Hinumdomi kini sa piliay (May 10 election)

[PR0CESS0R]

---

SA adlaw sa piniliay, hinumdomi ang mosunod:

- Ang hulagway sa mga bata nga naglaruylaroy ug nagpakilimos sa kadalanan, hinikawan sa kaugmaon.

- Ang mga pamilya nga nabungkag tungod sa panaglagyo kay ang asawa o bana nanimpad sa laing nasud resulta sa kakuwang sa kahigayonan dinhi sa yuta ta nga natawhan.


- Ang liboan sa atong mga kaigsuonan nga tungod sa kaubos na sa ilang pagtan-aw sa kaugalingon tukmod sa kalisod, mosugot na lang maghubo atubangan sa webcam bugti sa ipadala kanila sa ilang ka-chat nga langyaw.

- Ang kadugay sa pagproseso sa mga papeles sa mga buhatan sa gobyerno, ang way katapusan nimo nga pag-follow-up kay dili molihok ang makinilya kung way padangog.

- Bisan tuod dili mahimo sa gobyerno ang tanan — dako ang kadaot o kaayo nga mahimo sa gobyerno sa imong kinabuhi ug sa imong isigka Pilipino.

- Ang Maguindanao Massacre isip simbolo sa kahakog sa gahom.

- Ang mga sugilanon sa inhustisya – mga gidaugdaog nga mamumuo, mga way gikaon nga mag-uuma ug uban pa.

- Nga bakak nga gipatuo sa uban: nga di na modangat ang kausaban. Ang tinuod - way kausaban nga mahitabo hangtod nga dili mausab ang imong hunahuna. Kon nilambo ang atong mga silingang nasud, way rason nga dili ta makaaginod sa unahan.

- Nga dili kabubut-on sa Ginuo nga mokamang tas tumang kalisod — ug mamatay sa kagutom ang uban natong igsuon — tungod kay Siya mahigugmaon. Sa hataas na nga higayon ang mga pulitiko ang atong gitugtan nga mohulma sa ugma sa atong kinabuhi. Kita mismo ang makabugto sa gapos.

- Nga dili ang propaganda sa telebisyon ang mohaw-as ning atong nasud sa kalisod kon dili ang usa ka gobyerno nga moabli sa mga oportunidad, ug kini mahimong posibli ubos sa liderato nga ligdong ug dili korap.

- Nga wa magkuwang kining atong nasud sa mga lider nga gradwado sa Harvard, o maayo manulti, o may lapad sa kasinatian sa natad sa pulitika, o sa maayo moduma ug negusyo, o maayo moarte.

- Nga kon way kalainan ni Arroyo ang molingkod sa Malacanang sa 2010, kini nagpamatuod lang sa giingon ni Edmund Burke - “Ang hinungdan nganong ang dautan molampos mao ang maayong tawo nga way gihimo.“

- Nga ang P 300 o P500 dali ra kaayong mahurot.

Balaan ang katungod sa pagpili.

[v-heng]

nice sad ni nga opinion(sad but true)...nice one!

[godwhacker]

Wow! nice man ni LUDABIng binisaya.

[rambutan]

whew.. nagdugo ako utok pagbasa ug pagsabot.. pero maau..
mayta ingon ani ang pahinumdum sa mga tv oi.. aron ma enlighten jud ang mga taw sa sakto nga pilion.. dili lang magpadala sa kwarta ig eleksyon.

[aguanta]

nice one proc

that should be the message spoken in churches, in schools, in all neutral arenas ... aron ang botante mahinuktok sa dili pa dawaton ang suburno.

kanang P300 or even P500 nga itunol kuwang ra kaayo na i-pulta matag sulod sa south bus terminal for the next 3 years. kanang bisan P1,000 dili mahimong bugting nga motugot lang kita nga tulison sa P100 ka milyon dinha sa Balli land scam

[pinoyapache]

I hope next week duna nako shortlist sa akong botohan pinaagi aning gipangsaysay sa atong amigo nga TS

[layco]

Maayo ning imong gi post igsoon dah, daku ni kaayo ug tabang niadtong mga ka igso-unan ta nga mahoyang pagka-tawo.. nindot unta ni ug ipaabot ni sa Simbahan ,Telebisyo ug sa mga radyo station aron mapaambit ni ngadto sa katawhan ug aron sila malamdagan. maayo lagi pud ug malamdagan.. ehehheee diha sa eskwaters ayy! kasagaran sa nabantayan nako ug sa mga nadungan nako... kasagaran jud dili madala ug lamdag..Bwahahahaa kay ang maka lamdag daw nila ang SAPI! ehheeee magka mubo ug Karteyo!!! hahahayyyyy kanus-a pa kaha ning uban mahig mata mga igsoon.. Hoy! Gising!!

[danilo69]

nice one bro...

[amz_apz]

Maayu ni da ahehehe!!!

[LoBo]

Ludabi amni...