Kini ang akong suliran

[joop]

Hi/Low kanimo mam Meling!

Ako nahimoot nga gibatig kabalaka sa imong bana sa iyang kasinati-an nga maingun tang kakaiba tungud lage sa iya pagka daman-damanun. Ug dili siya mag-usab murag dugay ra isa ka tuig niya makatilaw gayud siya ug pinuti sa inyo silingan. Nalooy ko ug nakapangutana sa ako kaugalingon nganu duna may ingun ani, pero sigurado ako dili ni siya sakit hinuon usa kini ka programa sa pangutok nga diin mo sugmat sa way gina piling oras sa iyang pagkatulog.

Labaw nga mosugmat kung siya perting kapuya o daghan ginalamutak sa adlaw hangtud na sa kagabhi-on in short sobra ra ka kugihan kining imong bana. Ang ako lang maitambag niya, ayaw siya palabi-i ug pasingot ug pa kayod labi pa anang sige'g nagabugno anang kaumahan nga inyong gina alemahan.
Ug labaw sa tanan likayi ninyo kanang gina-ingun nilang bugno sa lawasnung panagbingkil kay kana usa sa hinungdan mag sige na bagotbot na imong bana. Pero wala ako naga dumili o naga ingun nga undangan ninyo na mga butanga hinuon mas maayo ug inyo na buhaton kana gikan namu naka tulog, way sama kaanindot ug sa kabuntagon kini buhaton.

Kana lang una mam Meling akong maidalit karun, paabuta lang si papaTa kay siya maoy nakahibalo aning tanan. Usbon ko maayo adlaw kanimo!,lol

[tatajhun]

Mga tinahud nga magtatambag, atong saw-an kining sulat nga gikan ni Meling.

Mga tinahud nga tigpasiugda niining maong programa, maayong adlaw kaninyong tanan.

Ako si Meling nga taga barangay Taghapyod, lungsod sa Agipo. Kining akong suliran bahin kini sa akong bana nga damanon kaayo. Halos kada gabii, inig pangatulog namong tanan, mokalit lang siya og syagit "Ako si Kulafu ang Mangluluwas". Kun akong pukawon, magkimod-kimod lang iyang baba unya mobalik ra pud siya'g katulog.

Duna pa to'y higayon nga kusog gyud kaayo ang iyang yawyaw samtang natulog. Matud niya "Sige! Sige! Maligo ta! Maligo ta. Linaw kaayo ang dagat". Naulaw gyud ko kay bukid baya ning among gipuy-an, 50 kilometros ang pinakaduol nga dagat. Madungog ra ba gyud pag-ayo ang iyang yawyaw kay hilom man kaayo ang kagabhion.

Mao tong sa akong kaulit, nagkuha ko og usa ka pitsel nga tubig unya ako dayong gisablig sa akong bana aron makamata. Naunsa man kaha nga nibangon man nuon (bisan piyong ang mga mata) kay magkuha kuno siya og salbabida.

Ako lang gyud siyang gisundan, didto nipadulong sa abohan ang kwanggol. Dayon niyang ingon: "Oy, naay daghang uwang. Manikop ta." Iya dayong gikaraw-karaw ang mga baga. Da! Nakasyagit lagi siya'g tabang kay gipamaak kuno siya sa uwang.

Nakamata ang akong bana unya didto milingkod sa duol sa abohan, nagsige'g huyop-huyop sa iyang mga tudlo nga nangapaso. Imbis akong kasuk-an kay naka-istorbo siya sa mga silingan, nalooy naman pud kong nagtan-aw sa iya.

Mga magtatambag, unsa may akong buhaton aron mawala na kining pagka-damanon sa akong bana? Nahadlok ko nga moabot ang panahon nga damanon siya unya dili nako mabantayan. Basin unya'g moadto sa among silingan, lahi unya iyang makarawan. Isogon ra ba'g hitsura tong bana sa akong kumare. Basin unya'g mahurot og kaputol ang mga tudlo sa akong bana.

Palihug tabangi og tambagi ninyo ako.

