Mga balili gikiha

[Leartes]

---

nahala... na unsa nani...
GIPASAKAHAG kaso kagahapon ni Gob. Gwendolyn Garcia ang tag-iya sa Balili property human nagmagahi sa pag-uli sa sobra nga kantidad nga ilang nabayad sa luna niadtong 2008.

Si Garcia ug kagamhanan sa lalawigan sa Sugbo nag-awhag sa korte nga makuhag balik ang P37, 810,400 milyones nga sobra sa ilang gibayad ngadto nilang Amparo Balili ug Atty. Romeo Balili sa ilang luna nga gipalit og P98,926,800.

Gawas ning kantidad nga gipangayo, buot usab nilang bayran sa mga Balili ang interes sukad nga napalit ang luna niadtong Oktubre 7, 2008 uban sa gasto sa paghusay ning kaso.

Kining mosobra sa P37 milyones nga buot bawion mao ang gibayad sa 94,526 metro kwadrado nga luna nga nasuta sa gipahigayong relocation survey sa Kapitolyo nga anaa sa dagat ug may tanom nga bakhaw.

Ang matag metro kwadrado nagkantidad og P400 unya ang gidak-on sa luna nga anaa sa tubig moabot og 80,124 metro kwadrado samtang 14, 402 metro kwadrado ang may bakhaw.

Ang luna sa mga Balili ilang gi-offer nga ibaligya sa lalawigan sa Sugbo niadtong 2007 pinaagi kang Provincial Board Member Juan Bolo nga maoy chairman sa Committee on Municipal and Provincial Properties.

Human sa negusasyon nga gipahigayon ni Bolo ug way nireklamo sa titulo sa naasoyng yuta, si Garcia nipirmag kasabutan niadtong Abril 21, 2008 uban sa mga Balili aron paliton ang luna sa kantidad nga P400 matag metro kwadrado.

Ang gobernador gitugotan sa Hunta Probinsyal nga maoy mopirma sa kasabutan pinaagi sa resolosyon nga gipasar nila niadtong Enero 14, 2008 ug gi-aprobar niadtong
Abril 4, 2008.

Sa gipahigayon nga relocation survey sa Kapitolyo sa luna nga ilang napalit nasuta nila nga 94,526 metro kwadrado anaa kini sa tubig ug may tano nga bakhaw.

Ilang gitumbok nga wa kini gitug-an kanila sa mga Balili nga nakahimog dakong kadaut sa kagamhanan.

“Had plaintiffs (Garcia ug Kapitolyo) been told and informed about said submerged and mangrove areas, they would have bargained and paid only for those dry land areas and the total purchase price would have been reduced corresponding to the area of sad submerged and mangrove areas as it would be very expensive to develop such areas,” nagkanayon ang reklamo sa gobernador.

Si manlalaban Rory John Sepulveda, tigpamaba sa gobernador, niingon nga karon nga naa na ang kaso sa korte, di na sila moluwat og pamahayag labot niini aron di kini maapektuhan.

Matod niya nga gipahimangnoan sila ni Provincial Atty. Marino Martinquilla.

Sa samang higayon, iya sab nga gitataw nga wa nila gipakasala si Provincial Board Member John Bolo sa pagpalakip nila sa imbestigasyon niini.

Ilang tuyo aron nga mapasabot ni Bolo ang iyang habig kalabot sa kontrobersiya.“Mas maayo hinuon nga dunay imbestigasyon aron siya makatubag sa mga pasangil,” nagkanayon si Sepulveda.

Mga Balili gikiha | Sun.Star Network Online

[jrconde]

kiha nlng ilang ipa labas karn? sa ilang pasabot sala pa nuon sa balili sa ilang gibuhat pag palit sa yuta na ilalom sa dagat?