***..

Pagkakutasa ning adlawa naglagiting ang kainit,
gipahiran ko ang singot diyot na mauga'g pilit-pilit,
sa unahan napanglantawan lantayng kawayan,
inanayng gikawhat ang lawas maoy padulngan.

Mipadailos ang lawas sa kabugnaw sa maong lantay,
mihinanok ug gibayaw ang panumduman ug inanay,
sa mga kanhi panghitabo ning kinabuhing nag inusara,
sa damgo, gibalik ako sa nagbinugtong kong kayda.

Gihadla sa kagahapon pag-usab kining balatian, ...

Gisubay ko ang dalan paingon sa pantalan,
naglagiting ang kainit na uga na ang tutunlan,
malantaw ang islang karong gabie padulngan,
milukat ako ug ticket bisan pa dili gayud andam.

Giliraw ko ang mga mata nangita'g kapahulayan,
mintras naghulat sa pag abot sa barkong kasakyan,
lingkorang kahoy sa may baybayon nagpangamay,
mihigda'g mipiyong sa mga mata aron mopahulay.

Mipasalamat ug nangayog igong kusog sa kahitas-an,
malampus ...