Originally Posted by
Eriz
share lang ko sa akong experiences..
sa balay katong mga bata pa mi: karaan ni among balay na gipuy-an sa probinsya, dako ni siya na balay unya naa'y 2 dagko na star apple na punuan sa atubangan sa balay unya duha ka dagko na mangga sa likod. akong mama katong buntis pa siya ganahan siya na open lang ang bintana kay presko man ang hangin. taga gabii jud na siya naka abli lang unya naa'y usa ka gabii nakabantay siya bugnaw kaayo ang hangin unya naa'y murag nitapad sa iya unya nanimaho ug sigarilyo ang kwarto. feeling niya kay engkanto or kapre. unya naa pud usahay mag dagan-dagan sa among sala.
after pila ka years 5 years old na akong ika duha na manghod ni kalit lang jud na sige lang siya ug hilak tunga sa gabii unya taga gabii jud na siya sige hilak mao natingala akong mama ug papa ngano tunga jud sa gabii siya mo hilak. mao gi dala ni mama akong manghod sa mananambal para mabaw-an unsa sakit sa akong manghod. ang gi buhat sa mananambal nag kuha siya ug lana na naa sa botilya sa syrup nag ampo siya unya pagka human ni kalit ra ug bukal ang lana unya ni awas sa botilya na naka close. nahadlok jud ko ato unya ni ingon siya na gina bisita siya sa akong lolo na gipatay sa bukid.
unya ang sunod ani kay naa man mangga sa among likod. akong papa taga uli unya gikan sa work para mag lunch sa mangga jud na siya mangihi unya ginabadlong na siya akong lola na dili mangihi sa mangga pag udtong tutok kay naa mga engkanto ana. ug wala jud nagkamali akong lola gi daot siya sa engkanto ug pila ka weeks kay sige siya ug suka ug lain-lain na color usahay itom, usahay green ug usahay red na dili man dugo unya wala pud baho. mao nag patawag mi ug mananambal 2 sila ka babae na mga tiguwang naa sila gi buhat unya na halad sila sa mangga. unya naa pud sila gipa suot tna habak sa akong papa unya murag naa gipahid ang mananambal sa mata sa akong papa while nag piyong siya para makita ni papa ang mga engkanto. hadlok daw ug mga nawong unya mura sila ug mag tapok-tapok sa mangga taga udto kay agi-anan diay to ug engkanto. naayo akong papa after ato.
pila ka years milabay, naa mi manghud na babae, bata pa pud siya ato na time mahilig ug dula kauban ra pud ako mga manghud. usa ka hapon nimata siya kalit kay naa daw bata sa kwarto makig duwa niya unya pakuyogon daw siya. wala siya ni sugot. sugod ato sige na bisita ang bata unya akong manghod kay dili pa man kaayo maka storya taga hapon before mag 6pm kay mao man na oras mangaon mi panihapon mag sige na siya hilak unya mo dagan padung sa akong mama kay naa daw bata sa ilalom sa lamisa. mao to gidala ug dali-dali ni mama akong manghod sa mananambal. ana ang mananambal naa daw bata na engkanto na gusto makig dula sa akong manghod. katong nag 9 years old na siya sige ra na siya kakita ug mga kalag sa among balay ug manimbawot among balahibo kay mo ingon na siya ug kalit na naa'y tao sa may ref or sa may bintana.
ako, dili man kaayo ko maka feel ug wala pa ko kakita jud pero naa'y mga okasyon na magparamdam siguro akong lolo or great grandparents kanang mo kalit ra gani ug manimaho ang balay ug kandila tapos kanang matulog ko while naa music mo kalit ra hinay ang volume sa radyo unya kung pakusgan nako mo hinay na pud siya. katong nag college na ko kay nursing student lagi usahay late na kaayo sa gabii mo uli after mo duty sa hospital. usahay pag di makamatay akong mama para mo open sa gate kay mo katkat ko sa kural. pero naa jud na mag sige ug panitsit duol sa gate unya wala tao kay maka uli ko 1am naman. sige jud na ug panitsit mao mag dali-dali ko ug katkat kay hadlok kaayo jud. so far mao ra na akong na experience sa old house even katong ni uli ko last year naa lang gihapon ang baho sa kandila. ana akong mama pag dilli nimo bisitahon ang mga namatay kay magparamdam jud na sila.
kani lang sa akong i-share sa inyo. pasensya na if pangit ko mag bisaya. hahaha.