Agtang sa 'pusher' napaksit sa pusil

[cobraKing]

---

CEBU, [COLOR=blue ! important][COLOR=blue ! important]Philippines[/COLOR][/COLOR] - Napaksit ang agtang sa [COLOR=blue ! important][COLOR=blue ! important]usa[/COLOR][/COLOR] ka gidudahang drug pusher human kini gipusil sa usa sa tulo ka mga tawong misulong sa pinuy-anan niini diha sa sitio Ylaya sa barangay Potat lungsod sa Tuburan niadtong Domingo sa alas- 8 sa buntag.
Ang biktima mao si Wilfredo Cahomma, 30, molupyo sa nahisgutang lugar, samtang wala pa matumbok sa kapulisan ang mga gidudahang suspek nga gihulagway lang sa mga nakasaksi nga tulo ka mga lalaki.
Matud ni PO1 Sharon Joseph Esmero sa Tuburan Police dihang nahinabi sa Banat News ang biktima samtang nag-estambay gawas nga bahin sa ilang pinuy-anan kalit lang miabot ang tulo ka mga lalaki ug ang usa niini nga armado og wala matinong kalibre sa armas ang midiretso sa pagpamusil kaniya.
Maayong pagkaigo sa agtang sa biktima nga wala makabantay ug nahagba diha-diha, dali usab nga namiya pahilayo sa lugar ang mga gikatahapan.
Ang mga kabanay daling midala kang Cahomma sa Tuburan District Hospital gumikan sa kadaghan sa miawas nga dugo sa ulo niini apan gi-rekomendar sa mga doktor nga dad-on sa tambalanan dinhi sa dakbayan sa Sugbo.


Matud ni PO1 Esmero ang biktima una nang nadakpan sa kasong pagpayuhot og ginadiling drugas sama sa milabay’ng mga katuigan apan nakagawas human makabutang og pyansa.
Ang mga imbestigador sa kapulisan mibalik sa crime scene kagahapong adlawa aron pagpanghipos og dugang impormasyon nga magtumbok sa mga gikatahapan og motibo sa krimen.
Ang ginadiling drugas maoy sentro sa gisubay nga motibo karon sa nagpadayong imbestigasyon sa kapulisan ingon man ang personal nga kasungian niini. (BANATNEWS)

[cebulifer]

wa siguro nag remit sa kita! hahay!