Balak ko, Padayonon Mo

[slabs4]

---

@keen ug @peacetalk

ayaw isipa nga ang akong kasagmuyo sa mga balak nga inyong nahimo
kini isipa lamang nga usa ka matang sa pahimangno
bulahan ugma damlag kamo makahimo
sa unod ug matuod nga pulong nga inyong gipanggutlo

[Graffitivoir]

Gipangutlo ang mga nangalimyon,
ang kahumot buot niyang suta-on ug tugkaron,
pagkabangis sa buyog ug sa putyokan ang iyang ilong gahubag na gyud intawon,
bisan sa pagping-it siya nag-ngisi lang gihapon,
kay bisan sa pagkapig-ot sa lungag sa iyang ilong ang pagsimhot iya gyud gidayon,

Gihapohap ug gikis-kis ang mga guhay sa bulak nga iyang gidala,
wala kabantay nga nag til-as sa iyang kuyamoy milatay na,
iyang tudlo ming-hubag, ming-burot puwerte na gyong dakoa,
tungod sa iyang kalagot siya nangugat ming-utong ug ang kahungaw mao nay nagpa-siugda,
ang kahumot nawala ug natabonan sa otot nga puwerteng bahoa.

[woodpusher]

Ang baho mura'g gagikan sa kabaw
Makapabihag gyud sa mga langaw
Namiya sila gikan sa pan-os nga lamaw
Nanglupad padulong sa nanimaho nga taw

Alang sa insekto ang baho mura'g pahumot
Mga bangaw ug langaw nahimuot
Pampagana sa ilang pagpamahaw
Nangaon dayon sa salin nga pizza sa Handuraw

[bluelhady]

Ang baho mahisama sa usa ka sekreto
nga moalingasaw bisan unsaon pa ug tago- tago nimu
usa ka sekretong nakahatag ug kadaot
sa usa ka relasyong namugna sa makadiyot

gahi ug di mabali nga baroganan ang gikinahanglan
aron ang usa ka relasyon magpabiling ligdong ug wae katapusan
pero kung sa tentasyon ikaw mahuyang
maypa molayat ka sa hagdang usa rai ang-ang

[Graffitivoir]

maypa molayat ka sa hagdang usa rai ang-ang,
ayaw intawon Inday kay ang gusok niining kiliran basin unya mapiang,
gihambin ra ba niini ang kasing-kasing nga sa gugma maoy tuburan,
imo ma ugaling paluksoon butangi pud intawon ug foam ang tugpahanan,

Ang imong gitara andama na,
kay mag-duet na kitang duha,
Love songs nga mga moderno ug kadtong gipang-taya,
mohupay sa usag-usa ug unta modalit unta kanato ug tumang kasadya,

[bluelhady]

Kung sa pagkanta imo akong hagiton
Dili ko ikaw balibaran dayon
Magmugna dayon kitag mga liriko
Ug kantahon ko pa kini nga magsolo

Kung pananglitan mouwan ug kalit
Buot pasabot niana nga wala gayud kauyon ang langit
Kay ang tinuod, kung ako na ang mo.birit
Makapanguros ka gayud ug pinakalit

[Graffitivoir]

maka-panguros ka gayud ug pinakalit,
dili ta magalayo kay ang mga tiki mangatagak man kung makadungog sa akong awit,
sa ilang dalunggan nanampong ba kaha kadto,
o ming-pak2x maong nahulog, wla gyud ko kahibalo.

Inday niining madanlog nga kalibotan ikaw sa kanunay magbantay,
ayaw gyud padala sa mga haylo ug sa mga kintahay nga kanunay nilang gipabuhagay,
halapad pa kaayo para kanimo ang dalan sa panahon,
padagana usa sila ug 1000 kilometer run aron usab panington.

[bluelhady]

Hahaha nahimuot gayud ako sa mga pulong nga gipanglitok mo
Daw susama sa mga pinulongan sa akong lolo
Kung hisgutan na ang lablayp nako kuno
Hatag dayon ug mga tambag nga wa diri, wa didto

Sa imong mga pahimangno nagpasalamat ako
Timan-an ko gayud kini ug ipatik sa alimpatakan ko
Himuon ko kining armas ug gabayan sa akong pagpakigbisog
Niining lumba sa pagpabuhagay sa ilang gugmang dili baskog

[vahnhelsing]

nang panglad-ok ako nag basa sa usa ka libo ka kilometros,
daw gisampalong sa hangin kusog naghaguros,
mahilis man sad ang lapa-lapa ana bangiitang tirongski,
mahuman tood pero dili na ana bisan gamay makangisi.

gigihayan diay kini si inday bluelhady mahitungod sa gugma,
basin igo ra nga kini sa pagpaminaw ug gamayng pagbasa,
apan sa daklit makalimtan lang dayon ug magpauraray,
hinaot nigamot ang pahimagno aron dili ulahi ang pagmahay...

[woodpusher]

@bluelhady ilansang sa imong alimpatakan ang mga pahimangno ni tirongski
Kung di' madala gamiti'g barina nga makabuslot ug tanke
Ayaw palinlang, siguradoa gyud nga tinuod ang tanang gipangsulti
Bahin sa barina, lig-on ang marka nga Black & Decker ug Hilti

Dungana gyud sa paggamit imong utok ug kasing2x
Puede ra pud ka mangayo'g tambag ni @vanhelsing
Mahatagan gyud ka niya ug mga pulong nga dako'g tabang kanimo
Pasagda-i na lang ni ako'ng balak kay makahatag lang ni'g kalibog nimo...