https://www.istorya.net/forums/blog.php?77402-%2A%2A%2A en Wed, 20 May 2026 01:09:51 GMT vBulletin 300 https://www.istorya.net/forums/images/metro/blue/misc/rss.jpg https://www.istorya.net/forums/blog.php?77402-%2A%2A%2A https://www.istorya.net/forums/entry.php?2883-Where-to-begin Thu, 14 Sep 2017 23:59:37 GMT Where to begin


how i wish i could post a poem right now
but my body aches i just dont know how
my soul is shivering deep inside
i see nothing i lost my sight
i don't how to begin each line
i pose a bit from time to time
recalling the moments way back when
but here i am don't know where to begin.
And here am i once again,
i just don't know where to begin.


]]> vahnhelsing https://www.istorya.net/forums/entry.php?2883-Where-to-begin https://www.istorya.net/forums/entry.php?2489-Sikit-sikiti%21 Sun, 17 May 2015 15:07:54 GMT Nagkulismaot kining dagway samtang nagdali ug lakaw,
sa unahan ang pasaheroan tumong ning akong panan-aw,
misiyagit ang conduktor lima na lamang aron kini molarga,
gipakusgan ko pa ang paglakaw aron makasakay na.

Ug sa dihang pagtikang ko sa hagdanan perti naman hoota,
sikitsikiti matud pa sa nimasyada masulod pa kuno ang lima!
naunsa na, murag na'g sardinas ang tumoy diyot magsinabakay,
masudlan pa! perti naman gani hoota kipi-kipia mga inday!

Gipaningot intawn ako, gisulayan ug lingkod bisan ug gamay,
kining dakong sampot ang katunga intawn daw nagbitay!
Pun-anan pa ug upat! Asa kaha ibutang kini silang kuwang,
may bangkito pa diay gisuksok sa tunga, hapit gani matikwang!

Miandar na ug inanay nga mipadagan ang pasaheroan,
nag-ampo nga madali ug abot, kay ang paa gibikogan!
gipun-an pa ang dimalas, naghoot pa jud ang dalan,
busa kining singot, gikan sa agtang naabot intawn sa bugan!

Wa'y bisan usa ang nanaog aron intawn ang kahoot maibanan,
Kining panghitabo di maayong usban apan dili gayud malikayan,
bisan hoot ug ang pasehero gipaningot basta kulang paslakan,
alaot intawn apan mura rag wala ang drayber sa pasaheroan! ]]> vahnhelsing https://www.istorya.net/forums/entry.php?2489-Sikit-sikiti%21 https://www.istorya.net/forums/entry.php?2488-dalit-alang-sa-260-kilometros-nga-paniguha Sat, 16 May 2015 13:34:19 GMT Kilom-kilom pa sa dihang misugod ang paninguha sa pangandoy,
inanay apan daw nahilis ang kadasig ug hangtod nagdungoyngoy,
pagkainita samtang naglatas ning kabukiran sa pag antos,
ang singot niuga na, ning panit nakamatikod sa init nga hapdos.

Mihangad sa langit ug mihangyo ug landong gikan sa panganod,
milantaw sa unahan nangitag kapahulayan nagsakit na ang tuhod,
pun-an pa sa kagutom ug kauhaw nga ganiha ra gibati,
daw nahubsan na sa kadasig, kakapoy ang nagpasulabi.

Midalikyat ako pagpahulay aron maulian ang nawala nga kusog,
mipaambit ug gamayng pag ampo hangtod nakatulog,
pipila ka mga gutlo nahinanok ug gidamgo ang kalampusan,
ania ako ning tahas diin takos akong makab-ot ang kadaugan.

Mingbukwas ako human nahibalik ang kapiskay ning kalawasan,
hataas kining tahas nga gidawat, humanon bisan sa kalisadanan,
ang bidlisiw ni haring adlaw mipadayag sa kanindot sa umaabot,
kining kalampusan gamay nalang ang kulang, ako na makab-ot!

Gibadlas ko ang habagatan nga puno sa kadasig sa dughan,
pagkaanindot sa Iyang buhat, hilabi na ang mga kabaybayonan,
may mga higayon mihunong ako aron kini matagamtam,
hinaot sa umaabot magpabilin kini ug dili mapasipad-an.

