NAGPAKITABANG sa kapulisan ang usa ka lalaki kinsa daghan og bun-og human giingong giayo pagbukbok sa duha ka mga commercial *** worker kay di na motindog iyang junior.
Ang insidente nahitabo alas 3:00 sa kaadlawon kagahapon, Dominggo, sud sa usa ka lodge sa dalang San Pedro.
Usa ka alyas Pedring, 55, biyudo, nagpuyo sa Barangay Wilfred Aquino, Agdao District, ang gidala nga mobile patrol sa San Pedro Police Station uban sa duha ka commercial *** worker tungod nagubot sila paggawas sa lodge.
Sumala ni PO1 Perfecto U. Tuloy Jr., duty desk officer sa San Pedro Police Station, gisulti nga nasamok sud sa lodge tungod gitabangan og kulata sa duha ka prostituted women si Pedring kay giingong gikapoy na ang duha kay wa migahi iyang junior.
Dugang pa nga nanghawoy na ang kalawasan sa duha ka babaye tungod, gikan sa ilang pasugod sa bugno ibabaw sa kama sud sa duha ka oras, wa pa gyud mitindog si junior.
Giingon sa desk officer nga sa kalagot sa duha ka babaye, ilang gitabangan og bukbok ang ilang kustomer maong nakaangkon siya og daghang bun-og sa kalawasan.
Wa sab kini nagpahibalo nganong di na motindog ang iyang kinatawo nga maoy hinungdan nga nabukbokan siya.
Gipahimangnoan na lamang sila sa desk officer nga sa barangay sila maghusay sa maong hitabo.
Source: Sunstar Superbalita Davao / Reported bt Jeepy Compio
Sunstar Online