3 ka druglord naglihok sa Lapu

[yankee1264]

---

Tulo ka mga druglord ang naglihok karon diha sa dakbayan sa Lapulapu nga gipaluyohan usab sa mga opisyal hinungdan sa paggrabe sa paghitak sa ginadiling drugas sa maong lugar.

Gibutyag ni Atty. Clarence Paul Oaminal, legal consultant sa Philippine Drugs Enforcement Agency (PDEA-7) sa dihang gikahinabi sa Banat News nga ang maong mga druglord gipaluyohan og mga opisyal hinungdan nga lisod kaayong dakpon nga milambo kini karon sa pag-ayo.

Matud pa ni Oaminal nga ang dakbayan sa Lapulapu nag-una sa Metro Cebu kun hisgutan ang ilegal nga drugas gumikan kay way aksyon nga gihimo ang mga opisyal.

Gitataw niini nga ang drugas sa Lapulapu gikan sa Mindanao apan naglisod ang PDEA sa pagsumpo niini nga makasulod sa maong dakbayan gumikan kay sa matag operasyon nga ilang pagahimuon kanunay’ng mabantayan.

Ang mga druglord sa maong dakbayan makabaligya kini og usa ka kilo matag semana, ug gani ang taga ubang dapit anha mamalit hinungdan kini maoy nag-una sa listahan sa Metro Cebu, nakahatag og grabeng kadaot sa komunidad labi na sa kabatan-onan.

Nagduda siya nga adunay mga sakop sa kapolisan nga mohatag og impormasyon sa mga druglord hinungdan nga daling makasibat nga moresulta sa negatibong resulta sa operasyon.

Gipasabot niini nga natuki na kini sa regional level sa kapolisan ug ilang gitun-an na karon ang ubang mga measures aron walay mo leak sa matag operasyon.

Sa pagkakaron nagsalig sila sa impormasyon nga ihatag sa mga concerned citizen apan idlas kaayo kining tulo ka mga druglord ingon man ang mga sakop nga mabantayan usab ang ilang mga ahente.

Gisaway usab niini si Mayor Arthuro Radaza gumikan kay walay programa sa pagpakigbatok sa ilegal nga drugas nga mikatap sa kabarangayan sa Lapulapu.

Samtang ang konseho usab sa nahisgutang dakbayan nagtanga usab nga wala makapanday sa Anti Drug Abuse Council nga gilatid sa balaod sa matag Local Government Units.






Maayo unta kon nganlan ni mga opisyala.. lisod tungali ni dakpon.!

[yankee1264]

kinsa man kaha ni cla?

[Motownkid]

haaaay salamat naa na gyud intawoy isog nga taga PDEA nga nibulgar.. ampo lang ta nga dili na sya i-ambush.

[xirc]

kuyaw2x xa ma deadz. gahi ang kalaban

[MRchurchill]

Very true. Sa una if ganahan ka mupalit og shabu adto jud ka sa talisay or sa pasil. Pero karon para makabarato ka, adto nalang ka sa lapu lapu mupalit. It's a known fact that PDEA and the city of Lapu2x are at odds over the proliferation of drugs in the city. What I heard from a reliable source is kana kunong mga taga PDEA na mang raid dira badlongon sa mga pulis nya sila na hinoon ang dakpon. Naa jud ko nakaila na taga PDEA naka tulog intawn sa prisohan.

[yankee1264]

kinsa kaha ni cla no? dili sab ni c Pulis,c Mayor ug c Konsehal? na ambot lang basta opisyal man kuno..

[godsaint]

Lapu-Lapu is not a safe place especially during night time.Last friday nangaon lang mi dha sa merkado atbang sa presinto,kalit lang naay mga rugby boys nga nitapok namo.Ang uban nakong mga kauban gisukmak ug ang isa gidunggab.Swerte lang kay wla mapuruhan.Ako swerte sad kay wla ko hilabti.Basin al-an ko pulis.Imagine,atbang pa na sa presinto.Unsaon na lang kaha kung sa layo pa?Dili kana mahitabo kung dili sabog sa droga ang naghimo.Ang mga pulis tawn igo lang mangutana kung nasamad ba o wla human wala lang.

[MartinShortz]

Motto sa Lapu-Lapu "ARE YOU DRUGS?!?"

[7DMM]

Very true. Sa una if ganahan ka mupalit og shabu adto jud ka sa talisay or sa pasil. Pero karon para makabarato ka, adto nalang ka sa lapu lapu mupalit. It's a known fact that PDEA and the city of Lapu2x are at odds over the proliferation of drugs in the city. What I heard from a reliable source is kana kunong mga taga PDEA na mang raid dira badlongon sa mga pulis nya sila na hinoon ang dakpon. Naa jud ko nakaila na taga PDEA naka tulog intawn sa prisohan.

unsa man nahitabo bai pag ka preso?

[Verst Eltone]

Naa na man siguro ang tanan mga badlungon sa Lapulapu wui..

Maayo ni matagaan ug pagtagad sa kaulohan da,,tsktsk...