Pakigbisog sa mga dalan naglatas sa kabaybayonan ug kabukiran,
sama ning kinabuhi may maanindot, may maot usab matagamtaman,
mahinungdanon lamang mopadayon bisan sa mga pagsulay,
sa kinatumyan matagamtam ang katam-is sa gipangandihay!

Mahimo lamposon kining pagsulay luyo ning hilom kong pag-ampo,
makab-ot kining pangandoy kuyog ang pahiyom ug pagbakho,
wala'y sama ang kalampusan sa matinud-anon nga paninguha,
ngadto sa kinatapusang hugna, ilayat ko kining tanang himaya!

]]> vahnhelsing https://www.istorya.net/forums/entry.php?2488-dalit-alang-sa-260-kilometros-nga-paniguha https://www.istorya.net/forums/entry.php?2467-Nahanaw-nga-Kalipay Fri, 27 Feb 2015 14:23:14 GMT Atua ra ang kahigayonang kaniadto gipahulat,
ni layag pahilayo, wala man lang koy gibuhat,
kasadya sa iyahang paglawig nga ni kaway-kaway,
bisan ning nahimutangang layo, dungog ko'ng kalipay.

Sa makadaghan, gisud-ong ko ang kanindot niini,
dalaygon, sa pagkamadanihon kini namungingi,
giagda'g pag-uban sa paglayag nga tingob sa pahiyom,
molawig na unta uban kanako, apan ako nagpakahilom.

Nagduha-duha, bugtong kalibog ang gibati,
basin ug usa lamang ka lingla akong maani,
inanay nadayeg ko ang kamatinud-anon niini,
apan daw dili katoohan, kalibog ang nagpasulabi.

Gihatagan ko ug lugway ug timaan ang maong kahigayonan,
tuig ko nga paantuson una ang pagsalig ko ikatugyan,
boot ko nga tugkaron kun kini ba may kinutuban,
samtang padayong nagsud-ong, paghigugma nakat-unan.

Apan sa daklit kining mga luha sa aping nidagayday,
wala ko damha naputos na hinoon ako sa pagmahay,
daklit lamang, milayag kini nga wala ako makabantay,
nahanaw na gikan kanako, bugtong ko nga kalipay.

Puwera buesita! wala ko man lang nadungog,
ang kasadya sa barko alang kanako unta makabubungog,
Nagbakho ug nag inusara ning pantalan nagsud-ong,
nganong gitugotan ko mawala ka, bugtong kong pahiyom.





****
usahay ulahi na ang tanan
usahay atong pagamayahan
kun anaa sa atong palad ang kahigayonan
maayo pang ang kamatooran itugyan.

02/27/2015 ]]> vahnhelsing https://www.istorya.net/forums/entry.php?2467-Nahanaw-nga-Kalipay https://www.istorya.net/forums/entry.php?2465-Pagduaw-sa-kagahapon Sun, 22 Feb 2015 04:19:43 GMT Walay sama ang kamingaw ning nahimutangan karon,
bugtong bayhon mo lamang ang nahinumdum,
sa kadaghang higayon uban kanimo unta tagamtamon,
nahiulahi na, kanako wala ka nay bisan diyutay'ng panahon.

Aninaw ko ning takna ang maanindot nga kawanangan,
sa matag karon ug unya mopatim-aw ka ning panumduman,
uban kanimo kining kahigayonan unta pagasaw-an,
apan tingali, wala nay bili ang tanan, naanod ug nakalimtan.

May mga gutlo nadakin-as kining mga dila,
mipahiyom ikaw apan bisan gamay wala'y pagsukna,
dili paigo, napun-an ang mga talinhaga,
dri na lamang kutob kalimtan ko ikaw akong himaya.

Ang luna mo ning kinabuhi dili man tood mapapas,
apan gipanghinaot ko matabunan sa mga luhang niagas,
sa mga bitoong akong gilantaw ning kagabhion,
kanila gitugyan ko ang pangandoyng dili ko mabaton... ]]> vahnhelsing https://www.istorya.net/forums/entry.php?2465-Pagduaw-sa-kagahapon https://www.istorya.net/forums/entry.php?2423-Diha-kanimo-lamang Wed, 12 Nov 2014 15:02:40 GMT Handumon ko na lamang ikaw sama sa usa ka damgo,
kalimtan na unta ang pangandoy'ng kalipay uban kanimo,
apan bisan paman sa ingon kining panaad padayonon,
ang susuma kanimo lang gihapon, akong paabuton...

