Rhyme2x

[2nderemperror]

---

@peacetalk
unta naa pa koy laing makuot sa akong utok nga grabeng ka gubot
sanglit naghinaot gayod ako nga sa keyboard aduna pa akoy ikapindot
kay sa imong mga linya nga dili ko gayod malamoy ug hurot,
mura bag wala na jud koy ikaistorya, nagka-grabe gyud ka ug ni samot

pero cyempre sa imong hagit, daw ako mangita gihapon ug laing ikabuga
bahalag mosikma na ko ug pansit ug magsuka na ako ug hamonada
kay daw maayo gayod nga ihirit bahalag maligsan ko sa imong bisekleta
basta naa lang akoy ikaambit, hala cge! magtiwas pa kita



@keen
asa na man ka? di na ba ka dinhi makiglambigit?
musta na man ka? are you feeling great, tsokolet?
kay murag wa na man lagi ka dnhi sa kutay ni apil-apil?
ayaw unya ko tubaga ug well, well, well, caramel
bun-og na raba kaayo ko dinhi sa ilahang mga linya
kung mo tunga na gani ka, pagtempla ug french vanilla ha!

[Lamusika]

ahaha

@peacetalk pasensyae ug tagsa nalang ko mkalabay dinhing dapita
Unsaon ta man maikog ko mo post diri ug bisan unsa
Sa mga balaknon nga rhyme2 ninyong way sama
Ang pagmuna ug mga mabulakwanon istorya intawn wa jud ko ana

Ug Ako dili dayon maka basa-basa
Ky ako mga bai nka mobile ra
Mao nang @peacetalk peace na ta ha hihihihi

[keen]

pastilan lingawa nakong nagbasa
sa mga banat sa mga balaknon sa istorya
dili jud ikalalis nga dinhing dapita
dili dapat mo-absent ug dugay kay ang tubagonon pagkataasa

@bizz_dakk praktis-praktis pa ni ako diri
namasin nga inig sunod tuig eksperto na ko ani
bahin sa Gilbey's nga gisagulag lime
moinom nya ko ana kung tinuod nga makatabang sa rhyme-rhyme

@browniies go lang ng go sis
maghuna-huna jud ta ug pinalawom pila ka bisis
kung sa pagsulat pa, daghan bagis ug badlis
pero kung makahunat na, lingaw kaayo morag kwitis

@2nderemperror nisipat na pud imong mga letra
haha maglisud na pud ug apas sa imong 10-wheeler ang akong karitela
sakto ka, buhat ug walay buhat ning buhata
pero walay blema kay lingaw ra man pud ta

ug sa dihang nigimaw si @peacetalk
ang imong username sige ra ba ug kahinanok
pero sa imong birada akong mata magpitok-pitok
nakahuna-huna pud ko ug pison nga sa yuta tigbantok

naa sa NASA diay ka karon
NASA nga NASA dako paroon
nga ikaw ra NASAyod ug asa adtoon
maayo kay NASAntop sa imong huna-huna nga kami diri bisitahon

@2nderemperror well, well well, caramel
pasensyai plis ang absenot kay nag-atiman pa sa camel
sa sobrang kabuluyagon mga tanom nangadugmel
oi kapi ba? kung mahuman, ako lang i-ring ang bell

[2nderemperror]

@keen
akong gi-ukay, gi-kulitog, grabe jud nga pagkulkog
kining akong utok nga mura bag napuno na sa abog
apan daw halos wala na akoy linya nga kaninyo makapakurog
maong mopadaplin lang usa ako, dinhi sa daplin magabarog

medjo taas na gayod nga higayon nga ikaw dinhi nawala
maong kang @peacetalk ikaw napud usa karoy bahala
kay daw kining tawhana daghan kaayo ug pulong sa iyang dila
nga bisag kapilahon nimo ug tira, naa jud cyay iyang ikaluwa

[chuckkcuhc]

@ kaninyong tanan,
perti jud kung nalingaw aning rhyme2x
ang resulta kadlawnan sa bedtime
kay wa man ko kaila ninyo
ako di ang istoryan nga gwapo
panagsa ra ko dire mag post
mao ako account mura ug ghost

hala , nisagbata ra baya ko deretso
ok ra ba ninyo mga gwapa ug gwapo?

