Anak sa opisyal sa ALU gipatay!

[supermarionism]

---

GIBUK-AN sa iyang ulo ang usa ka negosyante sa usa ka tawo nga nagpakaron-ingnong mo-abang og lawak sa apartment niini kagahapon sa alas 11:00 sa buntag sa may Tambis Street, Barangay Sambag ll, dakbayan sa Sugbu.
Si Richard Seno, 51, minyo namatay diha-diha human na-igo sa likod nga bahin sa ulo ug ang bala sa kalibre .45, milapos sa iyahang agtang dihang gipusil kini sa usa ka batan-on nga paspas misakay sa nagpaabot nga motorsiklo.
Si Richard, maoy kamanghuran nga anak sa labor leader Cecilio Seno, ang vice chairman of Associated Labor Union (ALU) ug President of Vimcontu Broadcasting Corp. nga nanag-iya sa dyLA.
Si Richard didto pusila sa ikaduhang andana sa ilahang apartment diha sa hagdanan diin siya naghayang human pusila sa likod sa ulo samtang nag-giya sa mipusil sa pagpili untag lawak niining abangan.
Si Atty. Seno, nga nahinabi sa mga tigbalita, nagkanayon nga wala siyay kalibutan kun unsay motibo sa pagpatay sa iyahang anak, tungod kay wala kiniy kontra sa lugar.
Usa ka tinun-an kinsa nagpuyo sa apartment maoy naka*kita sa nagpusil gani gipasulod pa nila kay nangitag room pero dugay nga misulod kay nagpaabot pa sa biktima nga mogawas. Ang biktima nangutana pa nila kun unsa nang orasa, dayon gisultihan niya nga dunay tawong nangita nga gituuhang mangabang sa lawak.
Pero sa pagtalikod niya kalit nga may buto ug sa paglingi niya naghay-ad na sa hagdanan ang biktima, samtang ang gunman midagan paingon sa motorsiklong nagpaabot sa gawas.
Ang higala sa biktima mipadayag nga wala kini kontra sa dapit ug kanunay nga makig*huyhuy sa mga barkada ug mga silingan.
Si PO3 Lou Pagara, imbestigador sa homicide section sa Cebu City Police Office (CCPPO), nagkanayon nga ilahang susihon sa CCTV-CAM diha lugar atbang sa apartment nga makatabang sa imbestigasyon.
Gipadayag niini nga sa pagkakaron personal grudge ila*hang gisubay sa krimen. Ilahang lantawon ang ubang angulo ingon man dugang background sa biktima.
“Kami misabot lang sab ta sa sitwasyon karon nga naa pa sila sa kagul-anan og ilabi na sa health condition sa amahan sa biktima,” dugang ni Pagara.

Anak sa opisyal sa ALU gipatay | Sun.Star

[raissah]

kuyawa gud

[lhorenzoo]

​condolence sa pamilya . i hope kini na kaso di ni maapil sa listahan sa mga unsolved crimes sa police dihas sugbo