Pagkatam-is lantawon sa imong mga pahiyom karon,
dalit sa bag-ong nakaplagan nga kalipay sa iyang mga bukton,
gikumot ning dughan samtang kaninyo nagsud-ong,
kining mga luha ning aping mitulo, dili ako makapugong.

May pagmahay, migitib gikan ning dughang nanghoot,
milabay na lamang ang mga kahigayonang gipaabot,
apan sayod akong dili pa haom ang takna aron magpatihulog,
kuwang pa sa kahamtong, dili ko boot magpadala sa bul-og.

Kining pag-ampo dili ko lung-an, sa kanunay pagahugtan,
tingali dili karon, mahimong sa umaabot uban kanimo lamang,
sa umaabot kun ugaling may kahigayonan kining tanan,
dili ko gayud hikalimtan, kining tanan, diha kanimo lamang.


"ang tanan lumalabay lamang, pero magpabilin ang imong handumanan."
11/12/14 ]]> vahnhelsing https://www.istorya.net/forums/entry.php?2423-Diha-kanimo-lamang https://www.istorya.net/forums/entry.php?2410-Hinalad-sa-Hilom Fri, 26 Sep 2014 15:02:56 GMT Pahinungod ko kini kanimo ginadayeg sa hilom, diin ang mga panaad gihugtan apan inanay nga nitidlom, sa matag karon ug unya ning pangaliya naghandum, sa kahuyang nagpatuyang ug nawala ang kaligdong. Nagpangagho samtang sa kasaypanan nagpatianod, nagpunay na lamang gikalimtan ang kanimo gipahinungod, unsaon ko paggawas? boot kong butangan ug utlanan, tul-iron kining pagtipas sa dalan, mokawhas ning lunangan. Sa makas-a hatagi ug timailhan ug katin-awan, hinandum sa hilom kining pagbati kanimo lamang, kining lawas limdan ko sa kalipay makadiyot matagamtam, kanimo lamang kining pahiyom nungka mahutdan. Pahinungod ko kini kanimo ginadayeg sa hilom,
diin ang mga panaad gihugtan apan inanay nga nitidlom,
sa matag karon ug unya ning pangaliya naghandum,
sa kahuyang nagpatuyang ug nawala ang kaligdong.

Nagpangagho samtang sa kasaypanan nagpatianod,
nagpunay na lamang gikalimtan ang kanimo gipahinungod,
unsaon ko paggawas? boot kong butangan ug utlanan,
tul-iron kining pagtipas sa dalan, mokawhas ning lunangan.

Sa makas-a hatagi ug timailhan ug katin-awan,
hinandum sa hilom kining pagbati kanimo lamang,
kining lawas limdan ko sa kalipay makadiyot matagamtam,
kanimo lamang kining pahiyom nungka mahutdan. ]]> vahnhelsing https://www.istorya.net/forums/entry.php?2410-Hinalad-sa-Hilom https://www.istorya.net/forums/entry.php?2395-Dalit-nga-pangandoy Thu, 14 Aug 2014 16:34:22 GMT Nanamilit ako kaninyo nga may luha nga nidagayday sa sulod ning galamhan nagbakho ug sa luha nagminatay daw nawad-an ug paglaom samtang ikaw gisud-ong ang pinitik ning kasing-kasing sa makadiyot mihunong. Naninguha apan dili paigo, ang kaninyo akong ikadalit, tinood sa makadiyot makahupay kini sa inyong kasakit, dili ako makaharong paglantaw sa imong mga mata, sa kasinatian naaninaw kong mga palad mo niini abunda. Sa lain lawak nadungog kong bag-ong nigitib nga bulak, apan sa dihang gisud-ong ko, daw kuli kini makabuswak, ang punoan diin kini nagtapot kulang sa kahamtong, ug kining bulak, nagpangutana ako kun anaa bay kaugmaon. Pagkapintas na lamang gayud ning kapalaran sa uban, mahimo ba nga kini unta sila sa kalipay pod mabuligan, luyo sa mga pahiyom gitagoan na lamang ang gibati, tungod kay ning takna ang kalig-on ang ilang gipili. Niuli akong naghinuktok sa kagabhion, naglantaw sa bukid, mobalik ako sa umaabot aron kining grasya ikapaambit, paigo na kanako makita ang tam-is ninyong mga pahiyom, aron kining mga pangandoy ko sa kinabuhi magpadayon. Nanamilit ako kaninyo nga may luha nga nidagayday
sa sulod ning galamhan nagbakho ug sa luha nagminatay
daw nawad-an ug paglaom samtang ikaw gisud-ong
ang pinitik ning kasing-kasing sa makadiyot mihunong.

