3 ka babaye gidungan 'pag-rape'

[yankee1264]

---

Nov 18,2008
Joy F. Tumulak
Sun.Star Superbalita

TULO ka mga batan-ong babaye gipahimudsan sa unom ka mga lalakeng ningtulis kanila samtang nakig-date sa laing mga lalake nga ilang ka mutual understanding kun MU, apan di uyab.

Ang mga lalake nga ilang kauban way nahimo, igo na lang sa pagtan-aw sa gipangbuhat sa mga tulisan kay pulos sila gipangtionan og armas ug kutsilyo.

Kini nahitabo pasado alas 11 sa milabayng gabii sa usa ka bakanting luna sa sityo Kabangkalan, Barangay Bulacao, siyudad sa Sugbo.

Ang mga ngalan sa mga biktima gipugngan ning mantalaan.

Usa sa mga biktima nga nagpanuigon pa og 16 anyos niangkon sa kapulisan nga nakuha siya sa usa sa mga tulisan, samtang ang duha igo lang niangkon nga sila girubo.

Nadala usab sa mga tulisan ang tulo ka mga cellphone sa mga lalake nga ilang kauban atol sa ilang pag-date.

Matod ni SPO1 Rene Baral sa Pardo police nga nag-estambay sa dapit ang mga biktima ug nag-inom.

Niduol kanila ang unom ka mga lalake nga pulos nagtaptap sa ilang mga nawong ug dayong tion kanila og armas de fuego ug kutsilyo.

Gipangbunlot ang tulo ka mga babaye ug gidala sa ngiob nga dapit duol sa ilang giestambayan ug gi-rape.

Human sa pagpahimulos ug pagkuha sa mga cell phone, daling nakasibat ang unom ka mga tulisan.

Usa sa mga lalake nga mga kauban sa mga biktima nakaeskapo ug daling nisumbong sa barangay hall.

Mga brgy. official daling nanawag sa kapulisan.

Pag-abot sa mga pulis sa dapit, wa na maabti pa ang mga suspek samtang ang mga biktima daling gidala sa tambalanan ug gipahiling.

Usa ka dalaga nga 16 anyos nga taga Barangay Inayawan niangkon nga nakuha siya sa usa sa mga tulisan.

Sa follow-up nga gihimo sa kapulisan sa dapit, adunay pipila ka mga tawo nga nakakita sa pundok sa mga batan-on nga nibiya sa lugar human sa hitabo nailhan sa ngalan nga “Percival”.

Si Percival gipangita na karon sa mga pulis aron mapangutana kon may kalambigitan ba siya sa maong hitabo.

[gnox]

lisod na gyud karon ang panahon, dili na jud safe. ang mga batan-on dapat magbantay jud ug dili magtambay sa gawas nga gabi-i na kaayo

[ryan_boy22]

intawn mga minor de edad ayaw mo og laag2x sa tunga2x sa gabie...... daghang buang sa dalan nag huwat ninyo...

[ßattousai]

di lagi mag date2x sa ngit2x kay lisud na kaau.. tsk3x

[vladmire]

mao gyud na mahitabo karong panahuna kay ang mga lahi na ang tinubu-an sa mga batan-on. daghan na magstandby sa gawas sa balay ug tingdugay na manguli.. lahi ra gyud ang panahon karon ug sa una. lisud man pud kay wala tay curfew. maau unta mabalik ang martial law

[acecrystal]

bata pa kaayo...ug ngano ga date2 alas 11? pump the brain! bawng mga manyakis daghan

[7DMM]

so much for date rape

[tapsikret]

mga undong ug inday paminaw intawn mo sa inyong mga ginikanan..

[dreammae]

kuyawa na sa mga tulisan krn oist....tulison pka unya lugoson pajud kng dli makontinto....tetetete kakuyaw...

[SQUiDnine]

lahi na jud ron! paet!