Kalampusan - Blogs - iSTORYA.NET
View RSS Feed

***..

Kalampusan

Rate this Entry
by , 07-24-2013 at 03:09 PM (3519 Views)
Gipadpad kining panghuna-huna ngadto sa awaaw nga dapit,
mintras naglakawng nag inusara sa hilom nga kangitngit,
nag lantaw balik sa kagahapong gipug-an sa tumang kusog,
gipaninguhaan ang kalampusan bisan sa kasakit naglimbisog.

May mga higayon sa panikaysikay mahutdan sa paglaom,
bundakan sa kapakyasan mawad-an sa umoy dayong katidlom,
mga luhang na uga na lamang hinulat sa tabang nga gihandum,
busa kining kalag ning galamhan na lamang nangita sa kalig-on.

Naninguhang makabarog sa pagkahapla wala'y laing makatabang.
nakapanghupaw, nagtigom ug igong kusog aron ikasagubang,
mahimong sa ikaduhang hugna matampuwak sa dakong unos,
apan sa maong higayon, igo na, takos na aron molampos.
ireneolive and shaica like this.

Updated 07-24-2013 at 03:31 PM by vahnhelsing

Categories
Uncategorized

Comments

  1. Dorothea's Avatar
    vahn, your posts should come with translations. Ka lawom sa bisaya oi. But beautiful.
  2. ireneolive's Avatar
    maka relate man sad ta anang sa pagka hapla wala'y laing makatabang.

    ayeee. inspired! crystal clear ng leg 3 ani. salamat kay inday crush na nagpa inspired. ayeeee.
  3. reeses's Avatar
    Grabe ka lawn, I cannot swin, hahaha
  4. vahnhelsing's Avatar
    Quote Originally Posted by ireneolive
    maka relate man sad ta anang sa pagka hapla wala'y laing makatabang.

    ayeee. inspired! crystal clear ng leg 3 ani. salamat kay inday crush na nagpa inspired. ayeeee.
    ahahaha mao diay ni like kay naka relate..
    diha man tos popeye pagkahapla nimo gud..
    nitabang ug papha.. ayeee..
  5. ireneolive's Avatar
    hahaha. wala man gud to sya nakatabang. nasubo daw sya kay wa sya ka tabang pag patindog. anyway,okay ra to. hapla2x din pag may time.

    upcoming blog na sad ni after leg 3. nindota uy basta inspired. ayeeeee.

Trackbacks

Total Trackbacks 0
Trackback URL:
about us
iSTORYA.NET is Cebu's Biggest, Southern Philippines' Most Active, and the Philippines' Strongest Online Community!
follow us
#top