Naninguha apan dili paigo, ang kaninyo akong ikadalit,
tinood sa makadiyot makahupay kini sa inyong kasakit,
dili ako makaharong paglantaw sa imong mga mata,
sa kasinatian naaninaw kong mga palad mo niini abunda.

Sa lain lawak nadungog kong bag-ong nigitib nga bulak,
apan sa dihang gisud-ong ko, daw kuli kini makabuswak,
ang punoan diin kini nagtapot kulang sa kahamtong,
ug kining bulak, nagpangutana ako kun anaa bay kaugmaon.

Pagkapintas na lamang gayud ning kapalaran sa uban,
mahimo ba nga kini unta sila sa kalipay pod mabuligan,
luyo sa mga pahiyom gitagoan na lamang ang gibati,
tungod kay ning takna ang kalig-on ang ilang gipili.

Niuli akong naghinuktok sa kagabhion, naglantaw sa bukid,
mobalik ako sa umaabot aron kining grasya ikapaambit,
paigo na kanako makita ang tam-is ninyong mga pahiyom,
aron kining mga pangandoy ko sa kinabuhi magpadayon. ]]> vahnhelsing https://www.istorya.net/forums/entry.php?2395-Dalit-nga-pangandoy https://www.istorya.net/forums/entry.php?2372-Katahom-sa-Sapa-sa-Kanlaob Sun, 22 Jun 2014 15:40:13 GMT latagaw akong huna-huna samtang gahangad sa kawanangan,
may dapit nga boot ning kalag maadtoan ug makit-an,
kaanyag nga talagsaon boot ko matilawan ug matagam taman,
ang imong mga hulagway nagpuno sa akong tumang kahinam.

Nahukman kong adtoon ikaw ug sination ang kaanyag,
ngitngit pa dihang milakaw ako ug mipakita na ang kahayag,
dihang naabot ako sa balangay'ng imong nahimutangan,
gibati ko ang kakulba ug matambalan na gayud ang kahinam.

Ang kahayag sa silangan inanay nang lapos sa mga kakahoyan,
ang kaanyag sa kangiob nga imong gitapigan ug gitagoan,
minglutaw ug nangilalak, pagkanindota sud-ongon ang katahom,
bahandi, kinaiyaha'ng boot matagamtam kanunayng gihandum.

Ang pahiyom ko'ng daw abot sa dalunggan, dili tiaw'ng kalipay,
karon taud-taud tagbawon kong kaugalingon ug inanay,
ang kabugnaw na nootsoot ning kalawasan gikan sa busay,
ang tibook sapa ug bukid sa kamadinohon nagdagayday.

Sa katuigang umaabot hinaot magpabilin ang imong katahom,
ampingan sa mga binuhat nga sa kanimo boot mosud-ong,
talagsaon na lamang ug mapasalamaton ako sa kahigayonan,
kining kasinatian may kadasig ug kalipay dili ko makalimtan.


]]> vahnhelsing https://www.istorya.net/forums/entry.php?2372-Katahom-sa-Sapa-sa-Kanlaob https://www.istorya.net/forums/entry.php?2322-Kab-oton-ko Thu, 20 Mar 2014 13:53:32 GMT wala ako masayod sa mahimong sangpotanan
boot ko'ng kab-oton damgong hilabihan
giyam-iran man tood kini sa kadaghanan
dili ug nungka maangkon walay purohan.

dili ngil-ad ang mangandoy nga puno sa kahinam,
sa dugay'ng panahon ning damgo nangandam,
apan ning kahiladman sa tinuoray nagduda,
apan angay sukdon ug ipakita ang paninguha.