Inyong ubos nga magtatampo,
Meling

Maayong gabii ka natong tanan pasaylo-a intawn kini inyong higala tungod sa tumang ka busy panagsa ra gayud intawng maka kablit niining litrang pindotan aron lang makahatag sa inyong mga kahayag ug alibyo sa inyong mga nasinati ug kaho-ot sa inyong mga galamhan. Sa akong pagsuta sa suliran sa atong igso-on nga gi hinganlan ug Meling! Dili kani gamay nga problema usa kini ka dakong balakid sa pagkatawo sa iyang bana..Inday Meling kinahanglan gayud ug tumang pag amoma ang imong bana basin kini adunay nahipatik sa iyang pangisip sa pag damgo anang pagpangisda nga unta kamo naga puyo sa usa ka dakong bungtod daw layo kaayo sa kamato-oran ang usa ka dagat mahipunta sa usa ka bukid...ug sa akong pagtimbang-timbang daw lisod kana nga suliran ug daw kinahanglan gayud kini sa imong atensyon aron mudumala sa usa kapaghatag ug tambag kaniya sa kamato-oran nga kamo wala sa dagat..kay basin unya imo siyang mabiyaan basin unya manginhas sa ilang kumpari ug makuha unya ang kinhason de kabebe ni kumari ug mao na hino-on ang makahatag ug usa ka komplikadong panag bangi sa inyong kabobot-on Inday Meling! Ug basin maka hinayak si kompari basin unya hino-on maputol ang bat de sunlotan ni kompari ug maputol na gayod ang himaya nga unta inyong masaw-an matag gabii ug mao kanay makahatag sa dakong pagbasol sa inyong kaminyoon. Kung mahimo igaid si kompari sa inyong lawak Inday Meling ug kini magdumili nahala andami ug bugsay aron siya maka matngon kung asa nimo gamiton ang bugsay kung siya magdumili sa imong gusto, naka siguro ako nga mosugot na gayud siya sa imong gusto hehehe...dili nalang kaayo nako tas-on daw ang akong kanding ug baka nga alimahan daw nangita na sa kompay nga bagaso gikan sa San Miguel...Daghang Salamt ug hina-ot nakahatag ako sa alibyo nga walay tinonto sa imong gium-um nga suliran diha sa imong dughan Inday Meling.....paminawa kining sonata nga akong mugna "Tubig nga Ni-awas, Sip-on nga nigahi"

TTJ

[joop]

Ug ako sa hilabihan nahimoot sa ginalitok ni papaTa ang ''kinhason de kabebe ni kumare'' ug sa kantang ginadalit kaniya para kanatong tanang haskang bagtika!.....,lol

[KASAAC]

hahaha lingawa dire oi! sunggo but nindut...bookmarked!

[yanong_banikanhon]

Maayong pag-abot niining atong gamay'ng payag, higalang KASAAC. Dinhi lamang niining maong programa atong makaplagan ang nagkadaiyang suliran, mga yangongu ug labaw sa tanan, mga bulawanong tambag gikan sa mga bantogang magsusugyot ning maong kutay (thread).

Kun ikaw o imong silingan ba kaha aduna'y suliran, ipadangat kana ning atong programa aron kahatagan og katagbawan ni papaTa, titing joop, jsebastian ug uban pang mga kauban sa buhat.

Sa atong mga suking tigpaminaw, akong idalit kining awit nga nag-ulohan "Nagkatol nga lubot, nanimaho nga kamot".

[joop]

ug kanang pulong KUTAY higala bag-o sa akong panan-aw ug panabot,lol

ako nahimoot.....

[yanong_banikanhon]

Didto na nako nabasahi sa karaang libro sa bugtong apo sa akong lolo, bay.

[garner]

angay sab ta masayud aning mga lunsay binisaya dinhi.

[street_of_no_return]

lag.luma ninyog bisaya oe.. buwahahah!

[tatajhun]

naa napud akoy bag-ong nakaplagang pulong nga gihinganlan ug kutay...salamat kaayo igso-ong yanong banikanhon...ug katong nag duha-duha mopadangat sa ilang mga nagbagang suliran dinha sa inyong dughan ayaw kamo pagduha-duha ug sugyot ni-ana kay kitang tanan gikaluha-an nang daan sa mga matang makatandong sa atong mga balati-an daw espeho nga dili malikayan ug angayan gayud tumban aron kita makakaplag sa usa ka kahayag ug makahimo nato isip nga usa ka ligdong manulupyo sa atong dakbayan ug sa atong mga tagsa-tagsang pamilya.