View RSS Feed

***..

Katahom sa Sapa sa Kanlaob

Rate this Entry
by , 06-22-2014 at 11:40 PM (2495 Views)
latagaw akong huna-huna samtang gahangad sa kawanangan,
may dapit nga boot ning kalag maadtoan ug makit-an,
kaanyag nga talagsaon boot ko matilawan ug matagam taman,
ang imong mga hulagway nagpuno sa akong tumang kahinam.

Nahukman kong adtoon ikaw ug sination ang kaanyag,
ngitngit pa dihang milakaw ako ug mipakita na ang kahayag,
dihang naabot ako sa balangay'ng imong nahimutangan,
gibati ko ang kakulba ug matambalan na gayud ang kahinam.

Ang kahayag sa silangan inanay nang lapos sa mga kakahoyan,
ang kaanyag sa kangiob nga imong gitapigan ug gitagoan,
minglutaw ug nangilalak, pagkanindota sud-ongon ang katahom,
bahandi, kinaiyaha'ng boot matagamtam kanunayng gihandum.

Ang pahiyom ko'ng daw abot sa dalunggan, dili tiaw'ng kalipay,
karon taud-taud tagbawon kong kaugalingon ug inanay,
ang kabugnaw na nootsoot ning kalawasan gikan sa busay,
ang tibook sapa ug bukid sa kamadinohon nagdagayday.

Sa katuigang umaabot hinaot magpabilin ang imong katahom,
ampingan sa mga binuhat nga sa kanimo boot mosud-ong,
talagsaon na lamang ug mapasalamaton ako sa kahigayonan,
kining kasinatian may kadasig ug kalipay dili ko makalimtan.


re_con and raiden like this.
Categories
Uncategorized

Comments

  1. re_con's Avatar
    kanindot adtoon sa lugar, makasuya.
    Updated 06-24-2014 at 09:31 PM by re_con
  2. vahnhelsing's Avatar
    Quote Originally Posted by re_con
    kanindot adtoon sa lugar, makasuya.
    ayaw kasuya. pangita ug kahigayonan aron makataak ka ning maong lugar ug maaninaw mo ang iyahang katahom.
  3. denzpabz's Avatar
    ang maong lugar nindot hinawnawan.
  4. raiden's Avatar
    nindot himoag kanta nya kaning ang lyrics sa composition...
  5. vahnhelsing's Avatar
    Quote Originally Posted by raiden
    nindot himoag kanta nya kaning ang lyrics sa composition...
    kun anaay maantigo mohan-ay ug sonata, mahimong kining balak
    magamit..
  6. iambotingski's Avatar
    pwedi jud ni himoun og lyrics
  7. vahnhelsing's Avatar
    dalit ko usab kini sa mingtaliwan kong kauban sa bisyo sa laag, katkat sa bukid. ning sapaa gihalad niya ang iyahang kinabuhi.. Yaman!
  8. putingaitom's Avatar
    taga super balita ka bra? kaau gud nimu mubalak
  9. vahnhelsing's Avatar
    Quote Originally Posted by putingaitom
    taga super balita ka bra? kaau gud nimu mubalak
    dili apan mahiligon ako sa atong pinulongan..

Trackbacks

Total Trackbacks 0
Trackback URL:
about us
We are the first Cebu Online Media.

iSTORYA.NET is Cebu's Biggest, Southern Philippines' Most Active, and the Philippines' Strongest Online Community!
follow us
#top