nalimdan makas-a ug napakyas sa pangandihay,
apan bisan pa sa nahiagoman wala nagmahay,
kun sa ikaduhang higayon makab-ot ang kinutoban,
madasigon nga buhaton kining kalipay sa akong dughan. ]]> vahnhelsing https://www.istorya.net/forums/entry.php?2322-Kab-oton-ko https://www.istorya.net/forums/entry.php?2275-Dalit-nga-pangandoy Tue, 31 Dec 2013 15:14:00 GMT Nanamilit ako kaninyo nga may luha nga nidagayday sa sulod ning galamhan nagbakho ug sa luha nagminatay daw nawad-an ug paglaom samtang ikaw gisud-ong ang pinitik ning kasing-kasing sa makadiyot mihunong. Naninguha apan dili paigo, ang kaninyo akong ikadalit, tinood sa makadiyot makahupay kini sa inyong kasakit, dili ako makaharong paglantaw sa imong mga mata, sa kasinatian naaninaw kong mga palad mo niini abunda. Sa lain lawak nadungog kong bag-ong nigitib nga bulak, apan sa dihang gisud-ong ko, daw kuli kini makabuswak, ang punoan diin kini nagtapot kulang sa kahamtong, ug kining bulak, nagpangutana ako kun anaa bay kaugmaon. Pagkapintas na lamang gayud ning kapalaran sa uban, mahimo ba nga kini unta sila sa kalipay pod mabuligan, luyo sa mga pahiyom gitagoan na lamang ang gibati, tungod kay ning takna ang kalig-on ang ilang gipili. Niuli akong naghinuktok sa kagabhion, naglantaw sa bukid, mobalik ako sa umaabot aron kining grasya ikapaambit, paigo na kanako makita ang tam-is ninyong mga pahiyom, aron kining mga pangandoy ko sa kinabuhi magpadayon. Nanamilit ako kaninyo nga may luha nga nidagayday
sa sulod ning galamhan nagbakho ug sa luha nagminatay
daw nawad-an ug paglaom samtang ikaw gisud-ong
ang pinitik ning kasing-kasing sa makadiyot mihunong.

Naninguha apan dili paigo, ang kaninyo akong ikadalit,
tinood sa makadiyot makahupay kini sa inyong kasakit,
dili ako makaharong paglantaw sa imong mga mata,
sa kasinatian naaninaw kong mga palad mo niini abunda.

Sa lain lawak nadungog kong bag-ong nigitib nga bulak,
apan sa dihang gisud-ong ko, daw kuli kini makabuswak,
ang punoan diin kini nagtapot kulang sa kahamtong,
ug kining bulak, nagpangutana ako kun anaa bay kaugmaon.

Pagkapintas na lamang gayud ning kapalaran sa uban,
mahimo ba nga kini unta sila sa kalipay pod mabuligan,
luyo sa mga pahiyom gitagoan na lamang ang gibati,
tungod kay ning takna ang kalig-on ang ilang gipili.

Niuli akong naghinuktok sa kagabhion, naglantaw sa bukid,
mobalik ako sa umaabot aron kining grasya ikapaambit,
paigo na kanako makita ang tam-is ninyong mga pahiyom,
aron kining mga pangandoy ko sa kinabuhi magpadayon. ]]> vahnhelsing https://www.istorya.net/forums/entry.php?2275-Dalit-nga-pangandoy https://www.istorya.net/forums/entry.php?2268-Hinikawan-sa-kapalaran Tue, 10 Dec 2013 13:28:06 GMT Sayo akong mingbukwas ning lantay bisan sa kaduka,
may bag-ong tahas nga sagubangon alang sa maayong ugma,
makadiyot naghinuktok samtang naglingkod sa katre,
kining pag panimpalad may maayo ba akong maani?

Pil-an na kahigayonan ang milabay ug sa matag paninguha,
miuli nga pakyas, haw-ang ang dughan, huyhoy ang abaga,
may bag-ong kahigayonang makapausab ning kapalaran,
mahimong magmalampuson, modalit ug kalipay ning dughan.

Kaharuhay ang tinguhang makab-ot human ning tanan,
mahupay unta kining mga kasakit nga boot makalimtan,
mahimong ang tubag niini ania na sa akong atubangan,
apan subo, padayong gihiwikan sa maayong kapalaran.

