CHR unsa inyung ikasulti ani? Pulis 1 patay ug 3 ka pulis angol..

[supermarionism]

---

Sayanga sa usa ka pulis oy! Unsa nasad kaha ang statement ani sa CHR?
Dili na pusher ang namatay ani kundi ang pulis.
RIP....


USA ka pulis namatay samtang tulo niya ka mga kauban nangaangol, usa niini kritikal, dihang sila gipamusil sa usa ka notadong drug pusher sa ilang pagresponde sa usa ka pot session sulod sa usa ka balay sa Sitio Ubos, Barangay Poblacion 1, dakbayan sa Tagbilaran, Bohol kagahapon sa alas 9:30 sa buntag.
Ang mga pulis nga nangresponde mga bag-o pa sa katungdanan ug nagranggo og police officer 1 nga klarong kuwang pa sa kasinatian.
Namatay sa tambalanan si PO1 Michael June Ejoc, sakop sa Provincial Intelligence Branch (PIB) ug Provincial Anti-Illegal Drugs Special Operation Task Force (PAIDSOTF) sa Bohol Provincial Police Office (BPPO) human naigo sa ulo.
Nangaangol sila si PO1 Reynan Tagotongan, PO1 Carlito Gamelo, ug PO2 Judito Jasmin nga nangaigo sa ulo, liog ug kalawasan.
Si Tagotongan naa sa kritikal nga kondisyon sa pagsuwat ning taho tungod sa pagkaigo sa iyang wala nga mata sa bala.
Si Supt. Paul Labra II, hepe sa Regional Intelligence Division (RID 7) sa Police
Regional Office niingon nga sila si Ejoc ug mga kauban ningresponde sa taho nga dunay nagpadayong pot session sa lugar.
Wa maglangay ang mga biktima, dali nga niadto sa lugar, apan wa pa gani sila makasulod sa target nga balay diin didto sa sulod ang drug personality nga nailang si Benjun Tari, gipamusil na sila niini.
Unang naigo si Ejoc nga diha sa pultahan dayon gisunod sa pagpamusil ang iyang tulo ka
mga kauban.
Laing duha ka mga kauban nila ni Ejoc nga diha ra sa duol sa balay nga gama sa light materials gikapinusilay pa ni Tari sa wa pa siya makasibat nga nagtakiang.
Ang mga residente sa lugar ug ang laing duha ka mga pulis maoy ningtabang sa pagdala niini sa pribado ug pampublikong tambalanana sa Tagbilaran, apan wa magdugay namatay si Ejoc.
Nakuha sa kapulisan ang motorsiklong gisakyan ug drugas nga wa pa mahibaw-i pila ang balor.
Si Supt. Joey Yape, public information officer ug Police Community Relation (PCR) chief sa BPPO nga nahinabi sa Sun.Star Superbalita, nagkanayon nga luwas na sa makuyaw nga kahimtang sila si Jasmin ug Gamelo.
Si Jasmin samdan sa tingkoy samtang si Gamelo natapsingan sa ulo.
Si Tagotongan ipaubos sa operasyon human napisok sa bala ang walang mata.
Gibutyag ni Yape nga nasikop ang tag-iya sa balay nga si Belinda Tesorero, 34, dalaga.
Siya nidugang nga mga alas 12:48 sa udto kagahapong adlawa namatay si Ejoc.
Si Yape nitug-an nga pag-abot sa lugar, ningtuktok sa balay ni Tesorero si Ejoc.
Nigawas si Tesorero nga nakig-estroya sa tropa apan kalit nga namusil si Tari sa mga pulis hinungdan sa pagkaigo sa mga pulis.
Ang mga kauban sa upat nakabawos, apan ma*kadiyot lang ang pinusilay ug nakasibat si
Tari nga sakay sa usa ka traysikol.
Dunay nakasulti nga naigo kay nagtakiang, apan way dugo nga nakita, dugang ni Yape.
Gisubay pa nila sa pagkakaron ang background ni Tari nga way klarong address diha sa ilang lugar.
Inisyal nila nga nakuha dunay mga kasong murder ug uban pa.
Si Labra niingon nga sa mga anti drug operation gikinahanglan nga mag-alerto sanglit sagad sa ilang mga target mga armado.
Alang kaniya nga sa matag drug operation gikinahanglan nga dunay insaktong briefing samtang ang mga pulis kinahanglang kompleto sa mga gamit, sama sa mga bullet resistant vest.
Sa pagkakaron, di pa sila makaingon nga dunay lapso ang operasyon sanglit nagpadayon pa ang imbestigasyon ug hot pursuit operation.

1 patay, 3 ka pulis angol | Sun.Star

[crossramz]

same as usual ang CHR was made to protect the criminals. dafaq... RIP sa pulis..

[DEMENTIA]

Tawon sad oi kalooy sad sa among silingan..RIP ejoc..

[<SMILE>]

Okay ra na sa CHR basta armado lang ang criminal maka-sukol sa mga pulis.
Nakalimot tingale sila nga ang pulis ug ang criminals parehong human unya wala pud nila gi-consider nga delikado gyud mag-apprehend ug criminal.

[Hammer_and_Sickle]

well, kung de ka criminal di ka labanan sa CHR, pikat natong tanan hahahaha

[The_JACKAL]

CHR is PRO Criminals end of story

[buddy&sale]

Ahh ang ikasulti sa mga tga CHR ani...kay kuan..."kamo mga polis pag mat-ngun mo sa inyu mga trabaho ayw mo pag danghag...hehehehe"

[akoLoloNinja]

Pasikat ra man gyud anang ilaha. Igo ra ni nla gigamit ni nga agency aron mosikat dayog dagan ug public office.

[cliff_drew]

Mga bossing, unsa may papel sa CHR ani?

[lhorenzoo]

di gyud lalim ang matang sa trabaho sa kapulisan samot na rong panahona nga daghan nagumon og nisud sa negosyo sa druga . rest in peace sa mga police nga namatay in the performance of their duty .