan labi na sa barangays,” Cabrera said.

She said their main concerns are barangay trucks that are mostly reconditioned.

“Nabantayan namo nga nanimaho ang lining tungod kay steep kaayo ang dalan. Dapat mapreparar usa nila ang dalan because we have to ensure the safety of our trucks,” she said.

Cabrera said it take them about an hour to dump alone, excluding the hours spent to travel from the city to Consolacion.

“Pending lang sa ang paglabay nato didto. Wala pa sad na-finalize ang contract,” Cabrera said.

During yesterday’s dry run, trucks from some city barangays going to the Consolacion landfill were held for a while because they failed to present a Waste Manifest.

Cabrera said it was only a misunderstanding because they were not aware that the manifest is needed since it was only a dry run.

The city government will be paying for the tons of garbage dumped in Consolacion at P700 per ton. Last Wednesday, the city diverted 27 tons of garbage to the landfill there.

Cabrera said the Inayawan Landfill will stay open until they can find a place to divert the city’s garbage.

The city is still considering the offer to use the Material Recovery Facility in Naga City but it will be ready in six months yet.

Cabrera said Naga City is preparing to accommodate the volume of garbage of Cebu City. If the plan to commission Naga City pushes through, the city might divert the garbage of the south district barangays there while north district barangays will dump their garbage in Consolacion.

Cabrera said it is possible for Cebu City government to negotiate with Mandaue City government to allow them to use the main road going to Consolacion because it is more convenient.

Rama said he will replace all reconditioned garbage trucks with brand new ones gradually. The city will soon have seven brand new trucks. — /LPM (FREEMAN)