tan.aw nako ako ra baya dle CIA
try2x lang pud ning ako basin magsilbe

dre lang sa kotob ang akong mga asoy
kay muadto pa ako sa dagat manakop og shokoy
para pamahaw sa akong tiyan nga nagkotoy


daghang salamat,, delete lang ko bati,

[Lamusika]

@chuckkcuhc kining mga balak alang ni sa tanan
Bisan ako paman igo ra maagian
Mga mabulakon nga istorya nga si @peacetalk ang sinugdanan
Hala bisan ikaw , mugnaa ang kinatapusan


Apan kinia usa ra ka lingaw-lingaw,
Nga gimugna sa sama nako nga wa puy lingaw
Mao ng ayaw pagduha-duha sa pag apil ani nila
Ky intawn wala my pili kining mga tawhana ...

Bow .

[chuckkcuhc]

@Lamusika pagkagwapa ana imung avatar
kung akoy mudiskarte matagbaw pud ta ug pa chaar

kay si boss @peacetalk man ulo aning kalingawan
siya maoy akong solisitan
kasumaran sa akong adlawng natawhan

dont worry di ko mo solicit ug money
greetings lang nga happy birthdey

ug sa akong nabantayan
si @2nderemperror ang username nga kahadlokan
pero nag basabasa ko sa previous post
woops, labihan man d i ka bootan
maayu kaayu muhan-ay ug mga istoryang pinalabtik
patodlo nya ko ug diskarting way atik2x para sa mga chix

[2nderemperror]

@chuckkcuhc
salamat sa imong maayo ug matam-is nga mga pulong
daw ako nagpangalot gayod ug gani ako nahibulong
kay dili man unta ako sa hitsura ingon ana ka maambong
pero ngano ikaw dinhi kanako nangayog bulawanong pulong

kung ikaw adunay gusto nga mahimamat nga usa ka dalaga
mas maayong kang @peacetalk ka mo konsulta ug dili sa akoa
kay kanang tawhana daw beterano na kung kabahin sa gugma
murag ubay-ubay na jud ang mga chix nga kaniya ga linya

ug kung kabahin sa imong kalinghod sa pag-apil niining tapoka
ayaw ug kabalaka kay mapa newbie man o dili, dinhi, ka
kay wala kami gipili bastag aduna kalay imoha pud nga ikabuga
pero kung wala jud gani, aww suwayi lang! kay lingaw2x ra ning atoa

[chuckkcuhc]

ug karun akong sumpayan
ang balak nga gi-atngan sa tanan

kay hapit na man valentines
andama na ang inyung pickup lines

karung umaabot nga petsa katorse
swerte ang makadawat ug bulak ug tsokolate
kaming mga way pares, aw mangalot lang ug kamote
samtang ang uban toa sa motel nag happy2x

ang mga y ka date nga dalaga
aw, ay pag duha2x, pm lang mga amiga

di ra ba ko tantung hitsuraan,
kuyawan ko basin di maayonan

sumala pa ni @2nderemperror, sa ka @peacetalk, chix nag linya
boss, kung di kapasar sa imuha, e-reffer dayun sa akoa

pls reply, kay perti na jung dokaa
arun mosiga ug balik akong mga mata
nga maga basa, sa inyung mga istorya

bow,

[2nderemperror]

@chuckkcuhc

ug sa akong paglantaw-lantaw
murag ikaw gayod kay namuwaw
aron aduna kay ikapalutaw
nga mga linya nga makapa-kuyaw

hinuon sad, maayo nga pagkahan-ay
maong permenteha kana kanunay
pasencya kung wala dayon ako kasumpay
kay pang-gabii ang akong hanap-buhay

busa paabota lang ang ikatambag ni @peacetalk
kay murag sa mga chix ikaw gayod nagpangyarok
apan kang @keen mamahimo ka usab mag samok
kay daghan pud na siyag tips nga kanimo ikadan-ok