View RSS Feed

***..

Sikit-sikiti!

Rate this Entry
by , 05-17-2015 at 11:07 PM (1304 Views)
Nagkulismaot kining dagway samtang nagdali ug lakaw,
sa unahan ang pasaheroan tumong ning akong panan-aw,
misiyagit ang conduktor lima na lamang aron kini molarga,
gipakusgan ko pa ang paglakaw aron makasakay na.

Ug sa dihang pagtikang ko sa hagdanan perti naman hoota,
sikitsikiti matud pa sa nimasyada masulod pa kuno ang lima!
naunsa na, murag na'g sardinas ang tumoy diyot magsinabakay,
masudlan pa! perti naman gani hoota kipi-kipia mga inday!

Gipaningot intawn ako, gisulayan ug lingkod bisan ug gamay,
kining dakong sampot ang katunga intawn daw nagbitay!
Pun-anan pa ug upat! Asa kaha ibutang kini silang kuwang,
may bangkito pa diay gisuksok sa tunga, hapit gani matikwang!

Miandar na ug inanay nga mipadagan ang pasaheroan,
nag-ampo nga madali ug abot, kay ang paa gibikogan!
gipun-an pa ang dimalas, naghoot pa jud ang dalan,
busa kining singot, gikan sa agtang naabot intawn sa bugan!

Wa'y bisan usa ang nanaog aron intawn ang kahoot maibanan,
Kining panghitabo di maayong usban apan dili gayud malikayan,
bisan hoot ug ang pasehero gipaningot basta kulang paslakan,
alaot intawn apan mura rag wala ang drayber sa pasaheroan!

Updated 05-17-2015 at 11:17 PM by vahnhelsing

Categories
Uncategorized

Comments

  1. xinevirtucio's Avatar
    adik-adik pa more!
  2. ireneolive's Avatar
    hahaha. nagkatawa ko dah abi kog ilimton sikwati akong una pagbasa.
    okay rana dong.. kung wa ka kasakay way blog mahimo run "sikit-sikit".. sikit pa more! hahaha.

Trackbacks

Total Trackbacks 0
Trackback URL:
about us
We are the first Cebu Online Media.

iSTORYA.NET is Cebu's Biggest, Southern Philippines' Most Active, and the Philippines' Strongest Online Community!
follow us
#top