Naanad na sa kaidlas sa kalampusang boot matagamtam,
Ug dili mahimong sa mga pagsulay moatras na lamang,
andam sugabangon mga pagsulay nga wala'y pagkibra,
padayon sa pakigbisog bisan sa ulahing mga ginihawa....


pero sa tinooray perti na jud kapoya.... ]]> vahnhelsing https://www.istorya.net/forums/entry.php?2268-Hinikawan-sa-kapalaran https://www.istorya.net/forums/entry.php?2263-Halad Sat, 30 Nov 2013 12:46:50 GMT Milabay na ang dakong unos nga mismo ako ang nagmugna,
gimahayan, ug gisulayan paglimot ang maong pagpakasala,
may mga higayong mahimong magpakabuhong pag usab,
apan hugot kong barogan kining nag inusara kong panaad.

Dili ko na mahimo pang tul-iron ang tanan aron makuhaan,
ang kasakit ug kasamok nga napahamtang ngadto sa uban,
di tiaw ang mga luha nga ning agas tungod ning pagkamaluibon,
giputos sa katam-is ang linglang daw wala'y sama kahalandon.

Pagbasol nga ulahi na ug nungka makahupay sa kahapdos,
hulaton na lamang hangtod sa panahon kining tanan mahipos,
di man tood kasaligan ug katoohan apan dalit kini sa pag bag-o,
ang takna nungka ahaton, halad ning baroganan ug pag too. ]]> vahnhelsing https://www.istorya.net/forums/entry.php?2263-Halad https://www.istorya.net/forums/entry.php?2250-Gugma-sa-Hamtong Wed, 30 Oct 2013 14:44:34 GMT May gugmang lumalabay lamang ug wala'y baroganan,
apan lahi ang pagbating inanay'ng gihulma sa kahiladman,
sinalikway apan pabiling nagmalig-on bisan pa sa mga unos,
bugtong halad lamang ang kaligdong niini ug katim-os.

Gisudyaan sa kadaghanan kining gugma sa hamtong,
daw sa kalipay'ng wala'y tapos di angayan makaangkon,
lood matud pa sa uban ug napuno intawn sa pagtamay,
busa boot na lamang unta itago mga luhang nidagayday.

may higayon sa ilimnon makahubog na lamang magpalaban,
nanghinaot nga ang pagbating gisalikway inanay malimtan,
apan dili mahimong ilubong ang pinitik nga talagsaon,
kining gugma sa hamtong, naanod na ug karon naulipon.

Hinalarang gituktok makadaghan ang pultahan sa dughan,
apan pabiling sirado ug sa umaabot daw dili kadangpan,
sayod akong gilantaw mo ang saad ning gugma sa hamtong,
ang matang sa gugmang dili mopakyas sa buhat ug pulong.





:D ]]> vahnhelsing https://www.istorya.net/forums/entry.php?2250-Gugma-sa-Hamtong https://www.istorya.net/forums/entry.php?2241-Bili-ning-Kalibutanong-Pagpakabuhi Tue, 08 Oct 2013 14:47:21 GMT Haw-ang kining galamhan nga daw may gipangitang boot maangkon,
Nanikaysikay apan wala nasayod sa kung unsay tiunayng tumong,
Nagpangutana ug boot matugkad ang bili ning kalibutanong pagpakabuhi,
Apan dia latagaw, nagpautaw-utaw, wala'y padulngan wala'y gimithi.

May mga damgo apan hanap sa matag higayon nga gisulayan ug kab-ot,
Gibanlas sa sulog ngadto sa awaaw, nagpunay na lamang ug pinaabot,
Kalibutanong kalipay tood nag-awas ug dili makumkum ning mga kamot,
Mga pasundayag sa katahom nga mahanaw lamang sa usa ka pamilok.
Sa kauhaw dili makatambal bisan sa pipila ka higayong gisulayan ug yarok,
Mahubog na lamang kadugayan sa kalipayng pinugos gitagamtam ug gilad-ok,
Hain ug asa makaplagan ang tambal ning tumang kauhaw ug kahaw-ang,
Nga dugay nang panahon gipangita aron mahupay ang nasinating kalad-ang.

Nanglabay na ang katuigan nga daw wala'y unod ug napuno lamang sa lumot,
Hinan-ay na tood ang tanan apan nganong daw ang dagan sa tanan nangalukot,
Gisubay ang dalan nga gituohang makiangayon alang ning akong kalag,
Apan dia ning kayda naghinuktok, dal-a intawn ngadto sa saad mo ugma damlag.

]]> vahnhelsing https://www.istorya.net/forums/entry.php?2241-Bili-ning-Kalibutanong-Pagpakabuhi